2 Tham 3:25 - JAM DE NHIALIC 2011

²⁵ Yïn ŋic Abener wën ë Ner, aa bɔ̈ bïï yïn bɛ̈n math, ku bïï këriëëcduön ye looi ëbɛ̈n ŋic!”

2 Tham 3:25 ပူးပေါင်းရင်းမြစ်များ

Cäk 42:12

Go Jothep ŋak, lëk keek an, “Ei, wek ee nëëm, wek aa bɔ̈ bäk wunda bɛ̈n caathic në të kɔ̈c.”

Cäk 42:16

Raan tök në weyiic abï lɔ, le bɛ̈ɛ̈i. Ku wek bï döŋ ke we mac, abï jamdun kɔn tïŋ na ee yic. Ku na cie yen, ke në pïïr ë melikic ëbɛ̈n, wek bï jɔ ya nëëm ë yic.”

Cäk 42:9

Ago Jothep nɔm tak në nyuöthdɛn wään nyuöth en në biäk ë mïthëkɔcken. Go lɛ̈k keek an, “Wek ee nëëm, wek aa bɔ̈ bäk wunda bɛ̈n caath në të cïn riɛl.

2 Tham 10:3

go bäny ke kɔc Ammon lɛ̈k Ɣanun melikden an, “Ye tak nɔn kɔɔr ë Debid bï wuur dhuëëŋ guöp në biäk cïï yen kɔc tuööc bïk yïn bɛ̈n duut piɔ̈u? Acie yen! Aa tuuc ë Debid keek në biäk bï kek wundu bɛ̈n gɔɔk apiɛth ku bïk dɔm!”

2 Tham 3:24

Go Jowap lɔ tëde melik ku lëk yen an, “Eeŋö cï looi? Abener acï bɛ̈n tëde yïn, ku eeŋö pɛ̈l yïn yen ajël.

2 Tham 3:26

Na wën aacï Jowap Debid nyääŋ piny, go kɔc tuɔɔc në Abener cök, ku jɔkï dɔ̈k nɔm ciëën ke cï ɣet në yinh ee Thira, ku Debid akuc kë cï rɔt looi.

2 Tham 3:27

Na wën aacï Abener ɣëët Ɣebron, ke jɔ Jowap këde thɛl të lɔ agäu thok, ku jɔ rɔt looi cï raan de jam kɔɔr bïï lɛ̈k Abener në kɛm ken kaarou, go Jowap Abener guɔ gutic në tɔŋ, ku jɔ Abener guɔ thou. Go Jowap Abener nɔ̈k guur mänhë, në baŋ yen Abener yen ë näk Athaɣel mänhë Jowap.

2 Mel 18:32

aɣet të bï melik de Athiriya we lɛɛr piny kït aläl kekë pinydun, piny bï yic de duum ke enap bï ke mɔ̈u aa looi, ku duum ke rap ago kuïn aa thaal, ee piny de tiim ke olip, ago miök de olip aa looi, ku miök de kiëc. Na lak kë cï yen we yɔ̈ɔ̈k looi, we cï bï thou, ku we bï pïïr. Duökï röt tɔ mɛth ë Ɣedhekia an bï Bɛ̈nydït we luök.

Diɛt 121:8

Abï yïn gël të le yïn ku të bï yïn, ënɔɔnë ku aɣet athɛɛr.

Yith 37:28

“Ku Yɛn ŋic kë cath ke yïn ëbɛ̈n, kë loi ku të le yïn, ku kë tɔ yï miɔ̈l ke yï bɛ̈k Ɛn.

Kuɛ̈n 27:17

Raan bï keek aa wat tɔŋ, ku wɛt keek ciëën tɔŋ. Ke akutnɔm de kɔckun ë cï bï cït thök cïn nïïm tïït.

Jɔn 7:12

Ŋun cïï kɔc ŋun në këde acï dït ë kɔc yiic: alueel kɔc kɔ̈k an, “Ee raan piɛth, go kɔc kɔ̈k lueel an, Acie yen, ee kɔc math tei.”

Jɔn 7:47

Go Parithai pɔ̈k nïïm keek an, “Cï we math ayadäŋ?

Romai 2:1

Yen ënɔɔnë, yïn ŋadï, yïn raan jäny raan däŋ, yïn cïn të bï yïn rɔt kɔ̈c, jäny jiëëny yïn raan däŋ, yen a jiëëny yïn rɔt, yïn raan jäny raan däŋ, yïn ee käŋ looi kamankë gup.

Nyöŋ 28:6

“Bɛ̈nydït abï këriëëc yak looi ëbɛ̈n thieei.