2 Tham 7:18 - JAM DE NHIALIC 2011

¹⁸ Na wën ke melik Debid ë lɔ në paany de Bɛ̈nydïtic, go nyuc ku lɛ̈ŋ an, “Bɛ̈nydït Nhialic, Yɛn ya ŋa! Ku dhiëndï eeŋa? Eeŋö bïï yïn yɛn ee tënë?

2 Tham 7:18 ပူးပေါင်းရင်းမြစ်များ

Cäk 32:10

Nhiëërduön agɔk acïï rɔ̈ŋ ke yɛn. Ayï dönduön piɛthë cï yïn lïmdu döt, acïkï rɔ̈ŋ në yɛn kedhie. Yɛn aa tem wɛ̈ɛ̈r de Jordan ke ye thieec tei yetök yen muɔ̈k në yaciin. Ku ënɔɔnë, yɛn ë bɛ̈n ciëën wokë luuny kaarou.

Cäk 32:11

Ku ënɔɔnë, Yïn läŋ an luäk ɛn në Ethau wänmääth. Yɛn ë riɔ̈ɔ̈c në yen arëët. Abï wo bɛ̈n nɔ̈k wodhie, mïth ku märken.

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

2 Tham 7:17

Na wën ke Nathan ë lëk Debid ka cïï Nhialic lɛ̈k yen ë nyuöth yic ëbɛ̈n.

1 Lëk 17:16

Na wën ke Debid ë lɔ në paany de Bɛ̈nydïtic, ku nyuuc ku lɛ̈ŋ lueel an, “Yɛn cïï rɔ̈ŋ we kë cï luöi yɛn, Bɛ̈nydït Nhialic, ayï baaida aya acïï rɔ̈ŋ ke kë cï looi.

1 Lëk 29:14

“Yɛn wokë kɔckï acïn kë buk gäm Yïn, në biäk ye këriëëc ëbɛ̈n bɛ̈n tëde Yïn, këduön wään cï kɔn gäm wook yen apukku nɔm yïn.

Diɛt 8:4

Raan eeŋö, ka Yïn jɔ rɔt aa nuaan në täŋde? Mɛnh ë raan eeŋö ka yïn jɔ diɛɛr ë yen?

Bɛ̈n 3:11

Go Mothe lɛ̈k Nhialic an, “Ee yɛn ŋa, ka yɛn duëër jɔ lɔ tëde melik, ku la kɔc ke Yithriɛl bɛ̈ɛ̈i bei ë Rip?”

Yith 37:14

Go melik Ɣedhekia ë awerekë nööm tëde tuuc ku jɔ kueenic. Go lɔ Luaŋdït ku tɛ̈ɛ̈u awerekë në Bɛ̈nydït nɔm,

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Bäny 6:15

Go Gidiɔn bɛ̈ɛ̈r an, “Bɛ̈nydït yɛn bä kɔc ke Yithriɛl lɔ luök adï? Tïŋ, kɔc ke dhiëndï kek akɔ̈c në dhiën de Manatha yic, ku yɛn ee raan töŋ thiin cïn naamde arëët në dhiën ë wääric.”

Ruuth 2:10

Go Ruuth e nɔm guöt piny në Bowadh nɔm abïï piny jak në yenɔm, ku lop an, “Eeŋöduön nuɛɛn yïn rɔt në yɛn, ku yɛn ee raan lei?”

1 Tham 15:17

Ago Thamwɛl lueel an, “Cakaa wään yïn rɔt tɔ cïn naamdu, kɛ̈në bɛ̈n aa bɛ̈ny de dhiëën ke Yithriɛl? Bɛ̈nydït acï yïn dɔm ke yï ye melik de Yithriɛl.

1 Tham 18:18

Go Debid lɛ̈k Thaulo an, “Ee yɛn ŋa? Ku baaida, ee baai de ŋa në Yithriɛl yic, ka yɛn duëër jɔ ee mony ë nyan ë melik?”

1 Tham 9:21

Ago Thaulo bɛ̈ɛ̈r an, “Yɛn ee raan de Benjamin, dhiën koor ë dhiëën ke Yithriɛl yiic, ku ɣönda yen ee ɣön koor aläl në dhiën ke Benjamin yiic, ka eeŋö duëër yïn ya lɛ̈k kë cït ee kënë?”