2 Tham 6:20 - JAM DE NHIALIC 2011

²⁰ Go Debid rɔt puɔ̈k baai ke lɔ baaiden lɔ thieei, Go Mical bɛ̈n bei bïï yen loor nɔm go lɛ̈k en an, “Melik de Yithriɛl acï rɔt yɔ̈ɔ̈r ee köölë! Yïn cï lupɔɔku bɛ̈ɛ̈i bei në duet lïïm ke bänyku nïïm!”

2 Tham 6:20 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

2 Tham 6:14

Na wën ke Debid ë cöŋ në Bɛ̈nydït nɔm në miɛt ë piɔ̈u, ke ceŋ lupɔɔ ke ajïpɔ.

2 Tham 6:16

Na wën aa lɔ athänduŋ de mät ɣet Pänydït de Debid, go nyan ë Thaulo Mical biic lieec ë awëërnyin go melik Debid tïŋ ke cɔ̈ŋ ke ye kɛɛc nhial në Bɛ̈nydït lɔ̈ɔ̈m, go piɔ̈u rac ke yen.

2 Tham 6:18

Na wën cï Debid thök ë gɛm gɛm en miɔ̈c ye nyop ëbɛ̈n, ku miɔ̈c de mät, go kɔc thieei në rin ke Bɛ̈nydït de rɛm.

2 Tham 6:19

Na wën ke Debid ë gëm kɔc kedhie kuïïn, diäär ku röör. Go raan töŋ de Yithriɛl aa gäm kuïn cï pam, ku rïŋ cï nyop, ku thöu, ku kaak. Na wën ke ŋɛk ë jɔ lɔ baaide.

1 Lëk 16:43

Go raan ëbɛ̈n jäl, ŋɛk ee rɔt pɔ̈k paande, go Debid rɔt pɔ̈k paande, bïï baaide lɔ thieei.

Jop 30:8

kɔc cïn naamden, cïï rin tiëc, acï ke bɛ̈n ciɛɛc wei wutic.

Diɛt 101:2

Yɛn bï cath ë kueer cïn yic awäc. Ee nɛn yen bï Yïn bɛ̈n tëde yɛn? Yɛn bï rëër ë piɛth paandï

Diɛt 30:1

Yïn bä piɔɔny Bɛ̈nydït, në luöi cï Yïn ya luök. Yïn kën kɔc de wok ater tɔ thuɛ̈ɛ̈c në yɛn.

Wɛ̈ɛ̈t 7:17

Du rɔt tɔ rac aläl, ku du rɔt tɔ ye raan piɔlpiɔ̈u, eeŋö bï yïn rɔt tɔ thou, ke aköölku ë ke ŋoot?

Mak 14:66

Na wën, të rëërë Petero biic ë kalic, ke nyan tök bɔ̈ nyan töŋ de duet ee bɛ̈nydïït ë kake Nhialic luööi,

Mak 3:21

Na wën, aacï määthke ye piŋ, ke ke lɔ biic lek dɔm: ayek lueel an, “Jiɛɛm wei!”

Jɔn 13:6

Go bɛ̈n tëde Thimon Petero, go Petero thiëëc an, “Bɛ̈nydït, wak a cök?”

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

Bäny 9:4

Ku gɛmkï atek kathiërdhorou në wëu ke luaŋ de Baal Berith yic, ago Abimelek ke nööm riɔp en ke kɔc cï gam bïk en kuany cök.

1 Tham 14:49

Wɛ̈ɛ̈t ke Thaulo ee yï Jɔnathan, ku Yicibi, ku Malkicua. Ku nyandɛn kɛ̈i acɔl Merap, ku nyandɛn thiinë acɔl Mical.

1 Tham 18:20

Ku ëtɛ̈ɛ̈n, Mical nyan ë Thaulo ë Debid bɛ̈n nhiaar aläl. Na wën aa piŋ Thaulo en ke mit piɔ̈u.