2 Tham 23:5 - JAM DE NHIALIC 2011

⁵ Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

2 Tham 23:5 ပူးပေါင်းရင်းမြစ်များ

Cäk 9:16

Ku të cï mïït tïc në luätic, abä woi ke Yɛn bï a nɔm aa tak në män nu në kaam de Nhialic kekë këriëëc nu në piny nɔm ëbɛ̈n.

2 Tham 12:10

Ënɔɔnë abätäu acï bï jäl baaidu, në biäk cï yïn ya biɔɔn guöp, në rɛm yiic ëbɛ̈n abï dɛ raan ë käudu bï aa thou në thon akuöörkuöör, në biäk kën yïn Yɛn riëëu, ku nöm tiiŋ de Yuria.

2 Tham 13:14

Go Amnon jaai ku cïï jamde piŋ. Ku në luɔi ril yen awär en në riɛl, go dam piny në riɛl ku wïït.

2 Tham 13:28

Na wën ke Abthalom ë yɔ̈ɔ̈k lïïmke an, “Woikï Amnon na cï miɔ̈l ë mɔ̈u, abä lɛ̈k week luɔi bä wek Ammon nɔ̈k. Duökï riɔ̈c. Ee yɛn ë luel en guöpdï. Riɛtkï röt ku duökï piɔ̈ɔ̈th cɔ̈m!”

2 Tham 18:14

Go Jowap lueel an, “Yɛn cïï rɔt bï gɔ̈ɔ̈u ë jam wokë yïn! Go tɔɔŋ nööm kadiäk ku lee Abthalom thɔ̈ɔ̈r piɔ̈u, ke ŋoot ke pïïr ku anɔ̈ɔ̈k në tim de ɣok nɔm.

2 Tham 7:12

Të lee yïn thou ku biɔth kuarkun cök. Yɛn bï mɛnh tök ë mïthku yiic tɔ ye melik ë nyindu yic, ku Yɛn bï ciɛɛŋde tɔ ril.

2 Tham 7:18

Na wën ke melik Debid ë lɔ në paany de Bɛ̈nydïtic, go nyuc ku lɛ̈ŋ an, “Bɛ̈nydït Nhialic, Yɛn ya ŋa! Ku dhiëndï eeŋa? Eeŋö bïï yïn yɛn ee tënë?

1 Mel 1:5

Në aköölkë yiic wën ë Debid Adonija ku man acɔl Ɣagith yen aaye wëndït, acï dhel ë yepiɔ̈u luɔi bï yen rɔt tɔ ye melik në dhiɔɔp ë wun yic. Go rɔt yiɛ̈n abëël ë tɔŋ, ku jöŋgöör, ku kɔc kathiërdhïc ee riŋ ë yenɔm tueŋ.

1 Mel 11:38

Na lɔ jam cä lɛ̈k yïn riëëu, ku të le yïn cath ë kuɛɛrkï yiic, ku loi yic në yanɔm bä lööŋkï döt kekë wëëtdï cït man cï Debid awundï ye looi, ke Yɛn bï tɔ̈u wo yïn, ku yɛn bï raan töŋ de dhiëndu tɔ ye melik ë caŋɣɔn në Yithriɛl, cït man cän raan töŋ de dhiën ë Debid aa melik ë caŋɣɔn ë Juda, ku kɔc ke Yithriɛl abä ke gäm yïn.

1 Mel 12:14

cït man cïï wɛ̈ɛ̈t dhuök e lɛ̈k en lueel, an, “Wäär acï we yiëk yiëth kathiek, ku abä ke jɔ tɔ thiek aläl awär ee kënë. Aa dui we në waat, ku we bä dui në wan ë Jöŋgöör!”

Diɛt 111:9

Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

Diɛt 119:81

Yɛn cï bäp Bɛ̈nydït, ke ya kɔɔr kuɔɔnydu, Yɛn ŋäth jamdu.

Diɛt 27:4

Ee tök yen aa liɛm tëde Bɛ̈nydït, ee tök tei yen akaar: ee luɔi bän rëër ë Luaŋdït yic, në akööl ke pïïrdï yic ëbɛ̈n, bä kake piathde aa woi ëtɛ̈ɛ̈n, ku bä luɔi bï yen a wat aa kɔɔr.

Diɛt 62:2

Yen Yetök, Yen aye kuurdï ku Ye konydï, ee tëdiën ë riɛl, ee ya gël, yɛn cïï duëërë tiaam.

Diɛt 89:3

Acï lueel an, “Yɛn cï mät looi wokë Debid raan cä lɔc, ku yɛn cï gutguut looi në luöi bän piɔ̈u piath wokë yen.

Yith 11:1

Acït man ye tim cï yep lɔ̈ɔ̈k nyok, yen acït mei de Jethe abï käude rɔt jɔt, ka melik cï piac dɔm abï bɛ̈n bei në käu de Debidic.

Yith 27:6

Në akööl bɔ̈ kɔc ke Yithriɛl, kuat ë Jakop abïk mei nööm cït man ë tim, ku abïk nyok ku mockï gaak. Piny nɔm abï thiɔ̈ɔ̈ŋ në mïth bïk keek bɛ̈ɛ̈i.

Yith 4:2

Ade kööl bɔ̈, kööl bï Bɛ̈nydït tiim ee luɔk ë mïth piath ëbɛ̈n piny thiɔ̈ɔ̈ŋ tëdïït lääu, ku bïk yïth piath. Kɔc ke Yithriɛl cï döŋ apïr kedhie, abïk piɔ̈ɔ̈th miɛt ku yek kepiɔ̈ɔ̈th biɔ̈ɔ̈k në kɔ̈thiic kɔ̈th cï luɔk pinyden.

Yith 54:10

Kur dït ku kur kor aduëërkï kuɛm, ku nhiëërdiën agɔk acïï bï kɔn jäl tëde we, Yɛn bï gutguutdiën de mät muk aɣet athɛɛr.” Yen kë lueel ë Bɛ̈nydït nhiaar week ka.

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 61:8

Aye Bɛ̈nydït lueel an, “Yɛn nhiaar yic ku maan yaaŋ ku luɔi de karɛc. Yɛn bï kɔckï thieei në piɔ̈n piɛth ku luɔi män bï tɔ̈u athɛɛr wo keek.

Yith 7:14

Apiɛth tei, Nhialic guöpde, abï yï nyuöth kë bï yïn en ŋic: Nyan dhuec abï mɛwä dhiëëth ku abïï cäk an, Emanwɛl, të lueelë yen në thoŋda, ee “Nhialic atɔ̈u ke wook.”

Jeremia 32:40

Ku Yɛn bï löŋ cï mac athɛɛr looi wo keek. Yɛn bï luɔi piɛth aa luöi keek ëceŋ, ku abä keek tɔ rïïu Yɛn në kepiɔ̈ɔ̈th ëbɛ̈n, agokï röt cïï be wɛl wei në yanɔm.

Jeremia 33:21

Ku yen acït luöi cän löŋ mac wo awundï Debid, nɔn bï yen nɔm aa dɛ kuatdɛn töŋ bï aa melik ë ceŋ, ku Yɛn cï löŋ mac wökë bäny ke kakë Nhialic de dhiën ë Lebi, nɔn bï kek Yɛn aa luööi ë ceŋ, ku kek ee lööŋ cï macë acïï ke duëërë dhoŋ kɔ̈ɔ̈th.

Edhekiɛl 37:26

Yɛn bï dɛk mät we keek män bï aa këërkëër de riëër piɛth aɣet athɛɛr. Abä ke thieei, ku ŋuak kuënden nyin, ku yɛn bï tëdiën ɣeric yïk ë keyiic, të bïï yen tɔ̈u thïn aɣet athɛɛr.

Amoth 9:11

Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.

Luɔi 13:34

Ku në këde jön cï en e jat nhial ë kɔc cï thou yiic, ku cïï enɔm bï bɛ dhuöny ë dhiapic, ke lueel alë an, ‘Yïn bä miɔɔc ë ɣɛɛrë yic ku athiɛɛi de Debid agɔk.’

Ɣeberuu 13:20

Thieithieei Nhialiny de mät cï Bɛ̈nydan Yecu jat nhial në kɔc cï thouwiic. Ku Yecu acï ya tïndïït ë thök, ku riɛmde yen aa looiyë löŋ cï mac athɛɛr në biäk ë thökke. Yɛn läŋ Nhialic bï week miɔɔc në kapiɛth kaarkï, bï këde piɔ̈nde looi apiɛth ëbɛ̈n, ago Yecu wo kuɔny bï këmit ë Nhialic piɔ̈u tɔ loi në woyiic. Ëdhuëëŋ ëye tɔ̈u kekë Yecu Kërtho aɣet athɛɛr ya Amiin.

Ɣeberuu 6:19

Wok de nïïm aŋäth dït cï mac piny cïn kë lëu en në wuök tëde, në biäk de këde pïïrda, aŋäth ŋicku ëgɔk bï wo tɛ̈ɛ̈k në gëlgël ë luaŋdït ë paannhial, ku ɣeet wook tëɣeric ëwic wär këriëëc.

1 Tham 2:35

Yɛn bï bɛ̈ny de kake Nhialic adöt lɔc, raan bï këde Yapiɔ̈u looi. Abä gäm mïth juëc, ku abï A luööi ëceŋ të tɔ̈u melikdiën cä lɔc thïn.

1 Tham 25:28

Yïn liɛm bä lïmdu päl awäc, ku Bɛ̈nydït abï thöny ë bɛ̈nydï tɔ kääc aril, në luɔi thɛ̈ɛ̈r en tɔŋ de Bɛ̈nydït, ku acïn kërɛɛc bïï yök në luɔɔidu yic në akööl pïïr yïn.