2 Tham 4:6 - JAM DE NHIALIC 2011

⁶ Ku tiiŋ ee ɣöt tiit thok aa cï dak ke kiëc de agamɔ, go nok ku niin, go Rekap kekë Baana mänhë röt kual ɣöt.

2 Tham 4:6 ပူးပေါင်းရင်းမြစ်များ

2 Tham 2:23

Ku Athaɣel acïï gäm ŋoot ke cop Abener. Go Abener tɔŋ wɛl thok ciëën ku gut Athaɣel yic ë tɔŋ, abï tɔŋ lɔ paal ë yekɔ̈u biic. Ago Athaɣel wïïk ëtɛ̈ɛ̈n thou, go raan ëbɛ̈n raan ee bɛ̈n të tɔ̈u ë guöp de Athaɣel thïn ee kɔ̈ɔ̈c ëtɛ̈ɛ̈n.

2 Tham 20:10

Ku Amatha akën abätäu tïŋ në Jowap cin. Na wën ke Jowap ë gut Amatha yäc në abätäu, go Amatha yäc rɛɛt ku jɔ wïïk piny ëtɛ̈ɛ̈n, ku Jowap akën Amatha bɛ nyɔk ë gut në luɔi cïï yen guɔ thou. Go Jowap kekë mänhë Abicai, lɔ tueŋ ke ke cop Ceba wën ë Bikiri.

2 Tham 3:27

Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

2 Tham 4:2

Ku Yiciboceth ade nɔm kɔc kaarou ayek bäny ke rem ë pëëc. Raan tök acɔl Baana, ku raan däŋë acɔl Rekap, ayek wɛ̈ɛ̈t ke Rimon, raan wun ë Beeroth, në dhiën de Benjamin yic (Wun cɔl Beeroth ee këde dhiën ë Benjamin.

Bäny 3:26

Go Eɣud rɔt kual wën ŋoot kek ke ke tït, ku tëëk në kuur yaath kɔ̈u, go rɔt kual leer Theyira.