2 Tham 19:17 - JAM DE NHIALIC 2011

¹⁷ Ku Cimei aa cath kekë agum de kɔc ke dhiën ë Benjamin. Ku Dhiba lïm baai de Thaulo, acï bɛ̈n aya ke cath ke wɛ̈ɛ̈tke kathiëër ku dhïc ku lïïm kathiërrou, gokï ɣet ë wɛ̈ɛ̈r de Jordan nɔm ë melik nɔm tueŋ.

2 Tham 19:17 ပူးပေါင်းရင်းမြစ်များ

2 Tham 16:5

Na wën aa lɔ melik Debid ɣet Baɣurim, go Cimei wën ë Gera bɛ̈n bei wutic, ke lɛ̈ɛ̈t Debid ku ye läm aciɛɛn, ee raan töŋ de kɔc ke baai ë yï Thaulo.

2 Tham 19:18

Gokï wɛ̈ɛ̈r de Jordan teem ë kɔc ke melik ëtök, ke ke bï kë kɔɔr ë melik yepiɔ̈u aa looi. Të wën kïït ë melik rɔt bïï kiir teem kɔ̈u, go Cimei rɔt cuat piny në melik nɔm.

2 Tham 3:16

Go mony de Mical jäl kekë yen, ke kuɛny cök ke dhiau të lɔ Baɣurim. Go Abener lɛ̈k Paltiɛl an, “Jäl, puɔ̈k ë rɔt baai.” Go yenɔm puɔ̈k baai.

2 Tham 9:10

Yïn, ku mïthku, ku lïïmku, wek bï piny cuöm paan de bɛ̈nydu Thaulo, ku tëmkï keek, ago keek aa yiɛ̈n këcam. Ku Mepiboceth, guöpde abï ya cam në paamdï nɔm ë ceŋ.” (Dhiba aa de nɔm dhuök kathiëër ku dhïc ku lïïm kathiërrou.)

2 Tham 9:2

Ku ade lïm de paan ë Thaulo cɔl Dhiba, ago Dhiba yɔ̈ɔ̈k bï lɔ tëde Debid. Ago melik Debid thiëëc an, “Ee yïn Dhiba? Go bɛ̈ɛ̈r an, “Ɣɛɛ, ee yɛn lïmdu.”

1 Mel 2:8

“Ku aya, ade raan cɔl Cimei wën ë Gera, raan wun ë Baɣurim në dhiën ë Benjamin. Ë ya läm aciɛɛn arëët në kööl ɣɔn la yɛn Maɣanayim. Na ɣɔn aa jɔ a loor nɔm në wɛ̈ɛ̈r de Jordan yɔu, yɛn cï bɛ̈n kuëëŋ në Nhialic nɔm nɔn cän e bï nɔ̈k.