2 Tham 19:43 - JAM DE NHIALIC 2011

⁴³ Go kɔc ke Yithriɛl puɔ̈k nɔm kɔc ke Juda an, “Wok de nïïm biäk kathiëër në melikic, ku wo de nïïm yic në Debidic awär week, cakaa nɔn yen raandun! Ka eeŋö ya wek wo biɔɔn gup? Wok ë kɔn jam tueŋ në biäk bïï melik bɛ̈n ciëën!” Ku kɔc ke Juda aa ke ye jamden lueel ke cin yic riëëu, awär kɔc ke Yithriɛl.

2 Tham 19:43 ပူးပေါင်းရင်းမြစ်များ

2 Tham 19:14

Wël ke Debid acïk kɔc ke Juda tɔ mit piɔ̈ɔ̈th kedhie, agokï tuöc thok, në biäk bï yen lɔ bɛ̈n ciëën kekë bänyke kedhie.

2 Tham 19:9

Kɔc aake göth ë kapäc ë dhiëën ke Yithriɛl yiic ëbɛ̈n an, “Melik Debid acï wook luök në kɔc ke aterda, acï wo kony në kɔc ke Pilithiin, ku ënɔɔnë ë kat në Abthalom, ku nyiëëŋ baai piny.

2 Tham 20:1

Ade raan de guöp wël cɔl Ceba wën ë Bikiri, ee raan dhiën ë Benjamin. Na wën ke koth kaaŋ ku lueel an, “Acïn kë mat wook në Debid! Acïn kë tɔ̈u në kaamda në wën ë Jethe! Kɔc ke Yithriɛl pukku wonïïm baai!”

2 Tham 20:6

Ago melik Debid lɛ̈k Abicai an, “Ceba wën ë Bikiri abï wook luöi nuan wär Abthalom. Nöm kɔckï ku lɔɔr në yecök, ke cïï wuöt dït cï gël bï lɔ peec, ku acuku be yök.”

2 Tham 5:1

Na wën ke dhiëën ke Yithriɛl lɔ tëde Debid në Ɣebron ku lëkkï yen an, “Tïŋ wok ee kɔc ke dhiëndu.

1 Mel 12:16

Na wën aacï kɔc e tïŋ luɔi cïï melik jamden bï piŋ, ke luelkï në röldï an, “Eeŋödan cath ke Debid? Acïn këdan buk lak tëde wën ë Jethe. Yithriɛl pukku wonïïm wunda, Debid ë kɔɔr kɔc ke ɣönde thok.” Go kɔc ke Yithriɛl röt pɔ̈k wunden,

Kɛ̈ŋ 13:10

Dït ë nɔm ë agööth bɛ̈ɛ̈i, ku yök pɛlënɔm tëde raan ee jiëëm piŋ.

Kɛ̈ŋ 15:1

Ŋiëc bëër në piɔ̈n lir ee agɔ̈th tɔ lɔ piny, ku wël tuc thook ayek agɔ̈th tɔ ɣeer.

Kɛ̈ŋ 17:14

Të cïï agɔ̈th e thar cak aye dap duöm piny ke cï bï ɣeer, aduëër ciët wɛ̈ɛ̈r cïï thɔc dhuɔɔŋ.

Kɛ̈ŋ 18:19

Raan cä wek wuöc arilic bäk määth, acït rɛ̈t ë yic ë wun ril ë kɔc ke ater.

Romai 12:21

Duökï röt e tɔ tiɛɛm kërac, yak kërac tiaam në piath.

Galatai 5:15

Ku të ya wek röt kääc, ku yak röt cam, tiɛɛtkï röt ke we cïï röt bï thöl wapäc.

Galatai 5:20

läm de yiëth, athuɛ̈ɛ̈th, män mɛɛnë kɔc röt, ateer, tiɛɛl, agööth, ateer ke dït, tëŋ ee kɔc keyiic tek, döm de wëët rac,

Galatai 5:26

Duku lɛc ɣɔ̈ric ë kɔɔr, duku röt ë jut, duku yiic ë dɛ tiɛɛl ë röt.

Pilipoi 2:3

Duökï käŋ ee looi në ater ayï lɛ̈cderɔt, yak röt kuɔɔr piny, ë ŋɛk ë ye ŋɛk riëëu awär riëëu riëëu en rɔt.

Jakop 1:20

agönh ë raan acïï piathëpiɔ̈u ë Nhialic ee looi.

Bäny 8:1

Na wën ke kɔc ke Eparaim lop Gidiɔn an, “Eeŋö looi yïn wook aya? Eeŋö kën yïn wook cɔɔl wään jöt yïn tɔŋ kɔc ke Midian?” Gokï gɔ̈k aläldïïtë.

Bäny 9:23

Go Nhialic jɔŋ rac tuɔɔc ë kaam de Abimelek kekë kɔc ke Cekem, agokï Abimelek rɛɛc.