2 Tham 18:5 - JAM DE NHIALIC 2011

⁵ Ago melik Jowap, ku Abicai, ku Yitai, riit piɔ̈ɔ̈th ku jiëëm keek an, “Dɔ̈tkï Abthalom ku cïn kë luiyë ë yen në biäkdï.” Kë cïï melik lɛ̈k bäny ke rem ë tɔŋ në biäk de Abthalom, acïï rem de tɔŋ piŋ ëbɛ̈n.

2 Tham 18:5 ပူးပေါင်းရင်းမြစ်များ

2 Tham 16:11

Ago Debid lɛ̈k Abicai kekë bänyke kedhie an, “Mɛnhdï akɔɔr bïï yɛn nɔ̈k! Ku eeŋö ee week tɔ gäi ë kë looi raan wun ë Benjamin? Acï Bɛ̈nydït lɛ̈k en bï a lam! Pälkï, ë lam ɛn ëtɛ̈ɛ̈n.

2 Tham 17:14

Na wën ke lueel Abthalom ku kɔc ke Yithriɛl an, “Kë cïï Ɣucai raan de Arkit lueelë yen aŋuän në kën ë lëk ë Aɣithopel wook.” Acïï Bɛ̈nydït guiir nɔn cïï täŋ piɛth de Aɣithopel bïï gam, ke bï riääk bɛ̈ɛ̈i në Abthalom guöp.

2 Tham 18:12

Go raan puɔ̈k nɔm en, “Yɛn cïï wën ë melik duëër jak. Të ciɛk yïn yɛn gäm agum de atek. Wok cï jam de melik piŋ wodhie, wën yɔ̈ɔ̈k yen yïn wekë Abicai, ku Yitai, ‘Dɔ̈tkï Abthalom ku cïn kë luiyë ë yen në biäkdï.’

2 Tham 19:1

Na wën ke kɔc ë ke yɔ̈ɔ̈k Jowap nɔn dhiëëu ë melik Abthalom.

Diɛt 103:13

Cït man ye wun mïth piɔ̈u kok kekë mïthke, Yen aye Bɛ̈nydït piɔ̈u kok aya kekë kɔc wën ee Yen riëëu.

Luk 23:34

Na wën, ke lueel Yecu an, “Wäär, päl keek, në kuny kuc kek ke loikï.” Gokï lupɔɔke tɛ̈k röt në deeny deeny kek gɛk.