2 Tham 15:30 - JAM DE NHIALIC 2011

³⁰ Ago Debid lɔ nhial në kuur de Olip nɔm ke dhiau, ku ë yenɔm kuöm piny ë dhiën ë piɔ̈u ku ciɛth ë yecök ke cïn war. Ago kɔc cath ë yen kedhie kenïïm kuöm piny ku dhiaukï ayadäŋ.

2 Tham 15:30 ပူးပေါင်းရင်းမြစ်များ

2 Tham 15:29

Go Dhadok ku Abiathar athänduŋ de Nhialic jɔt ku leerkï Jeruthalem ku lek rëër ëtɛ̈ɛ̈n.

2 Tham 19:4

Na wën ke melik ë kum yenyin ku dhiɛɛu ë röldït an, “Abthalom wëndï oou, Abthalom, wëndï, wëndï!”

2 Tham 19:5

Go Jowap lɔ ɣöt tënu melik ku lɛ̈k en an, “Köölë yïn cï remduön de tɔŋ yɔ̈ɔ̈r, kɔc ë kony yïn wëi, wekë mïthku, ku duetku, ku diäärku, ku diäär määthku.

Ethta 6:12

Na wën ke Modekayo ë puk rɔt ë kal ë ɣöndïït ë Melik thok, të wën yen rëërë. Ku dap Ɣaman jäl ke gut e nɔm piny, pën e nyin kɔc, ke lɔ paande ke cï piɔ̈u dhiau arëët.

Diɛt 42:3

Pïïu ke yanyin acïk aa këcamdï aköl ku wakɔ̈u, të ye kɔc ke aterdï a yɔ̈ɔ̈k aköölnyïïn an, “Nu Nhialicdu ë nou?”

Diɛt 43:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Edhekiɛl 24:17

Du dhiëndu tɔ piŋ. Du cath ke yï ke yï kuöm nɔm ku du cath ke cin war ë yïcök ka wën nyooth dhiëëu. Du yïnyin kum ku du cäm në këcam ye kɔc dhiau cam.”

Edhekiɛl 24:23

Wek cïï bï cath ke we kuöm nïïm, ku cäkï cath ke we ceŋ war, we cïï bï dhiau ku cäkï dhuöör. Wek bï thöök wei në biäk de awɛ̈ɛ̈ckun, ku dhiaukï ke we teer wapäc.

Dhek 14:4

Në ë köölë abï kɔ̈ɔ̈c ë kuur de olip nɔm në Jeruthalem të lɔ aköl amiäk, ku ëtɛ̈ɛ̈n kuur de olip abï e yic tek ë rou gɔl ë aköl amiäk lee aköl athɛ̈i në gökdït ë wak. Biäk de kuur abï lɔ të lɔ rut ku biäk tök abï lɔ të lɔ wöuwic.

Math 5:4

Thieithieei ë kɔc ë dhiau, abï ke luk piɔ̈ɔ̈th.

Luk 19:29

Na wën, aacï thiɔ̈k ke Bethpage kekë Bethani, në kuurdïït cɔl kuur ë Olip, ke jɔ kɔckɛn ë piööcë tooc kaarou,

Luk 19:37

Ku të cï en guɔ thiɔ̈k ke pänydït, ku cï ɣet ë kuur ë Olip thar, ke kut dïït ë kɔc piööcë ëbɛ̈n ke ke jɔ piɔ̈ɔ̈th miɛt ku leckï Nhialic ë röl dït në baŋ de luɔi dït ëbɛ̈n luɔi cïk tïŋ,

Luk 19:41

Na wën, aacï guɔ thiɔ̈k, ke woi pänydït, ke jɔ dhiau,

Luk 21:37

Ku ye kɔc wɛ̈ɛ̈t Luaŋdïtic aköl, na thëën, ke ye lɔ biic le niin në kuur ë Olip nɔm.

Luk 22:39

Na wën, ke lɔ biic, le kuur ë Olip, cït man ee yen cool ë lɔ, ku kuɛny kɔckɛn ë piööcë cök aya.

Luɔi 1:12

Na wën, ke ke dhuny kenïïm Jeruthalem në kuur nɔm kuur cɔl Olip, kuur thiääk ke Jeruthalem, ee cäth de kööl ë Thabath tei.

Romai 12:15

Yak piɔ̈ɔ̈th miɛt ëtök në kɔc mit piɔ̈ɔ̈th, yak dhiau ëtök në kɔc dhiau.

1 Kor 12:26

Ku të töök ë kë töŋ ë raan guöp, ke ka ke guöp kedhie ke ke jɔ töök në yen ëtök, ku të bï kë tök ë raan guöp gäm dhuëëŋ, ke ka ke guöp kedhie ke ke jɔ piɔ̈ɔ̈th miɛt në yen ëtök.