2 Tham 8:14 - JAM DE NHIALIC 2011

¹⁴ Go pɛɛny ke rem de tɔŋ looi ë Edom yic ëbɛ̈n, ku tɔ kɔc ke Edom ee lïïmke ëbɛ̈n. Go Bɛ̈nydït Debid tɔ tiëm të yen lɔ thïn ëbɛ̈n.

2 Tham 8:14 ပူးပေါင်းရင်းမြစ်များ

Cäk 25:23

Go Bɛ̈nydït lɛ̈k en an, “Juöör kaarou anukï në yïyäc. Ku acuekuön bä dhiëëth abïk keyiic tek, Ku acueek tök abï riɛl awär acueek däŋë. Mɛnh tueŋ abï mɛnh ciëën aa luööi.”

Cäk 27:29

Kɔc ke piny nɔm abïk yïn aa luööi, ku juöör abïk kenïïm aa guöt piny në yïnɔm, ku yïn bï ya bɛ̈ny de kɔcku, ku mïth ke moor abïk kenïïm aa guöt piny në yïnɔm. Ku aciɛɛn abï tɔ̈u ke raan ee yïn cieen, ku athiɛɛi abï tɔ̈u ke raan ee yïn thieei.”

2 Tham 5:10

Go riɛlde lɔ ke ŋuak yenyin, në biäk tɔ̈u ë Bɛ̈nydït Nhialic Awärjäŋ kekë yen.

2 Tham 7:9

Yɛn cï tɔ̈u wo yïn në ɣään cï yïn ke lɔ thïn ëbɛ̈n, ku tiaam kɔc ke aterdu në yïnɔm. Ku yïn bä tɔ de kɛt cï bäny dït ke piny nɔm.

2 Tham 8:15

Debid aaye melik paan ë Yithriɛl ëbɛ̈n, ku aa ye këpiɛth yic looi në kɔc piɔ̈ɔ̈th kedhie.

2 Tham 8:6

Na wën ke Debid ë loi pɛɛny ke rem de tɔŋ ë Damathko, piny de kɔc ke Aram. Gokï aa lïïm ke Debid, ku tɔ keek tɔ kut athölbö ëbɛ̈n. Go Bɛ̈nydït Debid tɔ tiëm të yen lɔ thïn ëbɛ̈n.

1 Mel 11:15

Ɣɔn bïï Debid Edom dɔm, go Jowap bɛ̈ny ë rem de tɔŋ lɔ, bïï kɔc ke Yithriɛl cï nɔ̈k tɔŋ lɔ thiɔ̈k, gokï pɛ̈i kadhetem thöl, në ee kaamë yic acïk röör nɔ̈k ëbɛ̈n në Edom,

1 Mel 22:47

Ku piny de Edom aa cïn yic melik, melikde aa ye kuany në melik de Juda.

1 Mel 22:48

Jeɣocapat acï abëël wïïr dït ee lɔ Tarcic looi, abëël wïïr bï aa ɣet piny de Opir bïk adhääp aa lɔ bɛ̈ɛ̈i, ku abëël wïïr dït akënkï bɛ̈n ɣet, acïk bɛ̈n guɔ dhuɔɔŋ të cɔl Edhiongeber.

2 Mel 14:7

Amadhia acï aguum kathiëër ke rem de tɔŋ de Edom nɔ̈k në Wak de Amilɔ yic, ku dɔm wun cɔl Thela në tɔŋic, ku ciëk an Joktheel aɣet cï ee köölë.

2 Mel 18:7

Ku Bɛ̈nydït aa Ye tɔ̈u ke yen agut të le yen thïn, aa cï dɛ kajuëc. Ku aacï melik de Athiriya rɛɛc thok, ku jiɛi bïï luööi.

1 Lëk 18:13

Ku piɛ̈ɛ̈t pɛɛny ke rem de tɔŋ piny de Edom ëbɛ̈n, go Debid kɔc nu ëtɛ̈ɛ̈n cieŋ. Go Bɛ̈nydït Debid tɔ tiëm ë ɣään yiic kedhie.

Diɛt 60:1

Nhialic Yïn cï wo rɛɛc, ku tiam wook, Yïn aa cï piɔ̈u diu wekë wook, ku ënɔɔnë jɔ rɔt pɔ̈k wook.