2 Tham 21:16 - JAM DE NHIALIC 2011

¹⁶ Ago Yicibibenop, wën töŋ de Rapa, amuk tɔŋ de maläŋ ye thiɛkde kilɔɔ kadiäk, ku amuk abätäu cï piac thɔ̈ɔ̈th, aaye lueel an bïï Debid yiɛ̈n nɔ̈k.

2 Tham 21:16 ပူးပေါင်းရင်းမြစ်များ

Cäk 14:5

Ku në ruöön ye run thiëër ku ŋuan, Kedoloma kekë kɔckɛn mät në yen acïk bɛ̈n bɛ̈n në kɔckɛn ke tɔŋ. Agokï jur cɔl Repaim lɔ tiaam në wun cɔl Aceteroth Kanayim, ku tiamkï jur cɔl Dhudhim në wun cɔl Ɣam, ku tiamkï jur cɔl Eemim në riaaŋ ë wun cɔl Kiriathaim,

Cäk 6:4

Ku në aköölkë yiic agut cï kecök ciëën, jööt aake nu në piny nɔm. Ɣɔn cï wɛ̈ɛ̈t ke Nhialic lɔ në diäär, ku dhiëthkï mïth në keek. Ku ee kek aaye kɔc ril ɣɔn thɛɛr, ku aake tiëc rin aläl në kɔciic.

2 Tham 21:18

Na ɣɔn ee kakë cök, go tɔŋ thɔ̈ɔ̈r në kɔc ke Pilithiin në Gop, në ee tɔŋë yic, go Thibekai raan wun ë Ɣuca raan ë Pilithiin cɔl Thap nɔ̈k.

2 Tham 21:20

Ku aade tɔŋ däŋ ë Gath, tëde raandït kɔ̈u nhiaar tɔŋ. Ade riöp kadhetem në ciin tökic, ku riöp kadhetem në cöök tökic, ayek riöp kathiërrou ku ŋuan kedhie.

2 Tham 21:22

Keek kaŋuan aake ye kuat de Rapa wun ë Gath, ku acï Debid ke bɛ̈n nɔ̈k kekë kɔcke.

2 Tham 5:18

Ago Pilithiin bɛ̈n në Wak de Repaim yic ku ɣɛ̈pkï ëtɛ̈ɛ̈n.

Kuɛ̈n 13:22

Ku welkï kenïïm wöuwic abïk ɣet Ɣebron të nu jur cɔl Aɣiman, kekë Cecai ku Talmai, ku keek ayek kuat de jööt cɔl Anak. (Ku Ɣebron yen akɔnë yïk abï run aa dhorou, ku jɔ Dhowan bɛ̈n yïk Rip)

Kuɛ̈n 13:28

Ku töŋ jɔ nu, kɔc de piny arilkï arëët, ku arëërkï në wuöt dit arëët, pɛ̈ɛ̈nydït cï gël apiɛth. Ku ke jɔ rac arëët, ee luɔi cïï wok kuat de jööt cɔl Anak lɔ yök ëtɛ̈ɛ̈n ayadäŋ.

Nyöŋ 1:28

Ee tënou yen bï wok lɔ? Mïthëkɔckuɔ acïk wook tɔ pɛ̈l röt wei? Ayek lueel an, Ril kɔc ku bɛ̈ɛ̈r awärkï wook ku pɛ̈ɛ̈nydïtken adïtkï ku adekï kɛ̈ldït ɣet nhial ya. Ayï kɔc ke Anakim acuk kek tïŋ ëtɛ̈ɛ̈n.

Nyöŋ 2:10

(Ku kɔc ke Eemim cëŋ ëtɛ̈ɛ̈n ye kɔc ril ku juëckï arëët, ku abɛ̈ɛ̈rkï cït Anakim.

Nyöŋ 2:11

Acïtkï Anakim acɔl keek Repaim ayadäŋ, ku aye kɔc ke Mowap keek tɔ ye Eemim.

Nyöŋ 2:21

Ku ayek kɔc ril ku juëckï arëët, ku abɛ̈ɛ̈rkï cït man ë kɔc ke Anakim. Go Bɛ̈nydït keek riɔ̈ɔ̈r nyïïn liŋliŋ. Go kɔc ke Ammon pinyden nööm ku ɣɛ̈pkï thïn.

Nyöŋ 3:11

(Og melik de Bacan, ee yen ee raan töŋ ë dɔ̈ŋ ë kɔc ke Repaimiic, acï looi ë kuur, Ku raŋde acï looi në kuur ye bɛ̈ɛ̈rde yen kɔ̈u mitïïr kaŋuan, ku päu de yenyic ee mitïïr kaarou, cït tɔ̈u de athëm cï gam. Ku aŋoot ke täu ë Rabba pänydïït de kɔc ke Ammon ënɔɔnë.)

Nyöŋ 9:2

Ku kɔc gupken abɛ̈ɛ̈rkï ku rilkï, ayek wɛ̈ɛ̈t ke Anakim, ku acäk piŋ, ke luel an, acïn raan duëër kɔ̈ɔ̈c ë kenïïm ë tɔŋ.

Jocua 11:22

Acïn raan töŋ de Anakim cï bɛ̈n döŋ piny de Yithriɛl. Ee kɔc liiakäŋ tei kek ë cï döŋ Gadha, ku dɔ̈ŋ kɔ̈k Gath ku Acedɔd.

Jocua 15:14

Ago Kalep mïth ke Anak cuɔp wei wut, cop dhiën ë Cecai, ku dhiën ë Aɣiman, ku dhiën ë Talmai.

1 Tham 17:7

Ku wai ë tɔŋde aa dït kɔ̈u, cït wai ë cum. Ku tɔŋ guöpde aaye kilɔɔ kadhorou ke wëëth. Ku könde aa muk ë raan däŋ ee cath në yenɔm tueŋ.