2 Tham 3:27 - JAM DE NHIALIC 2011

²⁷ Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

2 Tham 3:27 ပူးပေါင်းရင်းမြစ်များ

2 Tham 13:26

Ago Abthalom lueel an, “Na cäkï kɔɔr bäk bɛ̈n, ke yï tɔ wänmääth Amnon lɔ ke wook?” Go melik Debid lop an, “Eeŋö ee yen lɔ ke week?”

2 Tham 19:13

Ku acï ë Debid ke yɔ̈ɔ̈k bïk lɛ̈k Amatha an, “Yïn raan we yɛn. Ee köölë yïn bä tɔ ye bɛ̈ny de rem ë tɔŋdï në nyin de Jowap yic. Yɛn cï kuëëŋ ë Nhialic, na cä lɔ looi abï ya luöi këtuc!”

2 Tham 3:26

Na wën aacï Jowap Debid nyääŋ piny, go kɔc tuɔɔc në Abener cök, ku jɔkï dɔ̈k nɔm ciëën ke cï ɣet në yinh ee Thira, ku Debid akuc kë cï rɔt looi.

2 Tham 3:28

Na ɣɔn aa lɔ Debid kë cï rɔt looi piŋ, go lueel an, “Yɛn wokë ciɛɛŋdï ku dhiën ë melik, wok liu në thon de Abener wën ë Ner yic në Bɛ̈nydït nɔm.

2 Tham 4:1

Na wën ke Yiciboceth wën Thaulo piŋ nɔn cïï Abener thou në Ɣebron, go riɔ̈ɔ̈c abï kɔc ke Yithriɛl riɔ̈ɔ̈c kedhie.

1 Mel 2:32

Abï Bɛ̈nydït gäm ariöpdɛn wään nɛ̈k en kɔc piɛthpiɔ̈ɔ̈th kaarou, kɔc wär en. Wäär aa cïï piɔ̈u mit në thon de Abener bɛ̈ny ë rem de tɔŋ de Yithriɛl ku Amatha bɛ̈ny ë rem de tɔŋ de Juda.

1 Mel 2:5

“Ku yïn aŋic yen kë cï ë Jowap wën de Dheruia luöi ɛn, wään nɛ̈k en bäny ke rem de tɔŋ de Yithriɛl, yï Abener wën ë Ner ku Amatha wën ë Jether. Ku nɛ̈k ke në abätäudɛn nu ë yekɔ̈u, ku kɛ̈c ke në war nu ë yecök, abïï ciët kë thär tɔŋ, ku piny aa de mät, ago riɛmden tɔ̈u ke ye aciɛɛn në yeyeth.

Kɛ̈ŋ 26:26

Na ciɛk mände kuöm piny në jam de ruëëny, ke karɛcke abïk ŋoot ke ke nyoothë në amatnɔm yic.

Jeremia 41:2

go Yicmiɛl kekë röör kathiëër ë cath ë yen ëtök abätɛ̈ɛ̈uken wɛ̈ɛ̈th bei ku nɛ̈kkï Gadalia, raan cïï Babilonia tɔ ye bɛ̈ny.

Kuɛ̈n 35:19

Raan cïï ke raande nɔ̈k, acï gäm nɔm lääu bïï raan ë näk raande nɔ̈k, të cï yen ë yök ke nɛ̈k.

Kuɛ̈n 35:20

Ku na cï raan raan yup ku nɛ̈k në luɔi ë jiëp yen e piny, ku nɔn ë biök në këdäŋ,

Nyöŋ 27:24

‘Aciɛɛn de Nhialic abï tɔ̈u ë raan yeth, raan ee kɔc nɔ̈k ë cuëër.’ “Ku abïï kɔc kedhie jɔ bɛ̈ɛ̈r an, ‘Amiin!’