2 Tham 6:19 - JAM DE NHIALIC 2011

¹⁹ Na wën ke Debid ë gëm kɔc kedhie kuïïn, diäär ku röör. Go raan töŋ de Yithriɛl aa gäm kuïn cï pam, ku rïŋ cï nyop, ku thöu, ku kaak. Na wën ke ŋɛk ë jɔ lɔ baaide.

2 Tham 6:19 ပူးပေါင်းရင်းမြစ်များ

2 Tham 6:18

Na wën cï Debid thök ë gɛm gɛm en miɔ̈c ye nyop ëbɛ̈n, ku miɔ̈c de mät, go kɔc thieei në rin ke Bɛ̈nydït de rɛm.

2 Tham 6:20

Go Debid rɔt puɔ̈k baai ke lɔ baaiden lɔ thieei, Go Mical bɛ̈n bei bïï yen loor nɔm go lɛ̈k en an, “Melik de Yithriɛl acï rɔt yɔ̈ɔ̈r ee köölë! Yïn cï lupɔɔku bɛ̈ɛ̈i bei në duet lïïm ke bänyku nïïm!”

1 Mel 8:66

Në kööl ëbɛ̈t, go Tholomon kɔc tɔ lɔ në bɛ̈iken yiic. Go kɔc melik leec ku jiëlkï ke ke mit piɔ̈ɔ̈th kedhie, në athiɛɛi cïï Bɛ̈nydït gäm Debid raandɛn ee ye luööi kekë kɔckɛn ke Yithriɛl.

1 Lëk 16:3

Ku jɔ kɔc tɛ̈k kacaam kedhie. Ee moc ku tik paan de Yithriɛl gäm kuïn cï pam ku rïŋ cï nyop, ku kuïn de thön cï pam, ku kalik ke rap.

1 Lëk 16:43

Go raan ëbɛ̈n jäl, ŋɛk ee rɔt pɔ̈k paande, go Debid rɔt pɔ̈k paande, bïï baaide lɔ thieei.

2 Lëk 30:24

Go melik Ɣedhekia amatnɔm gäm agum de miöör, ku aguum kadhorou de amɛ̈l, në luɔi bï kɔc keek nɔ̈k ku cuetkï keek, ku gëm ë wɛ̈ɛ̈t bäny keek aguum kathiëër 10,000 ke amɛ̈l kɔ̈k. Na wën ke bäny juëc ke kake Nhialic ke ke jɔ kegup tɔ piɛth.

2 Lëk 7:10

na ɣɔn ë kööl de rou, në kööl de thiërrou ku diäk ë pɛɛi de dhorou, go Tholomon kɔc jɔ tɔ lɔ ë bɛ̈iken yiic. Aake mit piɔ̈ɔ̈th në biäk de athiɛɛi cïï Bɛ̈nydït gäm kɔckɛn ke Yithriɛl ëbɛ̈n, ku Debid, ku Tholomon.

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Diɛt ke 2:5

Tɔ yɛn tɔ ril në mïth ke tiim cï riɛl, ku tɔ yɛn lɔ̈ŋ në mïth ke tiim mit! Yɛn cï kɔ̈c në nhiëër.

Edhekiɛl 45:17

Abï ya luɔi de wën bɛ̈ny bï miɔ̈c de lɛ̈n bï nyop ëbɛ̈n yök, ku miɔ̈c ë rap, ku miɔ̈c de mɔ̈u në biäk de baai de Yithriɛl ëbɛ̈n, në kööl de dhuëëŋ ë Wil de Pɛɛi. Ee yen bï miɔ̈c de awɛ̈ɛ̈c yök, ku miɔ̈c de kööl ë Thabath, ku jɔ aa dhuëŋ kɔ̈k. Ee yen abï miɔ̈c de awɛ̈ɛ̈c bɛ̈ɛ̈i, ku miɔ̈c ë rap, ku miɔ̈c ye nyop ëbɛ̈n, ku miɔ̈c de mät, bïï baai de Yithriɛl jɔ teem guöp.”

Ɣodh 3:1

Go ë Bɛ̈nydït lɛ̈k ɛn an, “Ɣodhiya, be tiiŋdu nhiaar na cakaa nɔn yen röör kɔɔrë. Nhiaar cït man nhiɛɛr ë Bɛ̈nydït Yithriɛl, na cakaa nɔn cï kek A puɔ̈l ku gamkï yiëth, ku nhiaarkï cäm de këcam de mïth ke enap cï riɛl ye kek Baal lam.

Luɔi 20:35

We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

Epethiei 4:8

Yen a lueel en en an, “Ɣɔn le yen nhial, ke thel kë ye kɔc mac ke mac, Ku jɔ kɔc miɔɔc në käŋ.”

Jocua 22:6

Ago Jocua ke jɔ puɔ̈t kueer, gokï kenïïm puɔ̈k wunden.