2 Tham 3:14 - JAM DE NHIALIC 2011

¹⁴ Go Debid tuc tuɔɔc tëde wën ë Thaulo Yiciboceth lueel an, “Gämë yɛn tiiŋdï Mical. Acï ciën yɛn, ka yɛn cï bɔt de Pilithiin nɔ̈k ke bïï yiɛ̈n yɛn.”

2 Tham 3:14 ပူးပေါင်းရင်းမြစ်များ

2 Tham 2:10

Ku Yiciboceth wën ë Thaulo aaye run thiërŋuan ɣɔn dɔm en bääny ke ye melik de Yithriɛl, go bääny muk ë run kaarou. Ku dhiën de Juda aake ye kɔc ke Debid.

2 Tham 3:15

Ago Yiciboceth kɔc tooc bïk Mical lɔ bɛ̈ɛ̈i bei ë monyde nɔm, Paltiɛl wën de Laic.

2 Tham 6:16

Na wën aa lɔ athänduŋ de mät ɣet Pänydït de Debid, go nyan ë Thaulo Mical biic lieec ë awëërnyin go melik Debid tïŋ ke cɔ̈ŋ ke ye kɛɛc nhial në Bɛ̈nydït lɔ̈ɔ̈m, go piɔ̈u rac ke yen.

Math 1:18

Dhiënh ë dhiëëthë Yecu Kërtho kï: Thiëŋ de Meri man acï kɔn lueel kekë Jothep, na wën, aŋootkï ke ke kën guɔ rëër ëtök, ke yök ade yic meth në këde Wëidït ɣer.

1 Tham 18:25

ke lëk ë Thaulo keek an, “Lak lɛ̈kkï Debid an, “Melik acïn thiëŋdɛn kɔɔr tëde yïn, ee dɛ̈l ë cuɛ̈l de Pilithiin cï thou, kek akɔɔr ke ye guur guur en rɔt në kɔc ke aterde.” (Kënë acïï Thaulo kiëët kɔɔr en nɔn bïï yen Pilithiin tɔ näk Debid.)

1 Tham 18:27

Ago Debid lɔ tɔŋ kekë kɔcke, gokï bot kaarou ke kɔc ke Pilithiin lɔ nɔ̈k, ku bïïkï dël ë cueel ë ke kedhie. Go Debid ke yiɛ̈n Thaulo ke bï aa mony ë nyan ë Thaulo. Go Thaulo Debid gäm Mical nyande tɔ ye tik.

1 Tham 25:44

Ku Thaulo aacï nyande Mical tiiŋ de Debid gäm Palti wën de Laic, raan wun ë Galim.