2 Tham 7:14 - JAM DE NHIALIC 2011

¹⁴ Yɛn bï ya wun, ku yen abï ya wëndï. Na le wäc ke Yɛn bï kɔc kɔ̈k tɔ lui yen kërac, kek abïk aa wɛtkiën ke dui.

2 Tham 7:14 ပူးပေါင်းရင်းမြစ်များ

1 Mel 11:34

Ku Yɛn cï ciɛɛŋ bï nyaai ëbɛ̈n tëde Tholomon, abä tɔ tɔ̈u në riɛlic në kaam pïïr en. Kënë abä looi në biäk de awundï Debid, raan cä lɔc ku ye lööŋkï döt, ku ye wëëtdï riëëu.

1 Mel 9:6

Ku na lɔ mïthku kɔ̈ɔ̈c ke ke cïï Ya be kuany cök, ku lɔ lööŋkï dhɔ̈ŋiic ayï këriëëc cä thɔ̈n week, ku läk yiëth kɔ̈k lam,

1 Lëk 17:13

Yɛn bï aa wun, ku yen abï aa wëndï, ku Yɛn cï nhiëërdiën agɔk bï nyaai tëde yen, cït man ɣɔn cän ye kɔn nyaai tëde Thaulo, raan wään bä nyaai ago aa melik.

1 Lëk 22:10

Yen abï ɣöt yïk në rinkï. Abï aa wëndï, ku Yɛn bï aa wun, ku Yɛn bï thööny de bäänyde döt në Yithriɛl aɣet athɛɛr.”

1 Lëk 28:6

“Go ë Bɛ̈nydït lɛ̈k ɛn an, ‘Wënduön Tholomon yen abï Luaŋdït yïk. Acä lɔc ke ee wëndï, ku yɛn bï aa wun.

Jop 5:17

Yeka, athiɛɛi ee këde raan cïï Nhialic looi nɔm, në biäk ee kënë du ee jaai të ye Nhialic Awärjäŋ yï rïc.

Diɛt 2:7

Ku lueel ë melik an, “Yɛn bï kë cïï Bɛ̈nydït lueel aa caal, acï lɛ̈k ɛn an, ‘Yïn ee wëndï, ku ee köölë Yɛn cï aa Wuur.

Jeremia 30:11

Yɛn bï bɛ̈n tëde week ku luäk week. Yɛn bï juöör kedhie riɔ̈ɔ̈k, të cän week thiäi thïn, ku wek cä bï riɔ̈ɔ̈k. Ku wek cä bï pɔ̈l ke we kën ë luöi këtuc, ku të lan we luöi këtuc, abä looi arɔ̈ŋ. Acä lueel, Yɛn Bɛ̈nydït.”

Math 3:17

ku bɔ̈ röl paannhial, röl lueel en an, “Wëndiën nhiaar kï, ee kënë, wën miɛt ɛn piɔ̈u wo yen.”

1 Kor 11:32

Ku të jiëënyë wo, ke wok ee Nhialic wɛ̈ɛ̈t cït man ë mïthke, ke wo cïï bï yiëk yiëth gääk në kɔc ke piny nɔm ëtök.

2 Kor 6:18

Ku yɛn bï aa Wuöördun, ku we bï aa wɛ̈ɛ̈tkï ku nyïïrkï, kë lueel Nhialic Awärjäŋ ka.”

Nyöŋ 8:5

Yak tak nɔn Ye Bɛ̈nydït Nhialicdun we kiɛm piny ku dui week cït man ye wun mïth mïthke dui.

Ɣeberuu 1:5

Acïn tunynhial töŋ cïï Nhialic kɔn yɔ̈ɔ̈k an, “Yïn ee Wëndï, ee köölë Yɛn cï ya Wuur.” Ku akën kɔn lueel aya an, “Yɛn bï ya Wun, Ku Yen abï ya Wëndï.”

Nyuuth 21:7

Raan ë tiam abï käŋ lɔ̈ɔ̈k lak kedhie, ku yɛn bï aa Nhialicde, ku abï aa wëndï.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.