2 Tham 5:9 - JAM DE NHIALIC 2011

⁹ Ago Debid pänydïït ril peec, go Debid ceŋ thïn ku ciëk an, “pänydït de Debid.” Go pänydït yïk ë yekɔ̈u, gɔl të wään bïï ë tiɔp wäl ë päny kɔ̈u në baŋ lɔ të lɔ aköl amiäk de kuur.

2 Tham 5:9 ပူးပေါင်းရင်းမြစ်များ

2 Tham 5:7

(Ku Debid acï të ril de Dhiɔn bɛ̈n nööm, go bɛ̈n cäk an, “pänydït de Debid.”)

2 Tham 5:8

Go Debid kɔcke yɔ̈ɔ̈k ee köölë an, “Raan kɔɔr bïï kɔc ke Jebuth mak abï tëëk ë nyïïn ke pïïu yiic piny, wek bï ŋöl ku cöör mak.” Në biäk cï ë ye lueel an, “Ŋöl ku cöör acïkï bï lɔ ë Luaŋdïtic.”

2 Tham 6:10

Go Debid athänduŋ de mät kɛ̈n bɛ lɛɛr Pänydït de Debid ke yen, ago lɛɛr ɣön de Obed Edom, raan wun ë Gath.

1 Mel 11:27

Ku kënë alɛɛŋ ë tɔ ye reec jam de melik. Tholomon aa thiäŋ piny nu ë Pänydït de Debid biäk të lɔ aköl amiäk në ɣööt, ku be kal nyɔk në pïr.

1 Mel 2:10

Go Debid jɔ tɔ̈c kekë kuarken, ku tɔ̈ɔ̈u ë Pänydït de Debid yic.

1 Mel 9:15

Melik Tholomon acï kɔc luööi në riɛl bïk Luaŋdït yïk kekë ɣön ë bääny, ku tɔ keek kut piny nu të lɔ aköl amiäk de Jeruthalem, ku yïk kal de pänydït ëbɛ̈n. Ku be wuötkë yïk Ɣadhor ku Megido ku Jedher.

1 Mel 9:24

Go Tholomon piny nu pänydït biäk të lɔ aköl amiäk kuöt në biäk de tiiŋde nyan ë melik de Rip, go jäl në Pänydït de Debid, ku jɔ lɔ paandɛn cï piac yiëk en.

2 Mel 12:20

Go kɔc ee melik Jowac luööi, luöi kiɛɛr rac, gokï Jowac nɔ̈k ɣön de Milo, në kueer ee lɔ wut baŋ të lɔ Thila.

2 Mel 12:21

Aa ye yï Jodhakar wën de Cimiith ku Jeɣodhabad wën de Comer, kɔc ee ye luööi kek aake näk en abï thou. Gokï tɔ̈ɔ̈u në wärken ë Pänydït de Debid yic, go Amadhia wënde lɔ në nyinde yic ke ye melik.

1 Lëk 11:8

Go Debid pänydït nyɔk ë yïk, gɔl të ɣɔn cï yïk ë biäk të lɔ aköl amiäk de kur, ku jɔ Jowap biäk de pänydït looi.

2 Lëk 32:5

Go melik kɛ̈l ke pänydït tɔ yïk abïk riɛl ku yïk ɣööt bär në kɛ̈l nïïm, ku yïk kal däŋ biic ë kal kɔ̈u. Ku acï biäk thɛɛr të lɔ aköl amiäk de Pänydït de Debid looi ayadäŋ. Ku aa de nɔm tɔɔŋ juëc ku kööt ayadäŋ.

Neɣe 3:15

Calum wën ë Koloɣodh, bɛ̈ny de Midhpa acï Thoŋ de Awaŋ nyɔk në yïk, ku tɛ̈ɛ̈u awïk de kal thok, ku tɛ̈ɛ̈u athïïnke tëden ku rïurïu ke. Acï kal biäkdäŋë yïk në awuöl ë Cela nɔm ɣëëtkï ë dom de Melik, ku ɣëëtkï në kueer ye kɔc bɛ̈n piny Pänydït de Debid.

Diɛt 122:3

Jeruthalem ee pänydït cï yïk ë ŋiëc guiir apiɛth ëbɛ̈n.

Yith 29:1

Amawoou në Jeruthalem guöpde, yïïŋ de Nhialic! Amawoou në pänydïït ɣɔn cieŋ ë Debid! Takï ruöön ku nɔn ee run kaarou ke dhuëëŋ tëk,

Bäny 9:20

Ku na kɛ̈nkï yic looi, ke mac abï bɛ̈n bei tëde Abimelek ku ciɛm week, wek kɔc ke Cekem ku Bethmilo, ku bïï bei tëde week ciɛm Abimelek.”

Bäny 9:6

Na wën ke kɔc ke Cekem ku Bethmilo, ke ke mat kenïïm, në tim de ɣok thar ë wai ë Cekem lɔ̈ɔ̈m, bïk Abimelek tɔ ye bɛ̈nyden.