2 Theth 1:3 - JAM DE NHIALIC 2011

³ Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

2 Theth 1:3 ပူးပေါင်းရင်းမြစ်များ

Jop 17:9

Ku abïk ŋoot ke ke rɛ̈ɛ̈r në piathëpiɔ̈ndenic, ku abïk lɔ ke ke ŋuak riɛlden nyin.

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Diɛt 92:13

Acïtkï tiim cï com Luaŋdït, ee luɔk ɣön ë Nhialinyda,

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Luk 15:32

Ee këpiɛth yen dɔl dɔl wok ku mitku piɔ̈ɔ̈th: wänmuuthë aacï thou, ku jɔ bɛ pïïr, aacï määr, ku beyë yök.”’

Luk 17:5

Go tuuc Bɛ̈nydït yɔ̈ɔ̈k an, “Ŋuak gämda nyin.”

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Romai 1:8

Cöök tueŋ ka, yɛn lec Nhialicdï në Yecu Kërtho ë biäkdun week wedhie, luɔi cï gämdun lueel ë piny nɔm ëbɛ̈n.

1 Kor 1:4

Yɛn ee cool ë lec Nhialicdï në baŋdun, në këde dhuëëŋ de Nhialic piɔ̈u dhuëëŋ cï gäm week ë Kërtho Yecu yic,

2 Kor 10:15

wo cïï röt duëër leec ë ka nu ë akenda baŋtui, kek aye luɔi ë looi kɔc kɔ̈k, ku kënë aŋäthku an, të cï gämdun rɔt guɔ ŋuak, ke riɛlda bï dït ë weyiic, ku ŋootku ke wo pëk akenda, agoku lɔ tueŋ.

Epethiei 5:20

Yak cool ë luɛɛl wek en an, thieithieei Nhialic Wääda, në baŋ de këriëëc ëbɛ̈n, në rin ke Bɛ̈nydan Yecu Kërtho.

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

Pilipoi 1:9

Ku cöökë yen a läŋ, ke nhiëërdun bï lɔ ke lɔ abï dït arëët në ŋïnydekäŋ ku puny aa wek käŋ ŋiëc pɔ̈ɔ̈c yiic ëbɛ̈n,

1 Theth 3:12

ë Bɛ̈nydït ë we tɔ ŋuak wenyïïn abäk kuɛth në nhiëër nhiar wek röt, ku në nhiëër nhiaar wek kɔc kedhie, acït man nhiɛɛr wok week ayadäŋ,

1 Theth 3:6

Ku ënɔɔnë, të cï Timotheo lɔ bɛ̈n ë welɔ̈m bï tëde wook, ke bïï jam piɛth jam de gämdun ku nhiëërdun, ayï täŋ aa wek cool ë tak wook apiɛth ëcaŋɣɔn, ku nɔn kaar wek tïŋ bä wek wo tïŋ aläl, acït man kɔɔr wok tïŋ bï wo we tïŋ ayadäŋ.

1 Theth 3:9

Ee lɛc ŋö duëër wok Nhialic bɛ lɛc nɔm në biäkdun, në miɛtëpiɔ̈u ëbɛ̈n miɛt ee wo piɔ̈ɔ̈th miɛt në biäkdun ë Nhialicda nɔm?

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

2 Theth 2:1

Ku ënɔɔnë, wek läŋku, wek mïthëkɔckuɔ, në këde bɛ̈n bï Bɛ̈nydan Yecu Kërtho bɛ̈n, ku guëër bï wo guëër ë yelɔ̈ɔ̈m:

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

2 Pet 1:13

Yeka, ë yapiɔ̈u, an, ee këpiɛth, tën aa yɛn week jut në täŋ aa yɛn week täk nïïm, nɔn ŋuɔɔt ɛn ke ya tɔ̈u ka ya pïïr.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.