2 Tham 7:10 - JAM DE NHIALIC 2011

¹⁰ Ku yɛn bï kɔckiën ke Yithriɛl lɔ̈c piny, ku abä cuɔm keek agokï rëër ë bɛ̈iken yiic, ke cïn kë bï keek bɛ nuaan. Ku kɔc ee kërac looi acïkï keek bï bɛ nuaan cït man ɣɔn.

2 Tham 7:10 ပူးပေါင်းရင်းမြစ်များ

2 Mel 21:8

Ku na lɔ kɔc ke Yithriɛl wëëtdï riëëu, ku dötkï lööŋkiën cä gäm awundï Mothe, ka acä keek bï tɔ copë wei piny wään bä gäm kuarken.”

1 Lëk 17:9

Yɛn cï kɔckï lɔ̈c piny ku abä keek tɔ ɣäp ëtɛ̈ɛ̈n, të bïï kek rëër ke cïn raan bï ke bɛ yɔŋ. Gɔl ɣɔn të wään bïï kek ee pinyë acï keek bɛ̈n aa mak ë kɔc ke akuöörkuöör, ku kënë acïï rɔt bï bɛ nyɔk. Acä lueel nɔn bän kɔc ke aterdun tiaam kedhie, ku yïn bä gäm kuat.

2 Lëk 33:8

Ku na lɔ kɔc ke Yithriɛl lööŋkï riëëu kedhie ku dötkï löŋ cï awundï Mothe gäm keek, acä keek bï tɔ copë wei në tiɔɔm cä gäm kuarken.”

Diɛt 44:2

Yïn ë juöör kuaath wei në ciindu ku com kɔcku pinyden, Yïn cï juöör riɔ̈ɔ̈k, ku tɔ kɔcku lok.

Diɛt 44:4

Yïn ee melikdï ku Nhialicdï raan ë gëm tiëm Jakop,

Diɛt 80:8

Yïn cï enap bɛ̈ɛ̈i bei ë Rip, Yïn cï juöör kɔ̈k ciëëc bei ku com kɔcku pinyden.

Diɛt 80:9

Yïn cï piny kuaar në biäk bïï yen luɔk, meike acïk ɣet piny, go thiɛ̈i ë pinynɔm ëbɛ̈n.

Bɛ̈n 1:22

Na ɣɔn, ke lëk ë Melik de Rip kɔcke kedhie an, “Cuatkï mïthwät Kiir kedhie abïï ciën tök, mïthwät thiik ke Ɣeberuu, ku pälkï duet apïïr.”

Bɛ̈n 15:17

Ku bä ke bɛ̈n piith në kuur nɔm, tëduön cï lɔc Bɛ̈nydït an bïï aa ɣöndu. Tëɣeric ɣɔn yïk në Yïn guöpdu.

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Yith 5:7

Baai de Yithriɛl ee dom de tiim de Bɛ̈nydït de rɛm, kɔc ke Juda ee kek ee tiim cï piith ee Ye miëët piɔ̈u. Aake ŋɛ̈ɛ̈th nɔn duëër kek yic aa looi, ke ke päl yic ku yek kɔc nɔ̈k. Aa ŋɛ̈ɛ̈th bï piathëpiɔ̈u yök tëde keek, ku kɔc yɔŋkï keek adhiëëukï yic.

Yith 60:18

Awuɔɔu ë tɔŋ acïï bï bɛ piŋ, riääk acïï bï bɛ bɛ̈n pinydun, wek bä gël ku kuɔny week cït päny, wek bï ya leec në biäk cän week kony.

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Jeremia 18:9

Ku na cä lueel, nɔn kaar Yɛn bä jur ku nɔn ee ciɛɛŋ com ku yiëk,

Jeremia 24:6

Abä keek tiit, ku abä keek bɛ̈ɛ̈i ciëën ee pinyë. Abä keek yïk acä keek bï thuöör piny, abä keek com acä keek bï wuöth thäär bei.

Edhekiɛl 28:24

Go Bɛ̈nydït lueel an, “Acïn jur tök në juöör thiääk ë baai de Yithriɛl bï ke luööi arac, ku bï bɛ ciët kou ku thil ke lui keek bɔ̈t. Ku abïk jɔ ŋic nɔn ee yɛn Bɛ̈nydït Awärjäŋ.”

Ɣodh 2:18

Ku ëtɛ̈ɛ̈n, Yɛn bï mät looi wokë läi roor, ku diɛt, ku ka ee mol piny, në biäk cïï kek kɔckï bï bɛ luöi kërac. Ku këriëëc de tɔŋ ëbɛ̈n, abä ke nyaai pinyden: abätäu, ayï dhaŋ abïk liu, ke kɔckï ë ke bï tɔ̈c ë läŋ kedhie.

Amoth 9:15

Abä ke wɛc thäär piny pinyden. Ku cïn raan bï ke bɛ nyuän thäär bei pinydɛn cä gäm keek. Ee kë cï ë Bɛ̈nydït Nhialicdun lueel.

Nyuuth 21:4

ku abï pïïu ke kenyïïn weec ë kenyïïn kedhie, ku thuɔɔu acïï bï be nu, ayï jiɛthëpiɔ̈u, ku dhiëëu, ku arɛɛm, acïkï bï bɛ nu: ka tueŋ acïk jäl ëliŋliŋ.”

Bäny 4:3

Ku yen ade nɔm bot kadhoŋuan ke abëël ke tɔŋ ke wëëth, ku yen aa yɔŋ kɔc ke Yithriɛl në yaaŋ rac ë run kathiërrou. Go kɔc ke Yithriɛl dhiau në Bɛ̈nydït nɔm bïï keek luök.

1 Tham 13:17

Go rem de tɔŋ ë Pilithiin lɔ biic ke ke cï röt tëek ë diäk lek rum: ago biäk töŋ de rem lɔ të lɔ Opera piny de Cual,