2 Tham 7:22 - JAM DE NHIALIC 2011

²² Yïn adït, Bɛ̈nydït Nhialic! Acïn raan däŋ cït yïn, kë ŋicku wodhie, acïn Nhialic däŋ ee yïn yïtök!

2 Tham 7:22 ပူးပေါင်းရင်းမြစ်များ

2 Tham 22:32

Bɛ̈nydït Yetök En ee Nhialic, ku Nhialic Yetök Yen ee wo gël.

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

1 Lëk 16:25

Nhialic adït ku yen abï ya piɔny, yen abï aa dhuëëŋ guöp awär yiëth kedhie.

2 Lëk 2:5

Acä tak bä Luaŋdït yïk ke dït, në luɔi dïït ë Nhialicda awär yiëth kɔ̈k.

Diɛt 135:5

Aŋiɛc Bɛ̈nydïïtda adït awär yiëth kɔ̈k ëbɛ̈n.

Diɛt 145:3

Bɛ̈nydït adït, ku abï dhil aa piɔɔny aläl, ku dïtde acïï duëërë yök yic.

Diɛt 44:1

Acuk piŋ në wo yïth, Nhialic, acï wärkuɔ lɛ̈k wo, acïk wo lɛ̈k kagɛ̈iyë cï looi në aköölken yiic, akööl ɣɔn thɛɛr:

Diɛt 48:1

Bɛ̈nydït adït, ku abï ya piɔɔny aläl, në Pänydït ë Nhialicda yic, ku në kuurdɛn ɣeric nɔm.

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Diɛt 86:8

Bɛ̈nydït acïn yanh cït Yïn, acïn töŋ cï ka cït ee ka cï looiyë looi.

Diɛt 89:6

Bɛ̈nydït acïn raan nu paannhial cït Yïn, acïn töŋ nu në ka cï cak paannhial duëër kït ke Yïn.

Diɛt 89:8

Bɛ̈nydït Nhialic Awärjäŋ, acïn raan ril cït Yïn, Bɛ̈nydït në käŋ yiic kedhie Yïn ee piɔ̈u adöt.

Diɛt 96:4

Bɛ̈nydït adït ku abï dhil piɔɔny aläl, abï dhil riëëu awär yiëth kedhie.

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 8:10

Go melik lɛ̈k en an, “Läŋë në biäkdï miäk.” Go Mothe lɛ̈k en an, “Apiɛth, yɛn bï lɔ̈ŋ në biäkdu miäk, ke bä jɔ ŋic nɔn cïn en Bɛ̈nydït däŋ kït ke Nhialicda.

Bɛ̈n 8:6

Ago Aron thieec yaak nhial në pïïu nïïm ëbɛ̈n, go agueek bɛ̈n bei wïïr ë ke juëc, ku thiäŋkï piny ë Rip ëbɛ̈n.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 40:18

Ku eeŋa duëërë thɔ̈ŋ Nhialic? Duëërë täu de Nhialic kiëët adï?

Yith 40:25

Duëërë Nhialic ɣeric jɔ thiɔ̈ŋ ŋö? De raan däŋ cït En.

Yith 45:18

Bɛ̈nydït yen aa cak paannhial, ee yen cɔl Nhialic! Aa kïït piny ku ciɛk, go looi ke ril ëtör ku bï tɔ̈u athɛɛr. Akën looi ke ye kë cï riääk cïn yic kɔc, aa looi ke ye të bïï ë kɔc cieŋ thïn. Ee yen ë luel en an, “Yɛn ee Bɛ̈nydït, ku acïn yanh däŋ nu.

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Yith 45:5

“Yɛn ee Bɛ̈nydït, acïn yanh däŋ. Yïn bä gäm riɛl kɔɔr, cakaa nɔn kun yïn ɛn.

Edhekiɛl 36:22

“Ënɔɔnë gämë baai de Yithriɛl jam luɛɛl Yɛn Bɛ̈nydït Awärjäŋ në biäkden: kë bä lɔ looi acie biäkdun wek ke baai de Yithriɛl, ee biäk de Rinkiën ɣer yiic, rin cäk keek yɔ̈ɔ̈r në juöör yiic ëbɛ̈n ɣään cä wek lɔ thïn.

Edhekiɛl 36:32

Baai de Yithriɛl, akaar bäk ŋic nɔn cän ee kakë loi në biäkdun. Akaar bäk ayäär yök ku bäk gup riɔ̈ɔ̈c në biäk de ka luɔikï. Acä lueel, Yɛn Bɛ̈nydït Awärjäŋ.”

Danyel 2:45

Ku acï tïŋ nɔn cï kuur löny nhial ke cïn raan cï ye jak, ku luöi cï yen kë cï käär ë wëëth, ku maläŋ ku tiɔp, ku ateek ku adhääp yup. Nhialic dït alɛ̈k melik kë bï tuöl wadäŋ. Yïn cä lɛ̈k nyuöthdu ë wop, ku lɛ̈k yïn kë lueel ë nyuöth ë yic.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Nyöŋ 3:24

‘Yïn Awärjäŋ Bɛ̈nydït, aŋiɛc nɔn cï yïn yɛn nyuöth luɔi ë gɔl ë kakuön ke gäi röt ku ka bä keek lɔ looi. Acïn yanh nu nhial ayï pinynɔm, yanh duëër göök dït looi keek looi.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

Nyöŋ 4:35

Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,