2 Tham 24:7 - JAM DE NHIALIC 2011

⁷ Gokï lɔ wun cï gël de Tayer, ku lekï ë wuöt yiic kedhie, wuöt ke kɔc ke Ɣib, ku kɔc ke Kanaan. Na wën, ke ke jɔ ɣet Biirceba wun nu të lɔ wöuwic de Juda.

2 Tham 24:7 ပူးပေါင်းရင်းမြစ်များ

2 Tham 24:2

Go Debid Jowap bɛ̈ny ë rem de tɔŋ yɔ̈ɔ̈k an, “Lɔ ë dhiëën ke Yithriɛl yiic kedhie, gɔl në Dan lee Biirceba, ku kuen kɔc kedhie. Aguɔ kuën de kɔc ŋic.”

2 Tham 24:8

Na wën aa cïk pɛ̈i kadhoŋuan ku nïn kathiërrou thöl, ku cïk tëëk ë baai yic ëbɛ̈n, ke ke jɔ kenïïm dak Jeruthalem.

Dhek 9:3

Tayer acï rɔt yiëk ɣään ril, ku acï adhɛ̈p thɔɔc nïïm ayï ateek, ka acïk ciët abuui.

Jocua 11:3

Ku tɔ thok lɔ tëde kɔc ke Kanaan nu të lɔ aköl amiäk ku të lɔ aköl athɛ̈i ayadäŋ, kɔc nu në Jordan lɔŋë, ayï lɔŋ däŋë, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Jebuth nu piny ë kuur, ayï kɔc ke Ɣib, kɔc rɛ̈ɛ̈r në kuur ë Ɣermon thar në piny ë Midhepa.

Jocua 19:28

ku Ebron, ku Reɣop, ku Ɣamon, ku Kana agut cï Thidon.

Jocua 19:29

Ku jɔ akeu rɔt puɔ̈k Rama abï ɣet Tayer wun dïït cï gël aril, ku puk rɔt Ɣotha ale guut në Wɛ̈ɛ̈rdïït ɣer. Acï Maɣala mat thïn ayï Akedhip,

Jocua 9:1

Na ɣɔn, aa lɔ meliik ee kënë piŋ kedhie, meliik nu në wɛ̈ɛ̈r de Jordan kɔ̈u në wuöt ke piny ë kuur, ku meliik nu në kur ke wakic yiic, në Wɛ̈ɛ̈rdïït ɣer yɔu alɔ guut Lebanɔn. Meliik ke kɔc ke Ɣit kekë kɔc ke Amor, ku Kanaan, ku Peridh, ku Ɣib, ku Jebuth.

Jocua 9:7

Ago kɔc ke Yithriɛl lɛ̈k kɔc ke Ɣib an, “Eeŋö tɔ wo loi mät në week? Buk ŋic adï na jakï guɔ aa kɔc rëër në wolɔ̈m tëthiɔ̈k?

Bäny 3:3

Juöör ɣɔn cï nyääŋ piny ee wuöt kadhïc ke kɔc ke Pilithiin, kɔc ke Kanaan kedhie, kɔc ke Thidon, ku kɔc ke Ɣib rɛ̈ɛ̈r në kur ke Lebanɔn, gɔl në kuur dïït ë Baal Ɣermon ɣeet në kueer ee lɔ Ɣamath,