2 Tham 20:12 - JAM DE NHIALIC 2011

¹² Ku ŋoot guöp de Amatha ke dhɔt piny në kueeric cil, ke cï thiäŋ ke riɛm. Na wën, ke tïŋ ë dhuŋ tök nɔn ye raan ëbɛ̈n kɔ̈ɔ̈c ke woi guöpde raan cï thou, go wony ë kueeric ku lee tääu domic, ku kum kɔ̈u ë lupɔ.

2 Tham 20:12 ပူးပေါင်းရင်းမြစ်များ

2 Tham 17:25

(Ku Abthalom acï Amatha tääu në rem ë tɔŋ nɔm në nyin ë Jowap yic. Ku Amatha aaye wën ë Jether raan dhiën de Yicmiɛl, ku man Amatha acɔl Abigail nyan de Naɣac ku ye nyan ë nyankënë Dheruia man Jowap.)

2 Tham 2:23

Ku Athaɣel acïï gäm ŋoot ke cop Abener. Go Abener tɔŋ wɛl thok ciëën ku gut Athaɣel yic ë tɔŋ, abï tɔŋ lɔ paal ë yekɔ̈u biic. Ago Athaɣel wïïk ëtɛ̈ɛ̈n thou, go raan ëbɛ̈n raan ee bɛ̈n të tɔ̈u ë guöp de Athaɣel thïn ee kɔ̈ɔ̈c ëtɛ̈ɛ̈n.

2 Tham 20:11

Go dhuŋ tök në kɔc ke Jowap yiic lɔ kɔ̈ɔ̈c ë guöp de Amatha lɔ̈ɔ̈m, ku lueel an, “Kɔc ke Jowap ku kɔc ke Debid ë ke biɔth Jowap cök!”

2 Tham 20:13

Na wën, aa cïk guöp de Amatha wony kueeric, go kɔc kedhie Jowap jɔ kuany cök, ku copkï Ceba wën ë Bikiri.

Diɛt 55:23

Ku yïn Nhialic, bɛ̈ɛ̈iyë kɔc ee kɔc nɔ̈k ku kɔc ee käŋ töör, tɔ ke lɔ në raŋic, ke biäk de runken ë kën kɔn thök. Ku në biäkdï, yɛn bï Nhialic ŋɔ̈ɔ̈th.

Diɛt 9:16

Bɛ̈nydït ee rɔ nyuɔɔth në guiëërdɛn ë piathëpiɔ̈u, ku kɔc ee kërac looi acï kërɛɛcdɛn yek looi ke dɔm.