2 Tham 7:8 - JAM DE NHIALIC 2011

⁸ “Ka lɛ̈kë awundiën Debid an, Yɛn Bɛ̈nydït de rɛm. ‘Yïn cä jɔt ë tiët de thök yiic, ke yï bï aa bɛ̈ny nu ë kɔckiën ke Yithriɛl nïïm.

2 Tham 7:8 ပူးပေါင်းရင်းမြစ်များ

2 Tham 12:7

Na wën ke lëk ë Nathan Debid an, “Ee yïn guöp yïn ee raanë! Ku kë lueel ë Bɛ̈nydït Nhialiny de Yithriɛl kï an, ‘Yïn cä lɔc ke yï ye melik de Yithriɛl, ku ta yïn tɔ poth në Thaulo ciin.

2 Tham 14:13

Na wën ke lueel tik an, “Eeŋö ee yïn awäny cït ee kënë luöi kɔc ke Nhialic? Yïn kën wëndu tɔ puk yenɔm wut, ka yïn cï rɔt gɔ̈k në baŋ de këduön cï lueel.

2 Tham 23:1

Debid wën ë Jethe, ee raan cïï Nhialic Awärjäŋ tɔ dït, acïï Nhialic de Jakop lɔc ke bï ya melik, ku ye raan ee Yithriɛl cäk diɛt läk. Kakë ayek wël ciëën ke Debid:

2 Tham 24:17

Na wën aa tïŋ Debid tunynhial wën näk kɔc, go lɛ̈k Bɛ̈nydït an, “Ee yɛn ë loi kërac. Ee yɛn cï awäc looi. Eeŋö cïï ë kɔc kuany nyïïnkë looi? Yïn duëër ya luöi këtuc wokë kɔc ke dhiëndï.”

2 Tham 5:2

Ayï ɣɔn ye Thaulo melik, ee yïn ë wɛt kɔc ke Yithriɛl tɔŋ. Ku acïï Bɛ̈nydït lɛ̈k yïn nɔn bï yïn aa tïn ë kɔc ke Yithriɛl ku yïn bï aa bɛ̈nyden.”

2 Tham 6:21

Na wën ke Debid ë yɔ̈ɔ̈k Mical an, “Yɛn aa cöŋ dhuëëŋ ɛn Bɛ̈nydït guöp, raan wään cï ya lɔc në nyin ë wuur yic kekë dhiënde. Ku tɔ yɛn ee bɛ̈ny de kɔc ke Yithriɛl ëbɛ̈n. Ku yɛn bï ŋoot ke ya dhuëŋ Bɛ̈nydït guöp në cöŋ,

1 Mel 3:6

Go Tholomon bɛ̈ɛ̈r an, “Yïn cï nhiëër agɔk nyuöth wäär Debid raanduön ee Yï luööi, cït man ee yen cath ë kuɛɛrku yiic në yic, ku në piathëpiɔ̈u. Yïn ŋoot ke Yï döt nhiëërduön agɔk wekë yen, në kë cïï Yïn en yiɛ̈n mɛwä bï nyuc në thöönyde nɔm, cït ee köölë.

1 Mel 8:16

‘Në kaam ɣɔn bɛ̈ɛ̈i Yɛn kɔckï bei ë Rip, acïn pänydït cä lɔc në dhiëën ke Yithriɛl yiic ke ee të bïï kɔc Ya aa lɔ dhuëëŋ rin thïn. Ku ënɔɔnë Yɛn ë Debid lɔc bï aa melik në kɔckï nïïm.’”

1 Lëk 17:7

“Ka yen lɛ̈kë awundiën Debid an, Yɛn Bɛ̈nydït de rɛm alɛ̈k yen an, ‘Yïn cä jɔt të wään ee yïn tïn ë thök ë duumiic, ku bä yï bɛ̈n looi ke yï ye bɛ̈ny de kɔckiën ke Yithriɛl.

1 Lëk 21:17

Go ë Debid lɛ̈k Nhialic an, “Nhialic, ee yɛn ë loi kërac. Ee yɛn ë tɔ kɔc kuen. Eeŋö cï ee kɔc kuany nyïïnkë looi? Bɛ̈nydït Nhialicdï, luöiyë ë yɛn këtuc wok ë baaidï ku päl kɔcku.”

Amoth 7:15

Go Bɛ̈nydït a jɔt tëdiën ë yan thök kuany cök, ku lëk ɛn an, ‘Lɔ Yithriɛl, lɔ jäämë kɔckï ëtɛ̈ɛ̈n.’

Luɔi 7:46

raan nu ë Nhialic piɔ̈u, ku aa de piɔ̈u luɔi bï en luak yïk luaŋ bï Nhialic de Jakop rëër thïn.

1 Tham 10:1

Go Thamwɛl gul ë miök de olip nööm ku wɛ̈l ë Thaulo nɔm, ku ciim thok lëk en an, “Yïn cïï Bɛ̈nydït lɔc bä ya melik de Yithriɛl kɔcke. Yïn bï kɔc tiit ku gël ke në kɔc de ater në keek. Ku kë bï yïn e ŋic kï nɔn cïï Bɛ̈nydït yï lɔc bä ya melik de kɔcke:

1 Tham 2:8

Ee abuur nyaai në buurde yic, ku tɔ bäny abïï ya adhuëëŋ rïïuwë. Ku mën ke piny nɔm ayek kake Bɛ̈nydït, aa yïk piny nɔm në kenïïm.

1 Tham 9:16

lueel an, “Në kaam cït ee kaamë miäk. Yïn bä tuöc raan bɔ̈ dhiën de Benjamin, tɔc nɔm ke ye melik de kɔckiën ke Yithriɛl, abï kɔckï luök në kɔc ke Pilithiin cin, Yɛn cï nuan de kɔckï tïŋ, ku Yɛn cï dhiëndɛn kɔɔr kek kuɔɔny piŋ.”