2 Tham 22:44 - JAM DE NHIALIC 2011

⁴⁴ Yïn cï yɛn kony në kɔckiën cï yɛn rɛɛc, ku muɔ̈k bääny në juöör nïïm, kɔc ë kuöc keek acïk ɛn aa luööi.

2 Tham 22:44 ပူးပေါင်းရင်းမြစ်များ

2 Tham 19:14

Wël ke Debid acïk kɔc ke Juda tɔ mit piɔ̈ɔ̈th kedhie, agokï tuöc thok, në biäk bï yen lɔ bɛ̈n ciëën kekë bänyke kedhie.

2 Tham 19:9

Kɔc aake göth ë kapäc ë dhiëën ke Yithriɛl yiic ëbɛ̈n an, “Melik Debid acï wook luök në kɔc ke aterda, acï wo kony në kɔc ke Pilithiin, ku ënɔɔnë ë kat në Abthalom, ku nyiëëŋ baai piny.

2 Tham 20:22

Na wën ke tik ë lɔ të de kɔc ke wut në pɛlënɔmde, gokï Ceba wën ë Bikiri tɛ̈ɛ̈m nɔm bei ku cuɛtë ë kal kɔ̈u biic të tɔ̈u ë Jowap. Go Jowap kaaŋ kooth, ku jɔ rem de tɔŋ wut nyääŋ piny, gokï jäl kedhie lekï ë bɛ̈iken yiic. Go Jowap rɔt puɔ̈k Jeruthalem tëde melik.

2 Tham 3:1

Ku tɔɔŋ dït acïk röt bɛ̈n looi në kaam de kɔc kony dhiën ë Thaulo ku kɔc kony Debid. Ku wään jɔ Debid lɔ ke ŋuak riɛlde nyin, yen aa le ë dhiën de Thaulo lɔ ke jɔ kɔ̈c aläl.

2 Tham 5:1

Na wën ke dhiëën ke Yithriɛl lɔ tëde Debid në Ɣebron ku lëkkï yen an, “Tïŋ wok ee kɔc ke dhiëndu.

Diɛt 110:6

Abï löŋ de juöör ke pinynɔm guiir, ku thiëëŋ pinyden në gup ke kɔc cï thou, abï meliik nu ë pinynɔm ëbɛ̈n tiaam.

Diɛt 18:43

Yïn ee ya luäk bei në kɔc rac cin ku tɔ yɛn ee bɛ̈ny de juöör, ka kɔc kuöc keek aluuikï yɛn.

Diɛt 2:8

Thiëc Ɛn, ku yïn bä gäm juöör ëbɛ̈n, ku piny thar ëbɛ̈n abï aa këdu.

Yith 55:4

Acä looi ke ye bɛ̈ny, ku ye bɛ̈ny tueŋ de juöör, ku në kueerde yɛn cï riɛldï bɛ̈n nyuöth keek.

Yith 55:5

Ënɔɔnë yïn bï juöör ke pinynɔm cɔɔl, aa e kööl ë kuc kek yïn, ku ënɔɔnë abïk aa bɛ̈n ke ke kɔt bïk röt bɛ̈n mät yïn! Yɛn Bɛ̈nydït Nhialicdun, Nhialic Ɣeric de Yithriɛl, yɛn bï ee kënë tɔ loi rɔt ëbɛ̈n, yïn bä gäm dhuëëŋ ku riëëu.”

Yith 60:12

Ku juöör cïï yï bï luööi abïï keek riɔ̈ɔ̈r taitai.

Yith 65:1

Go Bɛ̈nydït lueel an, “Yɛn aa cï rɔt guiir bä lɔ̈ŋ de kɔckï puk nɔm, ku akënkï lɔ̈ŋ. Yɛn aa cï rɔt guiir në biäk bïk a yök, ku akënkï cak bɛ̈n them. Jur akën a lɔ̈ŋ, cakaa nɔn ee Yɛn tɔ̈u ke ya cï rɔt guiir bä këden puk nɔm an, “Yakï, wek bä kony.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Ɣodh 2:23

“Ku Yɛn bï kɔckï tɔ ye kɔc ke nɔmdï, ku nyuööc keek pinyden. Ku nhiaar raan ë cï cɔɔl ɣɔn an, “Yïn kɛ̈n nhiaar. Ku abä lɛ̈k kɔc ë cie cɔɔl ɣɔn an kɔckï an, ‘Wek ee kɔckï.’ Ku abïk puk nɔm an, “Ee Yïn aye Nhialic.

Romai 15:12

Ku be Yithaya luel an, “Abï dɛ meei de Jethe, Ku bï dɛ raan bï rɔt jɔ le Juöör cieŋ, Yen abï Juöör aa ŋɔ̈ɔ̈th.”

Romai 9:25

Acït man cï e lueel në Ɣodhiya an: “Yɛn bï kɔc tɔ ye kɔckï, ‘kɔc ë cie kɔckï wään.’ Ku jur ë cä nhiaar wään, abä tɔ ye ‘kë nhiaar.’

Nyöŋ 28:13

Bɛ̈nydït Nhialicdun abï week tɔ ee bäny ee juöör yiic, wek cïï bï aa kɔc ee kɔc kuany cök, wek bï aa kuɛth e run thook ëbɛ̈n ku cäkkï löny taitai, na lak lööŋkɛn gäm keek week ee köölë kedhie lɔ riëëu ë piɔ̈n adöt.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.