2 Tham 22:24 - JAM DE NHIALIC 2011

²⁴ Aŋic nɔn ciën ɛn awäc në Yenɔm, ku cä rɔt tiit ke cïn kërɛɛc luɔi.

2 Tham 22:24 ပူးပေါင်းရင်းမြစ်များ

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 6:9

Kënë alɛɛŋ ë Nowa. Nowa aaye raan piɛth piɔ̈u arëët. Ku aaye raan töŋ ë cïn guöp awäc në remdenic ëbɛ̈n. Ku aaye kake Nhialic piɔ̈u looi kedhie. Ku ade nɔm mïth kadiäk, yï Cem kekë Ɣam ku Japeth.

Cäk 7:1

Go Bɛ̈nydït lɛ̈k Nowa an, “Lɔ abëlic wekë baaidu, yïn cä tïŋ nɔn yïn raan töŋ piɛth piɔ̈u, raan cï ya luɔi yith në kɔc ke piny nɔmiic ëbɛ̈n.

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Diɛt 17:1

Piŋ lɔ̈ŋdï Bɛ̈nydït yɛn lip yic, gɔk lɔ̈ŋdï yic apiɛth yɛn läŋ kuɔɔny! Piŋ lɔ̈ŋdiën cïn yic ruëëny.

Diɛt 51:6

Tïŋ, Yïn ee yic kɔɔr në raan yäc thïn, ku ënɔɔnë wɛ̈ɛ̈të yɛn në pɛlënɔm ë ya piɔ̈u thïn.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Kɛ̈ŋ 4:23

Kiɛmë yïnɔm piny në kueer yïn tɛk thïn, pïïrdu abï täŋdu ye kiɛm piny.

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

2 Kor 5:11

Yen ka, luɔi ŋic wok riɔ̈ɔ̈c bï kɔc dhil riɔ̈ɔ̈c ë Bɛ̈nydït, ke wo ye kɔc guët nïïm, ku Nhialic aŋic wopiɔ̈ɔ̈th, ku yɛn duëër piɔ̈u miɛt të cä wek wook ŋic piɔ̈ɔ̈th ayadäŋ në jam ë yak yök ë wepiɔ̈ɔ̈th.

Epethiei 1:4

Acït man cï en wo lɔc në Kërthoyic ɣɔn thɛɛr aŋoot piny ke kënë cak, në nhiëër nhiɛɛr en wook. Në luɔi bï wok piɔ̈ɔ̈th ɣɛɛr ku cïn kë bï wo gɔ̈k ë yenɔm.

Kolothai 1:21

Ku week, wek kɔc ɣɔn cï tɔ ye kɔc tei ku yak kɔc de piɔ̈ɔ̈th ater në yen në luɔiduön rac, we cï luöök në yen ënɔɔnë,

Kolothai 1:22

në guöpdɛn ë rïŋ, në thon cï en thou, luɔi bï en we tääu ë yenɔm, ke we ɣeriic ku cïn gääk bï we gɔ̈k, ku cïn jäny bï we jɔ̈ɔ̈ny,

Ɣeberuu 12:1

Cït man cï wok nïïm jɔ dɛ kutdïït ë kɔc cï Nhialic gam, ku acïk wo tuɔɔk cït man ë luäät ke ke woi wopiny. Yok këriëëc ëbɛ̈n kuɛ̈k bei, kak ee wo gɔ̈ɔ̈u ayï karɛc ee tɔ̈u ë nuatnuat ë wocök, ku tɔkï wo wiëëk, yokku ke kuɛ̈k bei. Ku jɔku riŋ ke wo cïï diɛɛr, tëde kë cïï Nhialic tääu ë wonïïm tueŋ.