2 Tham 7:23 - JAM DE NHIALIC 2011

²³ Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

2 Tham 7:23 ပူးပေါင်းရင်းမြစ်များ

2 Tham 7:24

Ku yïn cï kɔc ke Yithriɛl tɔ ee kɔcku aɣet athɛɛr, ku Yïn Bɛ̈nydït, Yïn cï aa Nhialicden.

1 Lëk 17:21

Acïn jur däŋ tɔ̈u ë piny nɔm cït Yithriɛl, kɔc cï keek wɛ̈ɛ̈r bei ë lïïmic bïk aa kɔcku. Göök ku kake gäi cï luöi keek, acï lɛcdu thiäi ë piny nɔm. Yïn cï kɔcku wɛ̈ɛ̈r bei ë Rip, ku cop juöör kɔ̈k wään lee ë kɔcku ke ke bɔ̈.

Neɣe 1:10

“Bɛ̈nydït kakë ayek lïïmku, kɔc ke nɔmdu, ɣɔn luäk në riɛldïïtdu.

Diɛt 106:22

Ee kake gäi cït ŋö cï ke looi ëtɛ̈ɛ̈n! Ku na göök cï looi ë Wɛ̈ɛ̈r thith yɔu!

Diɛt 111:9

Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

Diɛt 145:6

Kɔc abïk aa jam ë biäk de kadït cï looi, ku abïk dïtdu luɛɛl.

Diɛt 147:20

Akën ee kënë kɔn luöi juöör kɔ̈k, akuckï lööŋke. Lɛckï Bɛ̈nydït!

Diɛt 40:5

Yïn cï kajuëc luöi wook Bɛ̈nydït Nhialicda. Acïn raan cït Yïn! Yïn cï kïït ke gäi juëc luöi wook. Yɛn cïï duëër jam ë biäkden ëbɛ̈n, kuënden adït aläl!

Diɛt 44:3

Kɔcku aake cïï piny rum në abätäu, acie cinken kek ë tɔ ke tiëm. Ee ciin cuënydu, kekë köŋdu. Ku many de Yïn nyin, në luɔi nhiɛɛr Yïn keek.

Diɛt 65:5

Yïn ee këda bɛ̈ɛ̈r në miɔ̈c Yïn wo tɔ tiëm, ku Yïn ë kadït ke gäi looi, bï Yïn ke wo kony. Kɔc nu ë piny thar ku ka nu wɛ̈ɛ̈r lɔŋtui aŋäthkï Yïn.

Diɛt 66:3

Lëkë Nhialic an, “Luɔɔidu ee këdïït ë gäi! Riɛldu adït aläl ee kɔc ke aterdu tɔ gut kenïïm piny në Yïnɔm, në riɔ̈ɔ̈c.

Bɛ̈n 12:12

“Ee Yɛn Bɛ̈nydït, paan ë Rip abä caathic ëbɛ̈n në ee wɛ̈ɛ̈rë yic, ke ya näk mɛwä kɛ̈ɛ̈i ëbɛ̈n, kɛ̈i ë raan, ku kɛ̈i ë läi. Ku kuööm yiëth ke Rip kedhie në kuöm tuc. Ee Yɛn Bɛ̈nydït.

Bɛ̈n 33:16

Acïn luɔi bï kɔc ke piny nɔm ye ŋic nɔn mit Yïn piɔ̈u we yɛn, ayï kɔcku të kën Yïn lɔ wekë wook. Täu de dhuëëŋdu ke wook yen abï wo pääk në kɔc ke piny nɔm.”

Bɛ̈n 6:7

Të lan week luäk bei në kɔc ke Rip cin, ku gäm week nɔmlääu, abäk jɔ ŋic ëgɔk nɔn ee Yɛn Bɛ̈nydït Nhialicdun ë yic. Wek bä tɔ ye kɔc ke naamdï, ku Yɛn bï ya Nhialicdun.

Bɛ̈n 9:15

Na ë Ya cï A ciin yɔɔk, ku ta yï dɔm ë jɔɔk wekë kɔcku, adï cäk nyïïn riäär ë taiwei ënɔɔnë.

Bɛ̈n 9:16

Yïn aa ta pïïr në baŋ bän riɛldï nyuɔɔth, ke kɔc ke piny nɔm ë ke bï Ya ŋic kedhie.

Jeremia 32:20

Ɣɔn thɛɛr, yïn aacï göök ku kagɛ̈iyë looi ë Rip, ku acï ŋoot ke ke loi keek agut cï ee köölë, në Yithriɛl yic ku në juöör kɔ̈k yiic ëbɛ̈n, ago Yïn jɔ ŋic ë piny nɔm ëbɛ̈n.

Jeremia 32:21

Në kueer ë göök ku kagɛ̈iyë wään cï kɔc ke aterda tɔ riɔ̈c, Yïn cï riɛldu ku dïtdu tɔ bïï kɔc ke Yithriɛl bei ë Rip.

Edhekiɛl 20:9

Ku akɛ̈n looi, në luɔi duëër ee kënë ayäär yiɛ̈n rinkï, në biäk cän en lɛ̈k kɔc ke Yithriɛl rɛ̈ɛ̈r në juöör ceŋ kek piny an, wek bä bɛ̈ɛ̈i bei piny de Rip.

Kuɛ̈n 6:27

Ku lueel ë Bɛ̈nydït an, “Të cï kek ya cɔɔl rin të thieei kek kɔc ke Yithriɛl, abä keek aa thieei.”

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Nyöŋ 10:21

Yak leec. Ee Nhialicdun, ku acäk keek tïŋ ë wenyïïn wapäc, kek kadït ku göök dït cï ke luöi week.

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.

Nyöŋ 9:26

Aguɔ Bɛ̈nydït lɔ̈ŋ, an, ‘Awärjäŋ, du kɔcku riɔ̈ɔ̈r nyïïn, kɔckuön cï luök, ku bɛ̈ɛ̈iyë kek bei ë Rip në riɛlduön dït

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Jocua 7:9

Abï kɔc ke Kanaan en jɔ piŋ, ku piŋ ë raan ëbɛ̈n, raan rɛ̈ɛ̈r ee pinyë, abïk wo gɛɛu piny ku näkkï wook wodhie! Ka bä dhuëëŋdu jɔ döt adï?”

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,