2 Tham 15:32 - JAM DE NHIALIC 2011

³² Na wën aacï Debid ɣet në kuur nɔm nhial të wën ye kɔc lam thïn, go yök kekë raan mɛ̈ɛ̈th kek cɔl Ɣucai raan de Arkit, ee mɛ̈thëdɛn ŋɛ̈ɛ̈th arëët, go bɛ̈n ke ceŋ lupɔ cï yic rɛɛt, ku ade nɔm ade tɔɔr në dhiën ë piɔ̈u.

2 Tham 15:32 ပူးပေါင်းရင်းမြစ်များ

2 Tham 1:2

Në kööl ye nïn diäk ke raan ë bɔ̈ ë paany de Thaulo yic, ke ceŋ lupɔɔ cï rɛɛt ë yekɔ̈u ku thiëŋ nɔm ke abuui nyooth dhiëëu. Go lɔ tëde Debid ku gut yenɔm piny në riëëu.

2 Tham 13:19

Go Tamar ŋeth wäl ë yenɔm ku ret lupɔde yic, ku kum yenyin në yecin, ku jiël ke cök e nɔm wei, ke dhiau ë röl dït.

2 Tham 15:30

Ago Debid lɔ nhial në kuur de Olip nɔm ke dhiau, ku ë yenɔm kuöm piny ë dhiën ë piɔ̈u ku ciɛth ë yecök ke cïn war. Ago kɔc cath ë yen kedhie kenïïm kuöm piny ku dhiaukï ayadäŋ.

2 Tham 16:1

Na wën aacï Debid kuur de Olip duɛ̈ɛ̈r waan nɔm, go yök kekë Dhiba lïm de Mepiboceth, ku Dhiba aa cath ke mul juëc ɣɛ̈ɛ̈c bot kaarou de kuïn cï pam, ku bɔt de enap cï riɛl, ku bɔt de mïth ke tiim amäi ë piac luɔk, ku athep thiäŋ ke mɔ̈u.

2 Tham 16:15

Go Abthalom kekë kɔc ke Yithriɛl kedhie bɛ̈n Jeruthalem, ku Aɣithopel aa cath ke keek.

2 Tham 17:5

Na wën ke lueel Abthalom an, “Ënɔɔnë calkï Ɣucai raan de Arkit, ke wo bï kë bïï lueel bɛ̈n piŋ.”

1 Mel 11:7

Go Tholomon të ye Cemoc yanh de Mowap lam thïn yïk në kuur nɔm, në Jeruthalem biäk të lɔ aköl amiäk, ku yïk të ye Molek lam thïn, yanh de Ammon.

1 Mel 4:16

Ku Baana wën de Ɣucai: arɛ̈ɛ̈r piny de Acer ku wuöt ke Biiloth.

1 Lëk 27:33

Aɣithopel yen ee melik riit piɔ̈u, ku të bï yen ke luɔi thïn, raan cɔl Ɣucai raan de Arkit ee ɣööt yïk, aa määth ke melik, ku ye melik jääm ë kapiɛth ë biäk de luɔi.

Diɛt 3:7

Bä Bɛ̈nydït! Nhialinydï, Luäk ɛn! Yïn bï kɔc ke aterdï luöi këtuc, ku abä ke tɔ cïn riɛl bïï kek a luöi këtuc.

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Luk 19:29

Na wën, aacï thiɔ̈k ke Bethpage kekë Bethani, në kuurdïït cɔl kuur ë Olip, ke jɔ kɔckɛn ë piööcë tooc kaarou,

Jocua 16:2

Ku jël Bethel gut Ludh, bɛɛric Ataroth Addar, piny ë Arkai.

1 Tham 4:12

Ku në ee kööl manë, raan dhiën ë Benjamin ëbɛ̈n kat tɔŋ ke lɔ Cilo, ku aacï lupɔɔke rɛtiic në dhiëëu ku yïk yenɔm abuui.