2 Theth 2:2 - JAM DE NHIALIC 2011

² an, Duökï wenïïm ee dap tɔ liëëpë, ku duökï ee diɛɛr në wëi, ayï jam, ayï awerek cï gɔ̈ɔ̈r, awerek cït kë ë bɔ̈ tëde wook, luel en an, Kööl ë Bɛ̈nydït acï guɔ ɣëët.

2 Theth 2:2 ပူးပေါင်းရင်းမြစ်များ

Yith 26:3

Yïn, Bɛ̈nydït, aye muk në män cï dikëdikic kɔc ee rëër në gämden yic aril ku yek aŋäthden tääu ë Yïguöp.

Yith 7:2

Na lɔ jam ɣet tëde melik de Juda, luɔi cïï rem de tɔŋ de Thiriya ɣëët në aken de Yithriɛl nɔm, go riɔ̈ɔ̈c kekë kɔcke abïï ke lath aläl cï tiim lɛthë yom keek.

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Mak 13:7

Ku të ya wek tɔɔŋ piŋ ku piɛŋkï jam ë tɔŋ lueel ë kɔc thook, ke we duökï ye diɛɛr: kek abïk dhil tïc, ku ŋoot thök de käŋ wei.

Luk 21:19

We bï wëikun yök në guöm aa wek käŋ ŋiëc guum.

Luk 21:9

Ku të ya wek tɔɔŋ piŋ ayï awënwën ë kɔc, duökï piɔ̈th ee päu: kakë abïk dhil kɔn tïc, ku thök bï käŋ thök aŋoot.

Jɔn 14:1

Go Yecu lɛ̈k keek an, “Duökï wepiɔ̈ɔ̈th tɔ jeth, we ye Nhialic gam, gamkï yɛn ayadäŋ.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

1 Kor 1:8

Raan bï week muk abäk riɛl a thöökë piny, ke bï ciën kë bï we gɔ̈k ëkööl ë Bɛ̈nydan Yecu Kërtho.

1 Kor 14:32

Ku wëi ke kɔc guiir wël aceŋ keek ë kɔc guiir wël.

1 Kor 7:26

Aluɛɛl ë yapiɔ̈u, në baŋ de riääk de piny ënɔɔnë an: Apiɛth të de raan të tɔ̈u en aya.

Epethiei 5:6

Ë cïn raan ee we math ë wël ɣäär yiic: agönh ë Nhialic abɔ̈ ë kɔc reec gäm nïïm në biäk de ka cït ee kakë.

1 Theth 3:3

ke cïn raan bï rɔt yal në biäk de katuc dhal wookë: luɔi ŋiɛc wek en wegup, nɔn ee yen biäk de kakë yen ë dɔmë wo.

1 Theth 4:15

Ku kënë a lëkku week në jam ë Bɛ̈nydït an: Wok kɔc pïïr, kɔc bï döŋ aɣet bɛ̈n bï Bɛ̈nydït bɛ̈n, wo cïï kɔc cï niin bï waan.

1 Theth 5:2

Wegup aŋiɛckï ëgɔk nɔn bï aköl ë Bɛ̈nydït bɛ̈n cït man ee cuɛ̈ɛ̈r bɛ̈n wakɔ̈u.

2 Theth 2:15

Yen ka, wek mïthëkɔckuɔ, yak jɔ kɔ̈ɔ̈c aril, ku yak wël cï yiɛ̈n kɔc döt wël cï we wɛ̈ɛ̈t ë keek, nɔn ee yen jam de raan thok, ku nɔn ee yen awerek cuk gɔ̈ɔ̈r.

2 Theth 3:17

Thiëcdï kï, yɛn Paulo, thiëc cä gɔ̈ɔ̈r ë yacin, ku yen ee ŋïny bä wek e ŋic ë awereek yiic kedhie: gäär aa yɛn gär kï.

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.