2 Tham 16:16 - JAM DE NHIALIC 2011

¹⁶ Na wën lee Ɣucai raan de Arkit mɛ̈thë Debid rɔ̈m kekë Abthalom, go cööt an, “Melik, yïn bï pïïr athɛɛr! Melik, yïn bï pïïr athɛɛr!”

2 Tham 16:16 ပူးပေါင်းရင်းမြစ်များ

2 Tham 15:32

Na wën aacï Debid ɣet në kuur nɔm nhial të wën ye kɔc lam thïn, go yök kekë raan mɛ̈ɛ̈th kek cɔl Ɣucai raan de Arkit, ee mɛ̈thëdɛn ŋɛ̈ɛ̈th arëët, go bɛ̈n ke ceŋ lupɔ cï yic rɛɛt, ku ade nɔm ade tɔɔr në dhiën ë piɔ̈u.

2 Tham 15:34

ku yïn bï ya kuɔny na lɔ yïnɔm puɔ̈k wut ku lɛ̈kë Abthalom an, “Yɛn bï aa lïmdu melik, cït man wään yan lïm de wuur, ka ë nɔɔnë yɛn ee lïmdu, ëtɛ̈ɛ̈n yïn bï täŋ de Aɣithopel jɔ tiaam.

2 Tham 15:37

Na wën ke Ɣucai mɛ̈thë Debid lɔ wutic Jeruthalem, ku yen ee ɣëët de Abthalom aya.

1 Mel 1:25

Ee köölë acï miöör juëc nɔ̈k, ku daau cuɛi, ku amɛ̈l, ku ë wɛ̈ɛ̈tku caal ë dhuëëŋic bïk nu thïn. Ku yen aya acï Jowap cɔɔl bɛ̈ny ë rem de tɔŋ, ku Abiathar bɛ̈ny de kake Nhialic. Keek aciëmkï ku dëkkï në yen ku mockï kiɛɛu an, ‘Yïn bï pïïr anandu melik Adonija.’

1 Mel 1:34

Ëtɛ̈ɛ̈n abï Dhadok bɛ̈ny de kake Nhialic, ku tiët ë Nhialic Nathan en lɔ tɔc ke ye melik bï nu në Yithriɛl nɔm. Ku kuɔthkï kɛŋ ku mɔckï kiɛɛu an, “Yïn bï pïïr anandu melik Tholomon.”

1 Mel 4:5

Ku Adharia wën ë Nathan acï tääu tueŋ ke ye bɛ̈ny nu në bäny mac wuöt nïïm ku Dhabut wën ë Nathan ee bɛ̈ny de kake Nhialic, ku ee cath ke melik

2 Mel 11:12

Ëtɛ̈ɛ̈n go Jeɣoyada wën ë melik lɛɛr biic, ku tɛ̈ɛ̈u göl në yenɔm, ku gëm awerek de lööŋ këde muŋ de ciɛɛŋ, ku jɔ Jowac tɔc, ku cɛɛlë ke ye Melik. Go kac kecin pam, ku cötkï në röldït an, “Abï pïïr anande yen melik!”

Danyel 2:4

Gokï jam de melik bɛ̈ɛ̈r në thoŋ de Aram an, “Yïn bï pïïr anandu melik, lɛ̈kë wook nyuöthdu, ku abuk wɛ̈ɛ̈ric yïn.”

Danyel 5:10

Go man melik, awuɔɔu piŋ, awuɔɔu looi ë melik kekë adhuëëŋke, ago bɛ̈n ɣön looiyë këcamdït thïn. Na wën ke lueel an, “Yïn bï pïïr athɛɛr melik! Yïn läŋ du piɔ̈u jeth ku du rɔt tɔ tiëc cï kë cï nɔm mum.

Danyel 6:21

Go Danyel bɛ̈ɛ̈r an, “Yïn bï pïïr athɛɛr, melik!

Danyel 6:6

Agokï lɔ tëde melik ku lɛ̈kkï yen an, “Melik Dariouth, yïn bï pïïr anandu!

Math 21:9

Go kut ë kɔc cath tueŋ kekë kut ë kɔc biɔth ke ciëën gokï ya cööt an, “Ɣothana ë tɔ̈u ke wën ë Debid! Thieithieei ë raan bɔ̈ në rin ke Bɛ̈nydït! Ɣothana ë tɔ̈u tënhial ya!”

1 Tham 10:24

Ago Thamwɛl lɛ̈k kɔc an, “Yen raan cïï Bɛ̈nydït lɔc kï! Acïn raan töŋ cït en në woyiic wodhie.” Ago kɔc cööt lueelkï an, “Melik yïn bï tɔ̈u athɛɛr!”