2 Tham 8:18 - JAM DE NHIALIC 2011

¹⁸ Benaya wën de Jeɣoyada yen atɔ̈u në Kereth ku Peleth nïïm rem de tɔŋ ë kɔc ee melik tiit, ku wɛ̈ɛ̈t ke Debid aake ye bäny ke kake Nhialic.

2 Tham 8:18 ပူးပေါင်းရင်းမြစ်များ

2 Tham 15:18

Ago bänyke kedhie kɔ̈ɔ̈c ë yelɔ̈ɔ̈m, ku lɔ Kereth ku Peleth rem de tɔŋ ee melik tiit. Ku tëëk bot kadhetem de kɔc wään kuany yecök në Gath në melik lɔ̈ɔ̈m kedhie.

2 Tham 20:23

Jowap yen aye bɛ̈ny ë rem de tɔŋ de Yithriɛl ëbɛ̈n. Ku Benaya wën ë Jeɣoyada yen aye bɛ̈ny de Kereth ku Peleth rem de tɔŋ ee melik tiit.

2 Tham 20:26

ku Yira raan ë kɔc ke Jayir aaye raan töŋ ë kake Nhialic de Debid.

2 Tham 20:7

Go rem de Jowap, ku Kereth ku Peleth rem de tɔŋ de kɔc ee melik tiit, ku rem de tɔŋ ëbɛ̈n, jäl në Abicai ëtök ë Jeruthalem lek Ceba wën ë Bikiri cop.

1 Mel 1:38

Na wën ke Dhadok ku tiët Nathan ku Benaya wën de Jeɣoyada, ku Kereth ku Peleth rem de tɔŋ ë kɔc ee melik tiit, gokï Tholomon tääu në mul ë melik Debid kɔ̈u, ku leerkï në nyin ë Giɣonic

1 Mel 1:44

Ku tɔ leerë në nyin ë Giɣon yɔu në yï Dhadok bɛ̈ny de kake Nhialic, ku Nathan tiët ë Nhialic ku Benaya wën Jeɣoyada, ku tit keek në kɔc ke Kereth ku Peleth, rem de tɔŋ ë kɔc ee melik tiit, ku tɔkï cath në mul ye melik cath kɔ̈u.

1 Mel 1:8

Ku Dhadok bɛ̈ny de kake Nhialic, ku Benaya wën ë Jeɣoyada, ku Nathan tiët ë Nhialic, ku Cimei, ku Rei, ku jɔ aa röördït ee Debid tiit aake kën mat në Adonija.

1 Mel 2:25

Go melik Tholomon Benaya wën ë Jeɣoyada yɔ̈ɔ̈k bï Adonija dɔm ku le nɔ̈k, go Adonija nɔ̈k.

1 Mel 4:4

Ku Benaya wën ë Jeɣoyada ee bɛ̈ny ë rem de tɔŋ ku Dhadok ku Abiathar ayek bäny ke kake Nhialic

1 Mel 4:5

Ku Adharia wën ë Nathan acï tääu tueŋ ke ye bɛ̈ny nu në bäny mac wuöt nïïm ku Dhabut wën ë Nathan ee bɛ̈ny de kake Nhialic, ku ee cath ke melik

2 Mel 11:4

Na ɣɔn ë ruöön ë dhorou, ke Jeɣoyada bɛ̈ny de kake Nhialic tɔ bäny ke rem de tɔŋ cɔl, ku cɔɔl röördït ee melik tiit, ku kɔc ee baai de melik tiit, ku tɔ ke bɔ̈ ë Luaŋdït yic të nu yen, ku mɛc löŋ ke keek, ku tɔ ke gäm abïk gutguut lueel. Ku nyuth ke Jowac wën ë melik Aɣadhia,

1 Lëk 11:22

Benaya wën de Jeɣoyada, raan wun ë Kabedhiil aaye raan cï wɛ̈ɛ̈t ë tɔŋ aläl, acï kake riɛl juëc looi, acï kɔc ril ke tɔŋ de kɔc ke Mowap nɔ̈k, go lɔ ɣön ë köör në kööl tueny ë deŋ kɔi ku teem köör röl.

1 Lëk 18:17

Benaya wën de Jeɣoyada yen aye bɛ̈ny de Kereth ku Peleth rem de tɔŋ ë kɔc ee Debid tiit, ku jɔ wɛ̈ɛ̈t ke melik Debid ɣään ke bääny dït muk ë luɔide yic.

Edhekiɛl 25:16

Në biäk de ee kënë aluɛɛl an yɛn bï Pilithiin mak ku nyaai keek nyïïn. Yɛn bï raan cï döŋ ëbɛ̈n ke pïïr ë riaaŋ de Kereth yic nɔ̈k ëbɛ̈n.

Dhep 2:5

Amawoou në week, wek kɔc cieŋ wɛ̈ɛ̈r yɔu, jur de Kereth! Bɛ̈nydït abï we luöi këtuc, wek Pilithiin cieŋ piny de Kanaan. Abï we riɔ̈ɔ̈k wedhie abïï ciën raan töŋ dɔ̈ŋ.

1 Tham 30:14

Wok aa cï tɔŋ lɛɛr Kereth të lɔ wöuwic de Juda, ku leerku tɔŋ, dhiën de Kalep, ku jɔku Dhiklak ɣök mac.”