2 Tham 3:28 - JAM DE NHIALIC 2011

²⁸ Na ɣɔn aa lɔ Debid kë cï rɔt looi piŋ, go lueel an, “Yɛn wokë ciɛɛŋdï ku dhiën ë melik, wok liu në thon de Abener wën ë Ner yic në Bɛ̈nydït nɔm.

2 Tham 3:28 ပူးပေါင်းရင်းမြစ်များ

Cäk 4:10

Ago Bɛ̈nydït lɛ̈k en an, “Eeŋö jɔ luöi ë kërɛɛc dïït cït ë kënë? Acä tïŋ luɔi cïn wänmuuth nɔ̈k. Yɛn ë riɛmde tïŋ piny cït man ë kë kɔɔr guur.

Cäk 9:6

Ku raan lɔ raan nɔ̈k, abï nɔ̈k aya në raan däŋ. Në luɔi cï Nhialic raan cak ke thöŋ rɔt.

2 Tham 1:16

Go Debid lɛ̈k raan de Amalek an, “Yïn cï thuɔɔu yiɛ̈n rɔt. Ku yïn cï rɔt nɔ̈k yïtök, wën gɛm yïn en nɔn cï yïn raan cï Bɛ̈nydït lɔc ke ee melik nɔ̈k.”

2 Tham 16:8

Yïn cïï ciɛɛŋ de Thaulo nööm, ku ënɔɔnë Bɛ̈nydït alui yïn këtuc, në biäk cï yïn kɔc juëc ke dhiën ë Thaulo nɔ̈k. Bɛ̈nydï acï ciɛɛŋ gäm wëndu Abthalom! Yïn cï riääk! Yïn nɛ̈k!”

2 Tham 3:27

Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

2 Tham 3:29

Ku kënë abï tɔ̈u në Jowap yeth kekë dhiënde ku aciɛɛn abï tɔ̈u kekë dhiënde ë cieŋ, abïk gup dɛ wɛth, ku abïk gup dɛ jur, ku abïk aa dhiëëth wei, ku thoukï tɔŋ, ku näk cɔk keek!”

Bɛ̈n 21:12

“Raan cï raan yup nɛ̈k, abï aa nɔ̈k ayadäŋ.

Kuɛ̈n 35:33

Na lak ee kënë looi, ke wek bï piny ciɛŋkï dhiöök. Raan ee kɔc luc ee piny dhiöök, të cïn thon ë raan ë raan luc, ke piny acïn luɔi bï ye luöi miɔ̈c de wɛ̈k ke de raan cï kɔn luc thïn.

Math 27:24

Na wën, aacï Pilato e tïŋ nɔn cïn en luɔi bï en e lëu, ku duëër anuɔɔn bɛ̈ɛ̈i tei, ke nöm pïïu, ku piny ecin ë kut ë kɔc nïïm, ku lueel an, “Yɛn liu ë riɛm ë raanë yic, raan cïn kërɛɛc cath ke ye! Ee këdun wapäc!”