2 Theth 2:13 - JAM DE NHIALIC 2011

¹³ Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

2 Theth 2:13 ပူးပေါင်းရင်းမြစ်များ

Cäk 1:1

Të ɣɔn thɛɛr gɔl ë käŋ, Nhialic ë tënhial cak kekë piny.

2 Tham 12:25

go Bɛ̈nydït jam tuöc tiët Nathan bïï meth cäk an Jedidia (kë nhiëër ë Bɛ̈nydït në thoŋda), në biäk nhiɛɛr ë Bɛ̈nydït en.

Kɛ̈ŋ 8:23

Ee yɛn aa kɔnë cäk gɔl, ɣɔn thɛɛr kënë piny kɔn cak.

Yith 46:10

Ɣɔn gɔl ë käŋ yɛn cï kë tuöl caar, ɣɔn thɛɛr yɛn cï kë bï tïc guiir. Acä lueel an, kë cä kiëët acïï bï löny, ku Yɛn bï këriëëc kaar bä looi ë bɛ̈n looi.

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Edhekiɛl 16:8

“Na wën aa bɛ tëëk nyɔk, ke ya tïŋ luɔi cï kööl bïï yïn nhiëër looi bɛ̈n. Guɔ guöpduön cïn lupɔ kum në lupɔdiën ya cieŋ, ku lɛ̈k yïn gutguut luɔi bän yïn nhiaar. Ɣɛɛ, yïn cï löŋ de thiëëc mak wo yïn yïn, ago jɔ aa këdï.” Yen kë lueel ë Bɛ̈nydït Awärjäŋ ka.

Danyel 10:11

Go tunynhial ya yɔ̈ɔ̈k an, “Danyel, Nhialic anhiaar yïn, jɔt rɔt ku piŋ kë lɛ̈k yïn apiɛth. Yɛn cï tuöc yïn. Wën cï yen ee kënë lueel, yɛn cï rɔt jɔt, ku ŋuɔɔt ke ya lɛthë.

Danyel 10:19

Go lueel an, “Nhialic anhiaar yïn, ku du tɔ de kë diir yïn, ku du riɔ̈c. Wën cï yen ee kënë lueel, aguɔ rɔt yök ke ya ril aläl, aguɔ lueel an, “Bɛ̈ny, lɛ̈kë yɛn kë kɔɔr bä lueel, yïn cï yɛn tɔ piɛth.

Danyel 9:23

Të wään gɔl yïn jam wek ë Nhialic, Nhialic acï lɔ̈ŋdu piŋ, Anhiaar yïn, ka yɛn aa bɔ̈ bä yïn bɛ̈n lɛ̈k jamde. Ka ënɔɔnë jɔ rɔt kiɛm piny të waar ɛn nyuuth yic.

Luk 1:75

Ke wo tɔ̈u në ɣɛɛrë yic ku piathëpiɔ̈u ë yenɔm ananda.

Jɔn 1:1

Të ɣɔn thɛɛr gɔlë käŋ Jam aa nu, ku nu Jam kekë Nhialic, ku Jam yen aye Nhialic.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Luɔi 13:48

Të cï Juöör kënë piŋ, agokï piɔ̈ɔ̈th miɛt, ku leckï jam ë Nhialic, ago kɔc ëbɛ̈n kɔc cï kɔn lɔc an, bïk dɛ pïïr athɛɛr, agokï gam.

Luɔi 15:9

Ku acïn puny cï en wo pɔ̈ɔ̈c yiic, wook në keek, wään cï en keek waak piɔ̈ɔ̈th në gäm.

Romai 6:17

Ku thieithieei Nhialic, wään thɛɛr wek aaye lïïm ke kërac, ku we cï täu de wëët cï yiɛ̈n week aa gam ë wepiɔ̈ɔ̈th ënɔɔnë.

Romai 8:33

Eeŋa bï kɔc cïï Nhialic ke lɔc lɔ gaany? Ee Nhialic yen aye Raan ë keek tɔ cïn yiëth gääk!

Romai 9:11

ku të ŋootë mïthke ke ke kënë guɔ dhiëëth, ku acïn kë cïk looi ayï këpiɛth ayï kërac, luɔi bï löŋ cïï Nhialic lueel ë yepiɔ̈u në këde lɔ̈ny de kɔc, luɔi bï en tɔ̈u tëde, ku acie në këde kë cïï raan tök looi, ee jam ë Raan ë kɔc cɔɔl,

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

Galatai 3:1

Wek Galatai mum nïïm oou, eeŋa cï we thuëëth, bä wek yic cuö piŋ, wek kɔc cïï Yecu Kërtho tääu ë wenïïm ëdëi, ke ye piäät ë tim cï rïïu nɔm kɔ̈u?

Epethiei 2:8

Ee dhuëëŋdepiɔ̈u en acï week kony wëi, në gäm, ku acïï bɔ̈ tëde week: ee miɔ̈c de Nhialic:

Nyöŋ 33:12

Ku lueel jamë në biäk de dhiën de Benjamin, an: “Kënë ee dhiën nhiɛɛr Bɛ̈nydït ku ye göl, aye tiit aköölnyïïn kedhie, ku ee rëër në keyiic cil.

Kolothai 1:5

në biäk de aŋäth cï kuɛ̈t week paannhial. Ku aŋäthë acäk wek këde kɔn piŋ ɣɔn piɛŋ wek ke yiic,

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

1 Theth 1:4

Lönyduön cï Nhialic we lɔc aŋicku, wek mïthëkɔckuɔn nhiaar,

1 Theth 2:12

an, bäk ŋiëc rëër ë rëër ee röŋ ke Nhialic, Raan ë cɔl week ë ciɛɛŋde ku dhuëëŋde.

1 Theth 4:7

Acie këde luɔi col en ë cɔɔlë Nhialic wook, ee këde ɣɛɛrëpiɔ̈u.

1 Theth 5:9

Nhialic akën wo dɔm në këde agɔ̈th, ee luɔi bï wo kunydewëi yök, en aa dɔm en wook në Bɛ̈nydït Yecu Kërtho,

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

2 Theth 2:10

ku në mɛth bï en kɔc mär math në kërac, luɔi cï kek nhiëër ee yic rɛɛc dɔm, ke ke bï kony wëi.

2 Theth 2:12

luɔi bï löŋden guiir atuc, kek kɔc reec yic gam kedhie, kɔc mit piɔ̈ɔ̈th në luɔi de kërac.

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

2Tim 1:9

Ee Nhialic en ë kony wo wëi, ago wo cɔɔl ë cɔ̈t ɣeric, acie këde luɔida, ee këde yenpiɔ̈u etök, ku në dhuëëŋ de yenpiɔ̈u, dhuëëŋ cï yiɛ̈n wook ë Kërtho Yecuyic ɣɔn thɛɛr ŋootë piny ke kënë cak,

2Tim 2:15

Cök ë them yïn rɔt ë gɛm bï yïn rɔt gäm Nhialic, ke yï bï tɔ ye raan piɛth, raan ee käŋ looi ke cïï yäär, raan ee jam de yic ŋiëc tek.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

Ɣeberuu 1:10

Ku lueel ayadäŋ an, “Ku Yïn Bɛ̈nydït, ɣɔn thɛɛr gɔl ë käŋ, Yïn cï piny tɔ kääc në mëënke nïïm, ku tënhial ee luɔi de Yïciin.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

1 Jɔn 4:10

Nhiëër kï ee kënë, acie luɔi ë nhiɛɛr wo Nhialic, ee luɔi nhiɛɛr en wook, ago Wënde tuööc abï aa kë bï Nhialic luk në karɛc cuk looi.

1 Jɔn 4:19

Nhiëër cï en wo kɔn nhiaar, en a nhiɛɛr wok en.