2 Tham 18:19 - JAM DE NHIALIC 2011

¹⁹ Na wën ke Aɣimaadh wën ë Dhadok ë yɔ̈ɔ̈k Jowap an, “Tɔ ya kɔt la tëde melik bä lɔ lɛ̈k thoŋ piɛth cïï Bɛ̈nydït ye kony wei në kɔc ke aterde.”

2 Tham 18:19 ပူးပေါင်းရင်းမြစ်များ

2 Tham 15:27

Ku jɔ ë melik lɛ̈k Dhadok, raan ë kake Nhialic an, “Yïn cïï ye tiët? Jɔt wëndu Aɣimaadh ku Jɔnathan wën de Abiathar, ku lakï wutic në mät.

2 Tham 15:36

Arëërkï në wɛ̈ɛ̈tken ëtɛ̈ɛ̈n yï Aɣimaadh kekë Jɔnathan, aduɛ̈ɛ̈rë ke tuöc yɛn na de cï yïn ka cï piŋ.”

2 Tham 17:17

Ku Jɔnathan wën de Abiathar, ku Aɣimaadh wën de Dhadok, aake tït ë Enrogel, në Jeruthalem thok, në luɔi cïï kek ye kɔɔr bï keek tïŋ ke ke lɔ Jeruthalem. Aa de nyan thiin lïm ee lɔ tëde keek biic, ku lëk keek kë loi rɔt. Ku jɔ Jɔnathan kekë Aɣimaadh ye lɔ lɛ̈k melik Debid.

2 Tham 18:20

Go Jowap puɔ̈k nɔm Aɣimaadh an, “Ei, köölë cïn thoŋ piɛth bä lɛɛr. Aköölë kɔ̈k aduëërë ke lɛɛr, ku në biäk de ee köölë wën ë melik thou.”

2 Tham 18:23

Go Aɣimaadh puk nɔm an, “Na ciɛk dɛ kë lɔ tuöl, ke yɛn bï lɔ.” Na wën ke Jowap ë yɔ̈ɔ̈k Aɣimaadh an, “Kɔt dï!” Go Aɣimaadh kat ke tëk në kueer de Wak de Jordan yic ku nyiëëŋ raan de Kuc piny.

2 Tham 18:31

Na wën ke raan de Kuc ë jɔ guɔ ɣëët. Go lueel an, “Bɛ̈nydï, yïn yiɛ̈n thoŋ piɛth, ee köölë Bɛ̈nydït acï kɔc tɛɛr në yïn luöi këtuc!”

Diɛt 10:14

Ku yïn ee yaaŋ tïŋ ku tïŋ nuan ku yïn ee kuɔɔny bɛ̈ɛ̈i. Kɔc yɔŋ keek ayek röt gäm yïn, ee yïn ee kɔc cïn käŋ kony.

Diɛt 10:18

Yïn bï dhiën de kɔc yɔŋ ku mïth abɛɛr piŋ, abä keek luök yic, ago kɔc ke cïï bï bɛ aa riääc.

Diɛt 7:6

Yïn Bɛ̈nydït jɔt rɔt! Kääcë nhial ke Yï cï gɔ̈th, ku riäk tuöc ë piɔ̈u de kɔc ke aterdï, Jɔt rɔt ku kony ɛn, Ee yic yen ye kɔɔr,

Diɛt 9:16

Bɛ̈nydït ee rɔ nyuɔɔth në guiëërdɛn ë piathëpiɔ̈u, ku kɔc ee kërac looi acï kërɛɛcdɛn yek looi ke dɔm.

Diɛt 9:4

Yïn ee yicdï ŋiëc muk apiɛth, Yïn cï nyuc ë thööny nɔm ku guiir löŋ ë yic.

Jeremia 51:31

Kɔc ye tooc, aye ŋɛk kat, ku lɔ ŋɛk në ŋɛk cök, ke ke lɔ melik de Babilonia lɛ̈k, nɔn cïï ë pänydïïtde thuur kɔ̈u në aguuk kedhie.

Romai 12:19

Duökï röt ë guöör, wek kɔc nhiaar, yak agɔ̈th pät kueer, luɔi cï e gɔ̈ɔ̈r an, “Guur ee këdï, abä cool ë Yɛn, jam de Bɛ̈nydït ka.”