2 Tham 7:26 - JAM DE NHIALIC 2011

²⁶ Yen abïï Yïn aa riëëu në aköölnyïïn kedhie, ku abïï kɔc lueel an, ‘Bɛ̈nydït de rɛm Yen aye Nhialic tɔ̈u në Yithriɛl nɔm!’ Ku yïn dhiëndï muk aköölnyïïn ëbɛ̈n.

2 Tham 7:26 ပူးပေါင်းရင်းမြစ်များ

Cäk 17:18

Go Abraɣam lɛ̈k Nhialic an, “Eeŋö cïn Yicmiɛl tɔ lak kakï?”

2 Tham 7:25

“Ënɔɔnë, Bɛ̈nydït Nhialic, tɔ gutguut cï lueel në biäkdï ku në biäk de käudï tɔ ee yic, ku looi kë cï lueel an bä looi.

1 Mel 18:36

Na wën aacï thaa de miɔ̈ɔ̈c thëën bɛ̈n, ke tiët Elija ë lɔ ë yïk lɔ̈ɔ̈m, ku lɛ̈ŋ an, “Bɛ̈nydït, Nhialic de Abraɣam, ku Yithaak, ku Jakop, nyuɔɔthë rɔt ee köölë luɔi Yïn ee Nhialic në Yithriɛl, ku luɔi yan lïmdu, ku nɔn luɔɔi yɛn ee kakë kedhie në Jamduön ë lɛ̈kë yɛn.

1 Mel 18:37

Piŋ jamdï, Bɛ̈nydït piŋ jamdï, ke bï ë kɔckë ŋic Bɛ̈nydït nɔn Yïn Nhialic, ku bïk ŋic nɔn puk Yïn kenïïm rɔt.

Diɛt 115:1

Ee Yïn Yïtök, Yïn Bɛ̈nydït, ee Yïn tök, ku acie wook, bï gäm dhuëëŋ, në biäk de nhiëërduön agɔk kekë piɔ̈nduön adöt.

Diɛt 61:7

Tɔ ye bɛ̈ny në Nhialic nɔm aɣet athɛɛr, ku nhiëërduön agɔk kekë piɔ̈nduön adöt abïk yen aa tiit.

Diɛt 89:36

Yen abï nɔm dɛ kuatde ë bääny yic, yɛn bï ciɛɛŋde aa woi në run nyïïn kedhie.

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Jɔn 12:28

Wäär, tɔ rinku yök dhuëëŋ!” Na wën, ke röl bɔ̈ paannhial röl luel en an, “Acä ke tɔ yök dhuëëŋ, ku abä ke bɛ tɔ yök dhuëëŋ ayadäŋ.”