2 Tham 16:23 - JAM DE NHIALIC 2011

²³ Ku wɛ̈t cï Aɣithopel lueel në aköölkë yiic, aaye gam cï wɛ̈t bɔ̈ tëde Nhialic guöpde. Ku aake ye Debid kekë Abthalom ke gam.

2 Tham 16:23 ပူးပေါင်းရင်းမြစ်များ

2 Tham 15:12

Na wën aa lɔ Abthalom miɔ̈c de Bɛ̈nydït gam, go raan tuöc Aɣithopel raan wun ë Gilo bïï bɛ̈n, raan ee Debid riit piɔ̈u. Kiɛɛr rɛɛc de Abthalom ë bɛ̈n acath apiɛth, go kɔc juëc Abthalom kuany cök.

2 Tham 15:31

Na wën ke raan tök ë yɔ̈ɔ̈k Debid an, “Aɣithopel ë mɛt në kɔc ke Abthalom yiic.” Go Debid lɔ̈ŋ an, “Bɛ̈nydït, yïn läŋ tɔ jam de Aɣithopel tɔ cïn naamde!”

2 Tham 17:1

Go Aɣithopel lɛ̈k Abthalom an, “Tɔ ya kuany bot kathiëër ku rou (12,000) de rem de tɔŋ, ku ëlë wakɔ̈u yɛn bï Debid lɔ cop.

2 Tham 17:14

Na wën ke lueel Abthalom ku kɔc ke Yithriɛl an, “Kë cïï Ɣucai raan de Arkit lueelë yen aŋuän në kën ë lëk ë Aɣithopel wook.” Acïï Bɛ̈nydït guiir nɔn cïï täŋ piɛth de Aɣithopel bïï gam, ke bï riääk bɛ̈ɛ̈i në Abthalom guöp.

2 Tham 17:23

Na wën aacï Aɣithopel ye tïŋ nɔn cïï Yithriɛl jamde rɛɛc, go mulde duöt kɔ̈u ku jël lee paanden. Na wën cï kake guiir kedhie, ke jɔ rɔt lɔ nöök. Go thou ku tɔ̈ɔ̈u në raŋ de yïï wun yic.

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Jop 5:12

Ku riëëk kïït ë kɔc ee kɔc math, ke kë cïk lueel an loikï cïï bï tiam

Diɛt 19:7

Löŋ de Bɛ̈nydït acï dikëdik, ee kɔc kɔ̈c bɛ tɔ ril. Yöök de Bɛ̈nydït alɔ gɔk, ee kɔc cïn nïïm tɔ pel nïïm.

Diɛt 28:2

Piŋ lɔ̈ŋdï, të dhiëëu ɛn kuɔɔny, të yan yacin jat nhial të lɔ tëduön ɣeric.

Wɛ̈ɛ̈t 10:1

Pialëpiɔ̈u thiinakäŋ aduëër pɛlënɔm kekë dhuëëŋ tiaam, cït man ye luaŋ cï thou acidhanh de miök tum tɔ ŋuäc.

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Jeremia 8:9

Röörkuön pelnïïm acï keek tɔ yäär, acïk nïïm mum ku dɔm keek. Acïk jamdï rɛɛc, ee pɛlënɔm ŋö jɔ tɔ̈u ke keek ënɔɔnë?

Kuɛ̈n 27:21

Ku ë ye këde Eleyadhar piŋ, bɛ̈ny de kake ke Nhialic, raan bï yen aa lɔ yïn jam tëde Yurim ku Thumimnë Bɛ̈nydït nɔm. Ku Jocua kedhie kekë akutnɔm de kɔc ke Yithriɛl ëbɛ̈n, abïk aa cath në kë cïï Eleyadhar lueel.

Math 11:25

Ë aköölkë go Yecu bɛ̈ɛ̈r ku lueel an, “Yïn lɛc nɔm, yïn Wäär, Bɛ̈nydït ë paannhial ku piny, ë luɔi cï yïn kakë mɔ̈ny kɔc pelnïïm, ku kɔc de nïïm, ku nyuöthë ke mïththii thuët.

Luk 16:8

Go bɛ̈nyde raan rac nu ë dhiënde nɔm leec në luɔi cï en pɛl: wɛ̈ɛ̈t ke piny de ënɔɔnë ayek wɛ̈ɛ̈t ke ɣɛɛrëpiny wöör në pɛl ë remdenic.”

Romai 1:22

Aake ye röt tɔ ye kɔc pelnïïm, ku acïk aa kɔc piɔlpiɔ̈ɔ̈th,

1 Pet 4:11

Raan guiir wël, ke ke guiir cït man ee kek wël ke Nhialic, raan loi ka ke kɔc ë looi në riɛl cïï Nhialic yiɛ̈n en: ke Nhialic bï dhuëëŋ yök në Yecu Kërtho ë këriëëcic ëbɛ̈n, Raan de nɔm dhuëëŋ ku ciɛɛŋ aɣet athɛɛr ya. Amiin.

1 Tham 30:8

Go Debid Bɛ̈nydït luɔp an, “Bä lɔ ee kɔckë cök? Ku bä keek gïth?” Go puɔ̈k nɔm en an, “Lɔ ë kecök abä ke lɔ gïth, ku yïn bï kɔc cï peec dɔ̈k nïïm ciëën.”