2 Tham 18:2 - JAM DE NHIALIC 2011

² Ku jɔ rem de tɔŋ tuɔɔc biic në kuut kadiäk, në Jowap kekë mänhë Abicai wɛ̈ɛ̈t ke Dheruia, ku Yitai raan de Gath, raan ë keyiic aa wat kuut de kɔc. Go ë melik lɛ̈k kɔcke an, “Yɛn bï lɔ wo week guöpdï.”

2 Tham 18:2 ပူးပေါင်းရင်းမြစ်များ

2 Tham 17:11

Täŋdï ee luɔi bï yïn kɔc ke Yithriɛl määt yiic, gɔl ë Dan lee Biirceba. Abï dɛ kɔc juëc cït liɛɛt ë wɛ̈ɛ̈r yɔu, ku yïn guöp jɔ tɔŋ wat.

2 Tham 21:17

Go Abicai wën ë Dheruia Debid kony ku nɛ̈k raan de Pilithiin. Na wën ke kɔc ke Debid ë ke kuëëŋ ë yenɔm nɔn cïï yen bï bɛ lɔ tɔŋ ke keek ë kööl däŋ, luelkï an, “Yïn ee aŋäth de Yithriɛl, ku wok cïn piɔ̈ɔ̈th luɔi bïï ë yïn nɔ̈k.”

2 Tham 23:18

Abicai, mänhë Jowap (manden acɔl Dheruia) ee bɛ̈ny de thiërdiäŋ cï leec. Acï piɔ̈t ke bot kadiäk de kɔc ke muk tɔŋ ku nɛ̈k keek kedhie, ago jɔ ŋic arëët në thiërdiäk yiic.

2 Tham 8:16

Jowap wën de Dheruia yen aye bɛ̈ny ë rem de tɔŋ ëbɛ̈n. Ku Jeɣocapat wën de Aɣilud yen aye bɛ̈ny de kacïgɔ̈ɔ̈r.

1 Mel 2:28

Acï ë Jowap piŋ nɔn cïï Adonija thou (ku aa mät kekë Adonija, ku aa kën mat kekë Abthalom). Na wën ke kɔt, ku le bot ë paany de Bɛ̈nydït yic, ku pɛ̈ɛ̈r tuŋ ke yïk.

Diɛt 3:6

ka yɛn cie riɔ̈ɔ̈c në aguum ke kɔc ke ater, cï ya tuɔɔk në ɣään yiic kedhie.

Bäny 7:16

Ku tek kɔc bot kadiäk (300) në akuut kadiäk (3), ku ye ŋɛk yiëk cin tuŋ. Ku töny lääuwiic, ku many de kuthyuui ë tönyic.

Bäny 7:19

Go Gidiɔn kekë kɔc rɛ̈ɛ̈r ë yen kabɔt bɛ̈n ë paany këc biic, të thiinakäŋ akën wɛ̈ɛ̈ric cil guɔ bɛ̈n, ke kɔc tït ë ke piac röt waar, ke ke jɔ tuŋ guɔ gɔl ë kuöth ku näkkï töny ë kecin.

Bäny 9:43

Ago kɔcke tɛ̈ɛ̈k yiic në diäk ku le ke buuth ë duumiic. Na wën aa lɔ Abimelek kɔc tïŋ ke ke bɔ̈ bei wutic, go rɔt gap nhial tëdɛn cï kek thiaan kekë kɔcke ku mɛkkï keek.

1 Tham 11:11

Ago Thaulo remdɛn ë tɔŋ tɛ̈ɛ̈kic në tuuŋ kadiäk në ee wɛ̈ɛ̈rë yic. Na ɣɔn amiäk adurduur, ke ke mook kɔc ke Ammon piny. Na wën aacï akɔ̈l kɔ̈ɔ̈c cil ke ke näk kɔc juëc aläl në keyiic. Ago kɔc cï döŋ ë keyiic jɔ aa kat ke ŋɛk ë cök enɔm tëde pei.