2 Tham 23:3 - JAM DE NHIALIC 2011

³ Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

2 Tham 23:3 ပူးပေါင်းရင်းမြစ်များ

Cäk 33:20

Ku yïk yïk ëtɛ̈ɛ̈n, ku ciëk an El, Nhialic de Yithriɛl.

2 Tham 22:32

Bɛ̈nydït Yetök En ee Nhialic, ku Nhialic Yetök Yen ee wo gël.

2 Tham 8:15

Debid aaye melik paan ë Yithriɛl ëbɛ̈n, ku aa ye këpiɛth yic looi në kɔc piɔ̈ɔ̈th kedhie.

1 Mel 10:9

Thieithieei ë Bɛ̈nydït Nhialicdu! Bɛ̈nydït amit piɔ̈u ke yïn, abï yï nyuööc ë thööny de Yithriɛl nɔm. Në luɔi nhiɛɛr ë Bɛ̈nydït Yithriɛl aɣet athɛɛr, yen a tɔ En yïn ee melik, ago löŋ aa guiir në piathëpiɔ̈u ku yic.”

Neɣe 5:14

Ɣɔn në ee runkë yiic kathiëër ku rou, täu ɛn ke ya ye bɛ̈ny mɛc piny de Juda, në ruöön ɣɔn ye Ateradath run thiërrou në bäänyic ke ye Melik, agut cï ɣɔn ɣeet ë runke në thiërdiäk ku rou në bäänyic, yɛn ku kɔc rɛɛn wok, acïn raan de kë cï cam, në ka dɛ yɛn ke nɔm yic duɛ̈ɛ̈r ɛn cam ke ya ye bɛ̈ny.

Jop 34:17

ye Nhialic adöt yiëk yeth gääk? Ye tak mɛɛn yicde raan däŋ?

Diɛt 110:2

Ku Bɛ̈nydït abï thienydɛn de bääny tuööc ë Dhiɔn. Acï lueel an, “Ceŋ kɔckuön ke aterdu.”

Diɛt 42:9

Aya lɛ̈k Nhialic kuurdï an, “Eeŋö mɛ̈ɛ̈r Yïn nɔm në yɛn? Eeŋö duɛ̈ɛ̈r ɛn cath ke ya dhiau, ku yɔŋ ɛn në kɔc ke ater?”

Diɛt 72:1

Gämë melik yicdu Nhialic, ku gämë piathëpiɔ̈ndu wënduön bɛ̈ny.

Diɛt 72:2

Ago kɔcku muk në piathëpiɔ̈u ku muk kɔc yɔŋ keek në yic.

Bɛ̈n 18:21

Ku däŋ nu aya, ee luɔi bï yïn kɔc lëu luɔɔi kuany. Ku tɔ keek ee bäny: bäny ke aguum ke kɔc, ku bäny ke bot, ku bäny ke thiërdhïc, ku bäny ke thiëër. Ke ke ye kɔc ee Nhialic riëëu, kɔc cï gam, ku cïkï kumthok bï ya nööm.

Bɛ̈n 20:2

“Ee Yɛn Bɛ̈nydït Nhialicdun, Nhialic ɣɔn bïï we bei Paan ë Rip, të ɣɔn lïïmë week thïn.

Bɛ̈n 3:15

lɛ̈kë kɔc ke Yithriɛl an, Ee Bɛ̈nydït Nhialic de kuarkun, Nhialic de Abraɣam kekë Yithaak, ku Jakop yen ë tuc ɛn week. Kek rinkï ka anandï, rin bï rɛm Ya aa cɔɔl në rɛm bɔ̈ ciëënë yiic ëbɛ̈n.

Kɛ̈ŋ 31:9

Jamë ku ye löŋ de raan ëbɛ̈n ŋiëc guiir, ku gël yiny de kɔc dɛk käŋ.”

Yith 32:1

Në akööl bï bɛ̈n ade melik bï bääny muk në piathëpiɔ̈u, ku bäny ke baai abïk baai mac në yic.

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Ɣeberuu 1:8

Ku acï Nhialic lueel në biäk de Wënde an, “Yïn ee Nhialic, Yïn bï rëër ë thöönydu nɔm ke Yï ye melik aɣet athɛɛr! Yïn bï kɔcku cieŋ në löŋ yic.