2 Theth 1:6 - JAM DE NHIALIC 2011

⁶ tën ee yen këpiɛth tëde Nhialic luɔi bï en këtuc cool nɔm tëde kɔc ee ye week luöi këtuc,

2 Theth 1:6 ပူးပေါင်းရင်းမြစ်များ

Bɛ̈n 23:22

Na lak gam thok, ku luɔikï këriëëc thɔ̈n week ëbɛ̈n, Yɛn bï gɔ̈m wokë kɔc de ater në week kedhie.

Wɛ̈ɛ̈t 3:17

Guɔ jɔ lɛ̈k rɔt an, “Nhialic abï löŋ de kɔc guiir atuc kedhie, kɔc piɛth piɔ̈ɔ̈th ku kɔc rac. Në biäk de yen kööl cï Nhialic kiëët në baŋ ë luɔɔi ku këriëëc ëbɛ̈n.

Yith 49:26

Yɛn bï kɔc yɔŋ week tɔ näk röt kapäc, abïk miɔ̈l në riɛmden kapäc cï ka cï dek ë mɔ̈u. Ëtɛ̈ɛ̈n abïï ë kɔc jɔ ŋic ëbɛ̈n nɔn ee Yɛn Bɛ̈nydït Awärjäŋ, raan wën luɛ̈k we biic, ku tɔ we lääu nïïm. Abïk ŋic nɔn ee Yɛn Nhialic riil de Yithriɛl.”

Jeremia 50:29

“Lɛ̈kkï kɔc moc dhɛ̈ŋ ë ke mɛk Babilon. Takkï kɔc ŋic muny ë dhaŋ ëbɛ̈n lɔ biic. Gɛɛukï pänydït cil ku duökï de raan takkï bän. Takkï col ka cï looi ëbɛ̈n, ku luɔikï cït man cï yen kɔc kɔ̈k luööi, në biäk yen käŋ looi në lɛc lëc en rɔt Yɛn, Yɛn Nhialic Ɣeric de Yithriɛl.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.

Kolothai 3:25

Ku raan ë kërac looi abï këde yök në kërɛɛc cï looi, ku kuëny bï kɔc aa kuany yiic aliu.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Nyuuth 11:18

Ku juöör acïk gɔ̈th, ku jɔ agönhdu bɛ̈n, ku bɔ̈ kööl bï löŋ de kɔc cï thou guiir. Kööl bï yïn tït lïïmku gäm ariöpden, ayï kɔc ɣerpiɔ̈ɔ̈th, ayï kɔc riëëu rinku, kɔc kor ku röördït. Ku kööl bï yïn kɔc riɔ̈ɔ̈k kɔc ee piny riɔ̈ɔ̈k nɔm!”

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

Nyuuth 18:24

Ku riɛm de tït kekë kɔc ɣerpiɔ̈ɔ̈th acï yök ë yeyic, kekë riɛm de kɔc ɣɔn cï nɔ̈k ë piny nɔm kedhie.

Nyuuth 19:2

Lööŋkɛn cï guiir ayek yith ku piɛthkï ëgɔk, luɔi cï en löŋ de gök de akɔɔrröör guɔ guiir atuc, akɔɔrröör wään cï piny riɔ̈ɔ̈k ë bɛɛlde, ago riɛm de lïïmke guöör ëliŋliŋ ë yen.”

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”