2 Tham 24:13 - JAM DE NHIALIC 2011

¹³ Na wën ke Gad jɔ lɔ tëde Debid ku lɛ̈k en an, “Ee kënou yen bä dɔm? Cɔŋ de run kadiäk tëde yïn wekë pinydun? Ku nɔn bï kɔc ke aterdun week cop në pɛ̈i kadiäk? Ku nɔn ee jɔŋ tuc thok bï we nɔ̈k ë nïn kadiäk pinydun? Tak ee kënë yic apiɛth. Ku jɔ tök meek ee kake yiic, kë bä lɔ lɛ̈k Bɛ̈nydït.”

2 Tham 24:13 ပူးပေါင်းရင်းမြစ်များ

2 Tham 21:1

Ɣɔn ye Debid melik, cɔŋdït acï bɛ̈n tuöl, abïï run kadiäk lɛɛr. Go Debid Bɛ̈nydït lɔ̈ŋ. Go ë Bɛ̈nydït lɔ̈ŋde piŋ, ku puk nɔm en an, “Thaulo kekë dhiënde adekï gup aciɛɛn, në biäk cï kek kɔc ke Gibiɔn nɔ̈k.”

2 Tham 24:12

“Lɔ lɛ̈kë Debid an, ‘yïn cä gäm käŋ kadiäk, nöm tök ë keyiic ku abä luöi yïn.”

2 Mel 8:1

Na wën ke Elica ë yöök tiiŋ wun ë Cunem tiiŋ ɣɔn cïï yen wënde tɔ pïïr an bïï jäl kekë baaidu lek wun däŋ, në luɔi bïï Bɛ̈nydït cɔk tuööc ee pinyë, ku abï tɔ̈u në run kadhorou

1 Lëk 21:12

Run kadiäk ke cɔk? Ku nɔn ee pɛ̈i kadiäk, bïï kɔc ke riŋ ë rem de tɔŋ de kɔckuön ke ater? Ku nɔn ee nïn kadiäk bï Bɛ̈nydït kɔc riɔ̈ɔ̈k, bïï we mak në abätäude, ku tuc we jɔɔk ee kɔc thöl pinydun, ku tunynhial ë Bɛ̈nydït abï thuɔɔu bɛ̈ɛ̈i piny de Yithriɛl ëbɛ̈n, ee thoŋ ou yen bä pɔ̈k nɔm Bɛ̈nydït bä lɔ lɛ̈k en?”

Diɛt 91:6

ku nɔn ee jɔɔk tuc ee bɛ̈n ë mɔ̈ɔ̈thic, ayï jɔɔk ee näk aköl.

Bɛ̈n 7:25

Na ɣɔn aacï nïn aa dhorou, nïn ë yup ë Bɛ̈nydït Kiir,

Edhekiɛl 14:13

“Mɛnh ë raan, na cï wut awäc looi ku acïn adöt tëde yɛn, yɛn bï yaciin riɛny biic ku riääk kakɛn ee ke yiɛ̈n kacaam. Abä keek tuöc cɔk, ku näk kɔc ku ɣök aya.

Lebai 26:20

Riɛldun abï thök baaŋ në biäk cïï pinydun bï luɔk në rap, ayï tiim aya acïkï bï luɔk në mïth.

Lebai 26:25

Yɛn bï week tɔ näk abätäu, bä yɛn ke luɔi cä wek mändï dhoŋ kɔ̈u guöör. Të la wek lɔ ciëën ë pɛ̈ɛ̈nydïtkun yiic, yɛn bï jɔɔk tuc thook tuöc week, ka we bï röt gäm kɔc dɛ wek ater.

Luk 4:25

Ku wek lɛ̈k yic an, Diëër abɛɛr juëc aake nu paan ë Yithriɛl ɣɔn nu Elija, ɣɔn cï tënhial thiöök ë run kadiäk ku pɛ̈i kadhetem, ku nu cɔŋ dït ë piny nɔm ëbɛ̈n.

Nyöŋ 28:22

Bɛ̈nydït abï we tuöc jɔɔk ee kɔc nɔɔl, ku bɔ̈ɔ̈t, ku atuöc, abï week tuöc cɔk, ku kupiɔ̈r tuc bï rɛɛpkun riɔ̈ɔ̈k. Yen ee riääkkë abï tɔ̈u ke week aɣët të bä wek thou.

Nyöŋ 28:25

“Bɛ̈nydït abï kɔc ke aterdun tɔ tiam week. Abäk keek mak në tuuŋ tök, ku wek bï aa kat në keek në tuŋ thook kedhie, ku kɔc ke piny nɔm kedhie, abïk riɔ̈ɔ̈c arëët të tïŋ kek kë cï tuöl tëde week.

Nyöŋ 28:27

Bɛ̈nydït abï jɔŋ ee kɔc tɔ toŋ gup tuöc week, cït man cï Yen ë luöi kɔc ke Rip. Abï tëtöök tɔ tuc ë wegup. We bï gup thiäŋ në piär, ku we bïï kuuk gup, ku abï ciën kë bï we tɔ waar.

Nyöŋ 28:35

Bɛ̈nydït abï week kum cök në tëtöök cie dem, poor abï we thiɔ̈ɔ̈ŋ gup, gɔl në wenïïm alee guut ë wecök.

Nyöŋ 28:52

Abïk wuöt ëbɛ̈n mak, wuöt nu ë piny gëmë Bɛ̈nydït Nhialicdun weekë, ku kɛ̈ldït bär cï gël, kɛ̈l yak keek ŋɔ̈ɔ̈th abïk wïïk.

1 Tham 25:17

Yen tëde ka ënɔɔnë takkic apiɛth ku tïŋ kë bä looi, në biäk cïï riääk thiök kekë bɛ̈nyda, ku paande ëbɛ̈n. Ee raan rac aläl ku acïn raan duëër en jam de piŋ!”