2 Tham 9:1 - JAM DE NHIALIC 2011

¹ Na wën ke Debid ë lop an, “De raan töŋ cï döŋ ke pïïr paan ë Thaulo? Akaar bä nyuöth piathëpiɔ̈u në baŋ de Jɔnathan.”

2 Tham 9:1 ပူးပေါင်းရင်းမြစ်များ

2 Tham 1:26

“Yɛn dhiëëu wänmääth Jɔnathan, yïn läk aläl ë yapiɔ̈u! Ku nhiëërduön nhiɛɛr yïn ɛn adït, awär nhiëër nhiɛɛr ë raan tik.

2 Tham 21:7

Go melik Mepiboceth wën ë Jɔnathan wën ë Thaulo gël aläl, në biäk cï yen gutguut lɛ̈k Jɔnathan në rin ke Bɛ̈nydït.

2 Tham 9:7

Go Debid lɛ̈k en an, “Du riɔ̈c. Yɛn bï piɔ̈u piath wokë yïn, në biäk de wuur Jɔnathan. Yïn bä dɔ̈k nɔm piny de kuaar Thaulo ëbɛ̈n, ku yïn bï ya cam we yɛn në paamdï nɔm aköölnyïïn.”

1 Mel 2:7

“Ku nyuöthë kok de piɔ̈u wɛ̈ɛ̈t ke Bardhilai de Giliyad. Tɔ keek ee kamaan bï aa rɔm në melik ananden, në biäk cïï kek a gël wään kat ɛn në wänmuuth Abthalom.

Kɛ̈ŋ 27:10

Du nɔm mär në määthku ku nɔn ye kek määth ke wuur, tëde yen riäŋ cï yï yök, ke mäth thiɔ̈k aŋuän në wänmuuth mec.

Math 10:42

Ku raan bï mɛnh tök ë mïththiikë yiic miɔɔc ë bïny deyic pïïu lir tei dek ke, në luɔi ee yen raanpiööcë, wek yɔ̈ɔ̈k, ëyic an, Ariöpde acïï dak anande.”

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Mak 9:41

Raan bï week miɔɔc ë bïny ë pïïu ka dɛkkï në rinkï, luɔi aa wek kɔc ke Kërtho, wek yɔ̈ɔ̈k ë yic an, Acï bï tɔ̈u ke cïn ariöpde.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Tham 20:42

Go Jɔnathan lɛ̈k en an, “Lɔ, Nhialic abï tɔ̈u ke yïn. Ku Bɛ̈nydït abï wo tɔ muk thöndanë yic ananda, ku tɔ muk ë mïthkuɔn bï lɔ̈ɔ̈k tɔ̈u në wocök ciëën ananden ayadäŋ.” Ago Debid jɔ baaric ku puk Jɔnathan e nɔm wut.