2 Tham 15:10 - JAM DE NHIALIC 2011

¹⁰ Ku aacï kɔc tuöc dhiëën ke Yithriɛl ëbɛ̈n bïk lɔ lueel an, “Të cä wek röl de kɛŋ piŋiic, ke we cöt an, ‘Abthalom acï aa meliŋ de Ɣebron!”’

2 Tham 15:10 ပူးပေါင်းရင်းမြစ်များ

2 Tham 13:28

Na wën ke Abthalom ë yɔ̈ɔ̈k lïïmke an, “Woikï Amnon na cï miɔ̈l ë mɔ̈u, abä lɛ̈k week luɔi bä wek Ammon nɔ̈k. Duökï riɔ̈c. Ee yɛn ë luel en guöpdï. Riɛtkï röt ku duökï piɔ̈ɔ̈th cɔ̈m!”

2 Tham 14:30

Na wën ke Abthalom ë yɔ̈ɔ̈k lïïmke an, “Tiëŋkï, dom de Jowap athiääk ke domdï, ku ade yic barli cï luɔk thïn. Lak ɣökkï mac.” Gokï lɔ ku lek dom ɣök mac.

2 Tham 15:9

Go melik luel an, “Lɔɔ në mät.” Ago Abthalom jɔ lɔ Ɣebron.

2 Tham 19:10

Wok cï Abthalom tɔc ke ee melikda, ku yeka cï nɔ̈k ë tɔŋic. Eeŋö cïï wok melik Debid be lɔ bɛ̈ɛ̈i?”

2 Tham 2:1

Na wën ke Debid ë lop Bɛ̈nydït an, “Duëër lɔ bä wun tök lɔ nööm në wuöt ke Juda yiic?” Go Bɛ̈nydït lɛ̈k Debid an, “Lɔɔr.” Go Debid thiëëc an, “Ee wunnou bän lɔ thïn?” Go Bɛ̈nydït puk nɔm an, “Lɔɔr Ɣebron.”

2 Tham 2:11

Go Debid bääny muk ë Ɣebron ke ye melik de Juda, në run kadhorou ku pɛ̈i kadhetem.

2 Tham 5:5

Aa muk bääny në Ɣebron ke ye melik de Juda në run kadhorou ku pɛ̈i kadhetem, ku muk bääny ë Jeruthalem ke ye melik de Yithriɛl ku Juda në run kathiërdiäk ku diäk.

1 Mel 1:11

Go tiët ë Nhialic Nathan lɔ tëde Bathceba man Tholomon, ku lop an, “Ŋic nɔn cïï Adonija wën Ɣagith rɔt dɔm ke ye melik, ku bɛ̈nydïïtda Debid akuc ee kënë!

1 Mel 1:34

Ëtɛ̈ɛ̈n abï Dhadok bɛ̈ny de kake Nhialic, ku tiët ë Nhialic Nathan en lɔ tɔc ke ye melik bï nu në Yithriɛl nɔm. Ku kuɔthkï kɛŋ ku mɔckï kiɛɛu an, “Yïn bï pïïr anandu melik Tholomon.”

2 Mel 9:13

Go raan ëbɛ̈n ë ke yiic lupɔde bɛ̈ɛ̈i bei, ku thiethkï ke piny bï Jeɣu kɔ̈ɔ̈c ë kekɔ̈ɔ̈th, ku jɔ kaaŋ kooth, ku ciɛɛlkï an, “Jeɣu ee melik!”

1 Lëk 11:3

Ago bäny ke Yithriɛl kedhie lɔ tëde melik Debid ë Ɣebron. Gokï mät looi ë yen, ku jɔkï tɔc ë miök cït man ë kë cï Bɛ̈nydït lueel në Thamwɛl thok.

1 Lëk 12:23

Ɣɔn tɔ̈u ë Debid në Ɣebron, remdïït ë tɔŋ cï piɔ̈ɔ̈c acï rɔt bɛ̈n mat ë rem de tɔŋde yic, bïk lɔ kuɔny bïï aa melik ë nyin de melik Thaulo yic, cït jam ɣɔn cïï Bɛ̈nydït lueel. Kɔc ke Juda muk kööt ku tɔɔŋ ayek aguum kadhetem ku bot kabɛ̈t. Kɔc ke Thimion, röör jööt cï ŋiëc wɛ̈ɛ̈t lëu tɔŋ, ayek aguum kadhorou ku bɔt tök Kɔc ke Lebai ayek aguum kaŋuan ku bot kadhetem. Kɔc ke wën melik Jeɣoyada, raan dhiën de Aron ayek aguum kadiäk ku bot kadhorou. Kɔc ke Dhadok, jön thiin cï ŋiëc wɛ̈ɛ̈t lëu tɔŋ, ku wɛ̈ɛ̈t paan de wun, ayek thiërrou ku rou. Kɔc ke Benjamin, kɔc raan në Thaulo ayek aguum kadiäk. Ku kɔc juëc ke Benjamin acïk bɛ̈n döŋ ke ke tɔ̈u ë Thaulo cök. Kɔc ke Eparaim ayek aguum kathiërrou ku bot kabɛ̈t 20,800, ayek jööt cï ŋiëc wɛ̈ɛ̈t lëu tɔŋ, ku ayek kɔc de kɛk ë dhiëndenic. Kɔc ke dhiën biäk de Manatha ayek aguum kathiëër ku bɛ̈t 18,000, kɔc wään cï bɛ̈n bïk Debid bɛ̈n tɔ ye melik. Kɔc ke Yithakar, kɔc ŋic täu de akööl, kɔc ŋic kë duëër ë Yithriɛl aa looi, adekï bot kaarou ke bäny, ku kɔc raan ë keek kedhie atɔ̈ukï në kecök. Kɔc ke Dhebulun ayek aguum kathiërdhïc 50,000, ayek rem de tɔŋ cï ke ŋiëc wɛ̈ɛ̈t, ku adekï kakɛn ë tɔŋ kedhie bï kek Debid luök. Kɔc ke Naptali adekï agum de bäny ke tɔŋ, ku aciɛthkï në aguum kathiërdiäk ku dhorou 37,000 de rem de tɔŋ muk kööt ku tɔɔŋ. Kɔc ke Dan ayek aguum kathiërrou ku bɛ̈t, ku bot kadhetem 26,600 de rem ë tɔŋ cï guiir në biäk ë tɔŋ. Kɔc ke Acer ayek aguum kathiërŋuan 40,000 de rem ë tɔŋ cï guiir në biäk ë tɔŋ. Kɔc ke Ruben, ku Gad, ku biäk de Manatha nu ë Jordan kɔ̈u të lɔ aköl amiäk, ayek agum bɔt ku thiërrou 120,000 de rem ë tɔŋ cï guiir në wëu ke tɔŋ kedhie.

1 Lëk 12:38

Kek ee rɛm ke tɔŋë, acïk röt guiir ë biäk de tɔŋ, gokï lɔ Ɣebron bïk Debid lɔ tɔ ee melik de Yithriɛl ëbɛ̈n. Ku yen ee luɔi cï kɔc ke Yithriɛl keyiic mat kedhie në biäk ee jam töŋë.