2 Tham 9:6 - JAM DE NHIALIC 2011

⁶ Na wën cï Mepiboceth, wën ë Jɔnathan, kuat de Thaulo bɛ̈n, ke gut yenɔm piny ë riëëu ë Debid nɔm. Go Debid lueel an, “Mepiboceth!” Go Mepiboceth lueel an, “Yɛn ee lïmdu.”

2 Tham 9:6 ပူးပေါင်းရင်းမြစ်များ

Cäk 18:2

Na wën, ke jɔt yenyin nhial, go röör kadiäk tïŋ në yenɔm tueŋ. Go rɔt gap nhial, ku loor kenïïm ke riŋ. Ku le yenɔm guöt piny në kenïïm arëk abï piny jak në yenɔm.

Cäk 33:3

Ku le yen guöpde në kenïïm tueŋ. Na wën, ke cath ke ye yenɔm guöt piny na dhorou, abï ɣëët ë mänhë lɔ̈ɔ̈m.

2 Tham 1:7

Na wën a lieec yekɔ̈u ke tïŋ ɛn, ago ya cɔɔl, guɔ puk nɔm an, “Yakï, bɛ̈ny!”

2 Tham 16:4

Na wën ke melik ë yöök Dhiba an, “Këriëëc de Mepiboceth ëbɛ̈n acä keek gäm yïn ënɔɔnë!” Go Dhiba lueel an, “Yɛn ee lïmdu ku yïn bä aa luööi ë cieŋ në kë bï rɔ̈ŋ ë yïpiɔ̈u!”

2 Tham 21:7

Go melik Mepiboceth wën ë Jɔnathan wën ë Thaulo gël aläl, në biäk cï yen gutguut lɛ̈k Jɔnathan në rin ke Bɛ̈nydït.

2 Tham 4:4

Wën ë Thaulo Jɔnathan ade nɔm wëndɛn cɔl Mepiboceth ku ee ŋɔl ë cök kedhie. Aa ye run dhïc ɣɔn bïï thoŋ de thon ë Thaulo kekë Jɔnathan në Jedhreel. Na wën ke Mepiboceth ë gɔpic në nyan ee ye muk ku kɔt ke yen. Na wën bɛɛn rɔt, go wiɛt piny, ago ja ya ŋɔl.

2 Tham 9:5

Na wën ke Debid ë yɔ̈ɔ̈k lïïmke bïk Jɔnathan lɔ bɛ̈ɛ̈i ɣön ë Makir wën de Amiel në Lodebar.

1 Lëk 8:34

Jɔnathan ee wun Meribaal, ku acɔl Mepiboceth, yen ee wun Maika.

1 Lëk 9:40

Jɔnathan yen aye wun Meribaal, ɣɔn ee wun Maika.

1 Tham 20:41

Na wën aacï meth jäl, ke Debid ë jɔt rɔt në kut ë kur kɔ̈u ku bïï yenɔm bɛ̈n guöt piny në Jɔnathan nɔm raan diäk. Ku dhiaukï kedhie kekë Jɔnathan, ku cimkï kethook. Debid aacï piɔ̈u dhiau aläl awär Jɔnathan.

1 Tham 25:23

Na wën aa tïŋ Abigail Debid, ke dap bɛ̈n piny ë mulde kɔ̈u, ku gut yenɔm piny në Debid nɔm,