2 Tham 24:17 - JAM DE NHIALIC 2011

¹⁷ Na wën aa tïŋ Debid tunynhial wën näk kɔc, go lɛ̈k Bɛ̈nydït an, “Ee yɛn ë loi kërac. Ee yɛn cï awäc looi. Eeŋö cïï ë kɔc kuany nyïïnkë looi? Yïn duëër ya luöi këtuc wokë kɔc ke dhiëndï.”

2 Tham 24:17 ပူးပေါင်းရင်းမြစ်များ

Cäk 18:23

Ago Abraɣam rɔt cuöt Bɛ̈nydït, ku lueel an, “Ë yic bä kɔc cïn gup awɛ̈ɛ̈c riɔ̈ɔ̈k në kɔc de gup awɛ̈ɛ̈c ëtök?

Cäk 44:33

Ku ënɔɔnë bɛ̈ny, yɛn bï lɔ̈ɔ̈k döŋ në nyin ë methic eenë ke ya ye lïmdu. Ku tɔ meth puk enɔm ke mïthëkɔcken.

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Tham 24:10

Na wën cï Debid kɔc thöl ë kuën, go jam de piɔ̈u ye nuaan, ago lɛ̈k Bɛ̈nydït an, “Yɛn cï kërac aläl looi. Yïn läŋ päl ë yɛn awänydï. Acä looi në dhɔ̈ɔ̈n.”

2 Tham 7:8

“Ka lɛ̈kë awundiën Debid an, Yɛn Bɛ̈nydït de rɛm. ‘Yïn cä jɔt ë tiët de thök yiic, ke yï bï aa bɛ̈ny nu ë kɔckiën ke Yithriɛl nïïm.

1 Mel 22:17

Go Mikaya bɛ̈ɛ̈r an, “Yɛn woi rem de tɔŋ de Yithriɛl ë thiëi ë kur nïïm cï thök cïn raan tit keek. Go Bɛ̈nydït lueel an, ‘Kɔckë acïnkï nïïm bɛ̈ny wat ke, në raan ëbɛ̈n ë lɔ baaide në mät.”’

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Jop 7:20

Ee kënou cä wööc, kë cä looi, kë cän Yïn riɔ̈ɔ̈k piɔ̈u, Yïn Raan ee kɔc döt gup? Eeŋö tɔ Yïn ɛn e këduön jɔ kɔɔr guöp? Eeŋö jan rɔt tɔ ye kë thieek dït ɣääcë?

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Diɛt 44:11

Yïn cï wo tɔ temë röt cït man ë thök, ku thiäi ë wo piny në juööriic.

Diɛt 74:1

Nhialic, eeŋö nyiëëŋ Yïn wo piny aya? Bä ya gɔ̈th wekë kɔcku aɣet athɛɛr?

Diɛt 78:71

Të ee yen lunyde tiit, ku tɔ ye melik de Yithriɛl, raan ee kɔc ke Nhialic tiit.

Bɛ̈n 10:16

Na wën, ke melik ë dap Mothe tɔ cɔl kekë Aron, ku lëk keek an, “Yɛn ë Bɛ̈nydït Nhialicdun luöi kërac, ku luöi week kërac aya.

Yith 6:5

Aguɔ lueel an, “Acïn aŋäth tɔ̈u ke yɛn! Amawoou në yɛn! Në luɔi ye wël rac bɛ̈n bei në yethok, ku yɛn rɛ̈ɛ̈r wokë kɔc ee wël rac bɛ̈ɛ̈i bei në kethook. Ku yɛn cï Melik, Bɛ̈nydït de rɛm tïŋ në yanyin.”

Jona 1:12

Go puɔ̈k nɔm keek an, “Cuatkï ya wïïr ke amaŋ ë bï kɔ̈ɔ̈c. Ee këdï yen aa tɔ week yök ee amaŋ rɛɛcë.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Kuɛ̈n 16:22

Go Mothe yenɔm guöt piny kekë Aron lɛ̈ŋkï luelkï an, “Acie yen Nhialic, yïn aye Nhialic de pïïr de këriëëc ëbɛ̈n. Bä akutnɔm dïït ë kɔc nɔ̈k në baŋ de kërɛɛc ë raan tök?