2 Theth 1:10 - JAM DE NHIALIC 2011

¹⁰ të cï en guɔ bɛ̈n bï dhuëëŋ bɛ̈n yök ë kɔckɛn ɣerpiɔ̈ɔ̈th yiic, ku bïï kɔc diir ee köölë, kɔc gam kedhie (luɔi cä wek jam cuk lɛ̈k week gam).

2 Theth 1:10 ပူးပေါင်းရင်းမြစ်များ

Diɛt 68:35

Nhialic arïïuwë të bïï yen tëɣeric, Nhialic de Yithriɛl! Ee riɛl ku dït gäm kɔcke. Pianykï Nhialic!

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Yith 2:11

Ade kööl bɔ̈, kööl bïï dït ye raan rɔ tɔ dït kääc, ku riäk lɛc. Ku ëtɛ̈ɛ̈n Bɛ̈nydït Yetök Yen abï aa mɔ̈k nhial.

Yith 43:21

Ayek kɔc ë luɔɔi keek guöpdï, ku abïk diɛt leec kek ɛn ket.”

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 49:3

Acï ya yɔ̈ɔ̈k an, “Yithriɛl, yïn ee awundï, në biäkdu kɔc abïk yɛn aa dhuëëŋ guöp.”

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Jeremia 33:9

Jeruthalem abï aa tëde miɛtëpiɔ̈u, ku riëëu, ku lɛcdï, ku juöör ke pinynɔm ëbɛ̈n abïk riɔ̈ɔ̈c ku lɛthë keek, të le kek kapiɛth cä luöi kɔc ke Jeruthalem lɔ piŋ, ku piŋkï kueth cä yiɛ̈n pänydït.”

Malakai 3:17

Ku lueel ë Bɛ̈nydït de rɛm an, “Abïk aa kɔc piɛthkï, në kööl bï Yɛn luɔi looi. Yɛn bï piɔ̈u kok wo keek arëët cït man ye wun meth piɔ̈u kok ke wëndɛn ee yen ŋiëc luööi.

Kuɛ̈n 23:23

Acïn athuɛ̈ɛ̈th, ku cïn kë bï caar, duëër kɔc ke Yithriɛl lëu. Acïn kɔc bï jam në biäk de Yithriɛl, an, ‘tïŋ kë cïï Nhialic looi!’

Math 16:27

Wën ë Raan abï bɛ̈n në dhuëëŋ de Wun kekë tuuckɛn nu nhial, ago raan riɔp ëbɛ̈n në kë rɔ̈ŋ në luɔide.

Math 16:28

Wek yɔ̈ɔ̈k ëyic an, “Ade kɔc kɔ̈k kääc ëtënë, kɔc cïï thuɔɔu bï thiëëp, të ŋoot kek ke kën Wën ë Raan tïŋ abɔ̈ ë ciɛɛŋdeyic.

Math 24:36

Ku në këde ë köölë ayï ee thaarë acïn raan ŋic en, cakaa tuuc nu paannhial acïkï ŋic, ee Wäär etök, en aŋic e.

Math 25:31

Të bï Wën ë Raan ke cath kekë dhuëëŋde, ku bɔ̈ tuucnhial kedhie në yen ëtök, ka bï jɔ nyuc ë thöönyde nɔm, thöönydɛn ë dhuëëŋ,

Math 7:22

Kɔc juëc abïk ɛn yɔ̈ɔ̈k ëköölë an, “Bɛ̈nydït, Bɛ̈nydït, kënku cɔ̈ɔ̈r në rinku, ku kënku jɔɔk rac cieec në rinku, ku kënku luɔi ril looi në rinku?”

Luk 10:12

Ku week yɔ̈ɔ̈k an, Këtuc bïï Thɔdom yök acïï bï kït kekë këtuc bïï pänydïïtë yök ee köölë!

Jɔn 11:4

Na wën, acï Yecu ye piŋ, ke luel an, “Juänë acie këde thuɔɔu, ee lɛc bïï Nhialic lɛc nɔm, ago wën ë Nhialic dhuëëŋ yök në yen.”

Jɔn 17:10

Ku kakï kedhie ee kaku, ku kaku ee kakï: ku yɛn ee dhuëëŋ yök ë keyiic.

1 Kor 1:6

acït man cï jam tɔ ye yic ë weyiic jam cï lueel ë këde Kërtho:

1 Kor 3:13

ke luɔi de raan ëbɛ̈n abï tïc wadäŋ: ee köölë yen abï e nyuɔɔth, ee mac en abï e nyuɔɔth, ku luɔi de raan ëbɛ̈n abïï mac them, nɔn ee yen luɔi cït ŋö.

Galatai 1:24

Agokï Nhialic leec në këdï.

Epethiei 1:12

Luɔi bï wok aa kɔc ee dhuëëŋde tɔ lec, wok kɔc cï Kërtho kɔn ŋɔ̈ɔ̈th.

Epethiei 1:14

Yen aye biäk cï kɔn gäm wook tueŋ, biäk de kë buk lɔ̈ɔ̈k lak, aɣet wëër bï kë cï ɣɔɔc wɛ̈ɛ̈r bei ëtaitai, ke dhuëëŋde bï leec.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Epethiei 3:10

ke pɛlënɔm de Nhialic, pɛl kithic aläl, ke bï ŋic ë ciɛɛŋ ku riɛl nu paannhial në ɣön ë Nhialic ënɔɔnë.

Epethiei 3:16

aguɔ lɔ̈ŋ, ke bï we gäm riɛl në dït ë dhuëëŋ de yenpiɔ̈u, abäk riɛl ë riɛldït në Wëike ë wepiɔ̈ɔ̈th thïn,

1 Theth 1:5

wëlkuɔn piɛth aake cïï bɔ̈ ë weyiic në jam tei, aake bɔ̈ në riɛl ayadäŋ, ku në Wëidït ɣer, ku në ŋïny aa wek ke ŋic ëgɔk, we ŋic täudan ë ye wo tɔ̈u ë weyiic në biäkdun week.

1 Theth 2:1

Ku wegup, wek mïthëkɔckuɔ, we ŋic bɛ̈ndan cï wo bɛ̈n ë weyiic, nɔn cïï en ee ɣɔ̈ric:

1 Theth 2:12

an, bäk ŋiëc rëër ë rëër ee röŋ ke Nhialic, Raan ë cɔl week ë ciɛɛŋde ku dhuëëŋde.

1 Theth 2:13

Yen a ye wok cool ë lec Nhialic acïn pëk, luɔi kɛ̈n wek jam gam cït nɔn ee yen jam de kɔc tei, wään gam wek jam cäk piŋ tëde wook, ku acäk tɔ ye jam ë Nhialic, ku ye jam ë Nhialic ëgɔk, jam ë cool ë lui ë weyiic ayadäŋ wek kɔc gäm.

2 Theth 1:12

ke rin ke Bɛ̈nydan Yecu Kërtho ke ke bï dhuëëŋ yök ë weyiic, ku bäk dhuëëŋ yök në yen, në dhuëëŋ de Nhialic piɔ̈u kekë Bɛ̈nydan Yecu Kërtho.

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

1 Tim 3:16

Cöök yic ka, cöök cïï duëërë jɔ̈ɔ̈ny an, Luɔidan ee wok Nhialic luööi ee këcïmoony, ku cie dap yökic: Acï tïc ë guöpic, Ku cï tɔ piɛthpiɔ̈u ë Wëi yiic, ku cï tïŋ ë tuucnhial. Ku cï këde guiëër Juöör, ku cï gam ë piny nɔm, ku cï lɛɛr nhial ë dhuëëŋic.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 1:18

(Ë Bɛ̈nydït gam lɔ̈ŋdï në biäkde, ke bï kokdepiɔ̈u yök tëde Bɛ̈nydït ee köölë), ku kajuëc cï luöi ɛn ë Epetho, aŋic keek apiɛth.

2Tim 4:8

Ku ënɔɔnë ade göl ë dhuëëŋ cï täu ɛn, göl ë piathëpiɔ̈u, göl bïï Bɛ̈nydït gäm ɛn ëköölë, Bɛ̈ny ee löŋ ŋiëc guiir apiɛth: ku acie yɛn a tök, abï gäm kɔc cï tïcde nhiaar kedhie ayadäŋ.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.