2 Theth 2:3 - JAM DE NHIALIC 2011

³ Ë cïn raan ee we math, acakaa yen ë mɛth week ë ŋö: köölë acïï bï kɔn bɛ̈n, të ŋoot ë dɔk ke kën bɛ̈n, dɔ̈ŋ ee kɔc röt dak ciëën, ku të kënë raan rac ëtaiwei rɔt guɔ nyooth, yen aye wën ë riääk ëliŋliŋ.

2 Theth 2:3 ပူးပေါင်းရင်းမြစ်များ

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Danyel 8:25

Në biäk pel en, abï tiam në täŋdɛn racic. Abï rɔt lɛɛc, ka abï kɔc juëc riɔ̈ɔ̈k ke ke cïï lɛ̈k. Ku abï teer aya kekë melik dïït ë kɔc kedhie, ku abïï dhil riɔ̈ɔ̈k në riɛl cie riɛl de raan.

Jɔn 17:12

Të wään nuö yɛn wo keek ëtök ë piny nɔm, acä ke muk apiɛth ë rinku: kɔc cï gäm ɛn acä ke tiit, ku acïn raan tök ë keek cï määr, ee wën ë määr ë käŋ ëtök, ke këcïgɔ̈ɔ̈r bï aa yic.

1 Kor 6:9

Kuöckï kɔc racpiɔ̈ɔ̈th nɔn cïï kek ciɛɛŋ de Nhialic bï lɔ̈ɔ̈k lak? Duökï röt ë tɔ mɛnhë: dhööm, ayï kɔc ee yiëth lam, ayï kɔc ee diëër lei kɔɔr, ayï diëër ee röör kɔɔr, ayï röör ee röt tɔ ye diäär, ayï röör ë niin ë röör,

Epethiei 5:6

Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

1 Jɔn 2:18

Wek mïththiaakäŋ, thaar ë thök de piny kï: ku acït man cä wek e kɔn piŋ nɔn bï raan man Kërtho bɛ̈n, en a cï kɔc juëc man Kërtho röt guɔ yök ënɔɔnë, ku yen a ŋicku ye nɔn ee yen thaar ë thök de piny.

1 Jɔn 4:3

Ku wëi ëbɛ̈n wëi cïï Yecu Kërtho gam, ka ye kë cïï bɔ̈ tëde Nhialic: wëi ke raan man Kërtho ka, raan cä we këde piŋ nɔn bï en bɛ̈n, ku ye kï ë guɔ nu ë piny nɔm.

Nyuuth 17:11

Ku lɛ̈n rɛɛcë ë nu, ku cïï nu, yen aye bɛ̈tden, ku ye töŋ de dhorou yiic, ku alɔ määr ëtaiwei.

Nyuuth 17:8

Lɛ̈n rɛɛc wën cï tïŋ aa nu, ku aliu, ku akɔɔr bɛ̈n bei ë adhum cïï thar tiëcic, le määr ëtaiwei. Ku kɔc rɛ̈ɛ̈r ë piny nɔm abïk gäi, kɔc kënë rinken gɔ̈ɔ̈r ë awerek de pïïric ɣɔn thɛɛr ciɛkë piny thar, të woi kek lɛ̈n rac, lɛ̈n ë nu, ku aliu, ku abï nu.