2 Tham 3:39 - JAM DE NHIALIC 2011

³⁹ Acakaa nɔn ee yɛn melik ë lɔc Nhialic, yɛn ë rɔt yök ke ya kɔ̈c ee köölë. Kek wɛ̈ɛ̈t ke Dheruiakë acïk a yiɛ̈n guöp akuöörkuöör arëët. Abïï Bɛ̈nydït ke luöi këtuuc rɔ̈ŋ ke keek!”

2 Tham 3:39 ပူးပေါင်းရင်းမြစ်များ

2 Tham 16:10

Go ë melik puɔ̈k nɔm Abicai kekë mänhë Jowap an, “Acïn këdun yic thïn në yen, wɛ̈ɛ̈t ke Dheruia. Na cieen ɛn në biäk cïï Bɛ̈nydït ye yɔ̈ɔ̈k, eeŋa duëër yen thiëëc?”

2 Tham 19:13

Ku acï ë Debid ke yɔ̈ɔ̈k bïk lɛ̈k Amatha an, “Yïn raan we yɛn. Ee köölë yïn bä tɔ ye bɛ̈ny de rem ë tɔŋdï në nyin de Jowap yic. Yɛn cï kuëëŋ ë Nhialic, na cä lɔ looi abï ya luöi këtuc!”

2 Tham 19:22

Go Debid lɛ̈k Abicai kekë Jowap mänhë an, “Eeŋa cï we luɔp, wek wɛ̈ɛ̈t ke Dheruia? Wek kɔɔr bäk yɛn luöi nuan? Ee yɛn ee melik de Yithriɛl ënɔɔnë, acïn raan de Yithriɛl bï nɔ̈k ee köölë.”

2 Tham 3:38

Go Debid bänyke yɔ̈ɔ̈k an, “Cäkkï ŋic nɔn cïï bɛ̈ny thiekic thou ee köölë në Yithriɛl.

1 Mel 2:32

Abï Bɛ̈nydït gäm ariöpdɛn wään nɛ̈k en kɔc piɛthpiɔ̈ɔ̈th kaarou, kɔc wär en. Wäär aa cïï piɔ̈u mit në thon de Abener bɛ̈ny ë rem de tɔŋ de Yithriɛl ku Amatha bɛ̈ny ë rem de tɔŋ de Juda.

1 Mel 2:9

Ku kuëëŋë acïï ye duëër tɔ ye raan cïn guöp awäc. Yïn ee raan pelnɔm yïn ŋic kë bä luöi yen, yïn duëër nɔmdɛn cï louwë tɔ lɔ paan ë thuɔɔu rɛɛŋ ke cï riɔk ë riɛm.”

1 Lëk 22:5

Go Debid lueel an, “Luaŋdït bï ë wëndï Tholomon lɔ̈ɔ̈k yïk abï dhil dik ku lec ë pinynɔm ëbɛ̈n. Ku Tholomon akoor ku akuc käŋ, ka yen bï käŋ dhil guiir ë biäkde.” Go Debid kajuëc bɛ̈ɛ̈i ɣɔn kën en kɔn thou.

1 Lëk 29:1

Na wën ke jɔ ë melik Debid lɛ̈k amatnɔm an, “Wëndiën Tholomon yen acïï Nhialic lɔc, ku aŋoot ke koor, ku akën kɔn wëët ë luɔi. Ku luɔi bï looi adït, në biäk cïï yen ë ɣön de raan, ee Luaŋdït de Bɛ̈nydït Nhialic.

2 Lëk 13:7

Na wën ke mɛ̈ɛ̈t kuut de kɔc ee karɛc looi yiic, ku tɔ keek tɔ reec Reɣobowam wën ë Tholomon, në biäk koor en ku cïï käŋ ŋic në baŋ bï yen thɔ̈ɔ̈r ke keek.

Diɛt 101:8

Aköölnyïïn ëbɛ̈n yɛn bï kɔc ee karɛc looi nɔ̈k pinyda, ku yɛn bï kɔc ee karɛc looi ëbɛ̈n cuɔp wei ë pänydïït de Bɛ̈nydït yic.

Diɛt 28:4

Luöiyë keek këtuc në biäk de kë cïk looi, në biäk de awäny cïk looi. Luöiyë keek këtuc në biäk de ka cïk looi ëbɛ̈n, gämë keek kë rɔ̈ŋ ke keek!

Diɛt 62:12

ku kë ee tɔ̈u ke Yïn Bɛ̈nydït ee nhiëër agɔk. Në luɔi Yïn raan ëbɛ̈n, gäm ariöp rɔ̈ŋ kekë luɔide.

Diɛt 7:16

Ku abïï kërɛɛcdɛn yek looi keek aa luöi këtuc. Ku abïk bɔ̈t aa yök në biäk de akuöörkuöörden.

Diɛt 75:10

Yen abï tuŋ ke kɔc rac dhoŋ kɔ̈ɔ̈th, ku tuŋ ke kɔc piɛthpiɔ̈ɔ̈th abïï ke jat nhial.

Bɛ̈n 21:12

“Raan cï raan yup nɛ̈k, abï aa nɔ̈k ayadäŋ.

Kɛ̈ŋ 20:8

Bɛ̈ny nyuc ë thöny de guïïr ë löŋ nɔm, ee këpiɛth pɔ̈c bei në këracic të cïï en e woi yic.

Kɛ̈ŋ 25:5

Nyaaiyë kɔc rac në bɛ̈ny lɔ̈ɔ̈m, ke thööcde bï kɔ̈ɔ̈c në piathëpiɔ̈uwic.

Yith 3:11

Ku lɛ̈kë kɔc ee karɛc looi an, amawoou në week, luɔi de cinken yen abï luöi keek.

Yith 7:4

lɛ̈kë yen bï yïn ke cïï nin, ku ë pɛ̈l rɔt piny ke cïï riɔ̈c ku cïï piɔ̈u jeth. Agönh de Redhin melik de Thiriya kekë Peka wën ë Remalia melik de Yithriɛl, acïn kë bïk lëu acïtkï many de tiim kaarou tol thook tei.

Jeremia 38:5

Go melik Dhedekia bɛ̈ɛ̈r an, “Apiɛth, luɔikï kë kaarkï bäk luöi yen, wek cä bï dɔ̈m kɔ̈ɔ̈c.”

Danyel 6:16

Go melik löŋ tääu piny luöi bïï ë Danyel dɔm, ago cuat ɣön cï thiäŋ ke kɔ̈ɔ̈r. Ago lɛ̈k Danyel, “Në Nhialicdu, raan ye luööi ë yïpiɔ̈u ëbɛ̈n kony yïn.

Kuɛ̈n 32:23

Na cäkkï këduön cak lueel e looi, ke wek bï ya kɔc cï kërac luöi Bɛ̈nydït, duökï awɛ̈ɛ̈c loi në biäk de ë kënë, ke we cïï bï kuööm në awänydun.

Romai 13:4

ee raan ë ka ke Nhialic looi në këde piathdu. Ku na ye kërac looi, ke yï jɔ riɔ̈ɔ̈c, abätäu acie mɔ̈k ɣɔ̈ric, ee raan ë ka ke Nhialic looi, raan ë agönh ë Nhialic nyuöth kɔc ee kërac looi.

2Tim 4:14

Alekandaro thänh ë maläŋ acï a luöi kërac aläl: abïï Nhialic tɔ yök këdɛn rɔ̈ŋ ke luɔide.

Bäny 9:57

Nhialic acï kɔc ke Cekem tɔ yök ariöp de kërɛɛcden ayadäŋ. Go aciɛɛn ë Jotham wën ë Gidiɔn aa yic.