2 Tham 15:24 - JAM DE NHIALIC 2011

²⁴ Dhadok kekë kɔc ke Lebi kedhie aɣɛ̈ɛ̈ckï athänduŋ de män ë Nhialic ëtök. Na wën ke ke tɛ̈ɛ̈u athänduŋ de Nhialic piny, ku jɔ Abiathar miɔ̈c de Bɛ̈nydït gam agut të bïï kɔc jäl ë pänydïtic kedhie.

2 Tham 15:24 ပူးပေါင်းရင်းမြစ်များ

2 Tham 15:27

Ku jɔ ë melik lɛ̈k Dhadok, raan ë kake Nhialic an, “Yïn cïï ye tiët? Jɔt wëndu Aɣimaadh ku Jɔnathan wën de Abiathar, ku lakï wutic në mät.

2 Tham 15:35

Dhadok ku Abiathar bäny ke kake Nhialic anukï ëtɛ̈ɛ̈n, lɛ̈kë keek këriëëc cï piŋ ëbɛ̈n ɣön ë melik.

2 Tham 20:25

Ceba aaye raan ee kake melik gɔ̈ɔ̈r, ku Dhadok ku Abiathar ayek bäny ke kake Nhialic,

2 Tham 6:13

Na wën aacï kɔc ɣɛ̈ɛ̈c athänduŋ de män lɔ të cït akɛɛth kadhetem, go Debid keek tɔ kääc, ku nɛ̈k Bɛ̈nydït thɔn ë weŋ kekë dan cuai ke ee miɔ̈c.

2 Tham 8:17

Dhadok wën de Aɣitup ku Abiathar wën de Aɣimelek, kek aye bäny ke kake Nhialic, ku Theraya yen aye kake melik gɔ̈ɔ̈r.

1 Mel 1:8

Ku Dhadok bɛ̈ny de kake Nhialic, ku Benaya wën ë Jeɣoyada, ku Nathan tiët ë Nhialic, ku Cimei, ku Rei, ku jɔ aa röördït ee Debid tiit aake kën mat në Adonija.

1 Mel 2:26

Go melik lɛ̈k Abiathar bɛ̈ny de kake Nhialic an, “Lɔ Anathoth wundun baaidu, yïn rɔ̈ŋ we thuɔɔu, ku yïn cä bï nɔ̈k ënɔɔnë, në luɔi ë nu Athänduŋ de män ë Bɛ̈nydït në yïciin wään nu yïn wekë wää Debid, ku yïn ë guömde ëbɛ̈n rɔm wekë yen ëtök.”

1 Mel 2:35

Ku tɛ̈ɛ̈u melik Benaya ke ye bɛ̈ny ë rem de tɔŋ në nyin ë Jowap yic, ku tɛ̈ɛ̈u Dhadok bɛ̈ny de kake Nhialic në nyin ë Abiathar yic.

1 Lëk 15:2

Na ɣɔn ke lueel an, “Ee kɔc ke Lebai kapäc kek abï Athänduŋ de mät aa ɣääc, në biäk cï Bɛ̈nydït ke lɔc bïk aa ɣääc, ku bïk Bɛ̈nydït aa luöi aɣet athɛɛr.

Edhekiɛl 48:11

Yen ee të cï thieeiyë abï ya tëde bäny ke kake Nhialic ke kuat de Dhadok. Acïk ya luööi në piɔ̈n adöt, ku akënkï röt mat ë kɔc ke Yithriɛl kɔ̈kë yiic në luɔi de kërac, cït man cï kɔc kɔ̈k ke Lebai ye looi.

Kuɛ̈n 4:15

Ku të cïï Aron kekë wɛ̈ɛ̈tke thök në kum kum kek tëɣeric kɔ̈u ku kaɣeriic kedhie, ka kɔc akuëthkï, ke dhiën ë Koɣath ë bɔ̈ ku kɛ̈p keek. Ku ë ke cïï kaɣeriic ke paany de mät jak. Na lek keek jak, abïk thou. Ee dhiën ë Koɣath yen abï kake paany de mät aa ɣääc.

Kuɛ̈n 7:9

Ku acïn kë cï gäm wɛ̈ɛ̈t ke Koɣath, në biäk ye kek kaɣeriic döt, ka yek keek ɣääc në kɔc kët.

Jocua 3:3

Lek lɛ̈k kɔc an, “Të la wek bänydït ke kake Nhialic tïŋ aɣɛ̈ɛ̈c athänduŋ de män ë Bɛ̈nydït Nhialicdun, ke we mɛ̈ɛ̈t pɛɛnykuniic, ku kuanykï ke cök.

Jocua 3:6

Ku jɔ lɛ̈k bäny ke kake Nhialic, nɔn nööm kek athänduŋ de mät, ku tɔ ke lɔ në kɔc nïïm tueŋ. Agokï lɔ në kɔc nïïm tueŋ cït man cïï Jocua ye lueel.

Jocua 6:4

Bäny ke kake Nhialic kadhorou, ë ke ye cath në athänduŋ de mät nɔm tueŋ ke ke muk kɛŋ. Ku në kööl ye akööl dhorou, ke we wil pänydït piny raandhorou wekë remduön ë tɔŋ, ku lɔ bäny ke kakë Nhialic ke ke koth kɛŋ.

Jocua 6:6

Go Jocua bäny ke kake Nhialic cɔɔl, ku lëk keek an, “Nɔ̈mkï athänduŋ de mät. Ku kɔc kadhorou në weyiic ë ke nöm kɛŋ ku lekï në athänduŋ de Bɛ̈nydït nɔm tueŋ.

1 Tham 22:20

Ku Abiathar wën de Aɣimelek, wën de Aɣitup, aacï rɔt kual ku lee mat kekë Debid.

1 Tham 4:11

Ku pec Athänduŋ de Män ë Nhialic, ku näk wɛ̈ɛ̈t ke Eli kaarou yï Ɣopni kekë Pineɣath.