2 Tham 9:10 - JAM DE NHIALIC 2011

¹⁰ Yïn, ku mïthku, ku lïïmku, wek bï piny cuöm paan de bɛ̈nydu Thaulo, ku tëmkï keek, ago keek aa yiɛ̈n këcam. Ku Mepiboceth, guöpde abï ya cam në paamdï nɔm ë ceŋ.” (Dhiba aa de nɔm dhuök kathiëër ku dhïc ku lïïm kathiërrou.)

2 Tham 9:10 ပူးပေါင်းရင်းမြစ်များ

2 Tham 16:3

Go melik keek thiëëc an, “Nu Mepiboceth tënou, wën de wën ë bɛ̈nydu Thaulo?” Go Dhiba puɔ̈k nɔm en an, “Mepiboceth arɛ̈ɛ̈r në Jeruthalem, ku aye lueel an köölë baai de Yithriɛl abï ciɛɛŋ de wää pɔ̈k nɔm ɛn!”

2 Tham 19:18

Gokï wɛ̈ɛ̈r de Jordan teem ë kɔc ke melik ëtök, ke ke bï kë kɔɔr ë melik yepiɔ̈u aa looi. Të wën kïït ë melik rɔt bïï kiir teem kɔ̈u, go Cimei rɔt cuat piny në melik nɔm.

2 Tham 19:28

Baai de wäär ëbɛ̈n arɔ̈ŋ bä keek nɔ̈k, ku yïn cï ya gäm yic bä cam wo yïn ë paamdu nɔm. Ka yɛn cïn nɔm yic bä kokëpiɔ̈u luɔp tëde melik.”

2 Tham 21:7

Go melik Mepiboceth wën ë Jɔnathan wën ë Thaulo gël aläl, në biäk cï yen gutguut lɛ̈k Jɔnathan në rin ke Bɛ̈nydït.

2 Tham 9:7

Go Debid lɛ̈k en an, “Du riɔ̈c. Yɛn bï piɔ̈u piath wokë yïn, në biäk de wuur Jɔnathan. Yïn bä dɔ̈k nɔm piny de kuaar Thaulo ëbɛ̈n, ku yïn bï ya cam we yɛn në paamdï nɔm aköölnyïïn.”

1 Mel 2:7

“Ku nyuöthë kok de piɔ̈u wɛ̈ɛ̈t ke Bardhilai de Giliyad. Tɔ keek ee kamaan bï aa rɔm në melik ananden, në biäk cïï kek a gël wään kat ɛn në wänmuuth Abthalom.

2 Mel 25:29

Go Jekonia tɔ bïï lupɔɔkɛn ke ɣön ë döm bei në yekɔ̈u, ku bïï aa cam aköölnyïïn ëbɛ̈n në paam de melik nɔm, në pïïr de yic ëbɛ̈n.

Jeremia 52:34

Akööl nyïïn ëbɛ̈n, akööl wään pïïr yen, aaye gäm wëu bïï yen kë kɔɔr aa ɣɔɔc.

Luk 14:15

Na wën, ke raan tök ë kɔc wën rɛ̈ɛ̈r në yen ëtök tëde cäm, të cï en ee kakë piŋ, ke jɔ lueel an, “Thieithieei raan bï kuïn cam ë ciɛɛŋ de Nhialicic!”