2 Tham 13:19 - JAM DE NHIALIC 2011

¹⁹ Go Tamar ŋeth wäl ë yenɔm ku ret lupɔde yic, ku kum yenyin në yecin, ku jiël ke cök e nɔm wei, ke dhiau ë röl dït.

2 Tham 13:19 ပူးပေါင်းရင်းမြစ်များ

Cäk 37:29

Na wën, apuk Ruben enɔm, ku yök Jothep ke liu në yithic, ke diu piɔ̈u ku ret lupɔɔke yiic.

2 Tham 1:11

Ago Debid lupɔɔ ke yen kɔ̈u rɛt yiic, nyooth dhiën ë piɔ̈u, go kɔcke lupɔɔken rɛt yiic aya.

2 Tham 1:2

Në kööl ye nïn diäk ke raan ë bɔ̈ ë paany de Thaulo yic, ke ceŋ lupɔɔ cï rɛɛt ë yekɔ̈u ku thiëŋ nɔm ke abuui nyooth dhiëëu. Go lɔ tëde Debid ku gut yenɔm piny në riëëu.

2 Tham 13:20

Na wën cï Abthalom, mänhë Tamar tïŋ ke lëk en an, “Cï Amnon, Wänmuuth, yïn dɔm në riɛl ku wïït yïn? Ënɔɔnë, mim thok nyankäi. Yen ee wën wuur. Du ee kënë tɔ riäk yïpiɔ̈u arëët!” Go Tamar rëër paan ë mänhë Abthalom ke diu piɔ̈u ku ye rëër yetök.

Ethta 4:1

Na wën aa lɔ Modekayo kë cï looi ŋic, ke ret lupɔɔ yiic ë yekɔ̈u, ku tɛ̈ɛ̈u lupɔɔ ke cuɔl, ku wɛ̈l ŋeth ë yenɔm në dhiën ë piɔ̈u ku lee wutic cil ke dhiau ë röldït, ke cï piɔ̈u kɛc në jiɛth ë piɔ̈u,

Jop 2:12

Ku të wën jɔ kek e tïŋ tëmec akënkï bɛ̈n ŋic, gokï ke röt jɔt ke ke dhiau, ku retkï lupɔɔ në kekɔ̈ɔ̈th ku yek abuui wɛɛr nhial në jiɛth ë piɔ̈u.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Jeremia 2:37

Wek bï röt yal wei tëde kɔc ke Rip, ke we cï gup yäär. Yɛn Bɛ̈nydït, Yɛn cï kɔckuön yak keek ŋɔ̈ɔ̈th rɛɛc, acïn kë bäk yök tëde keek.”

Jocua 7:6

Na wën, ke Jocua ë dhiau piɔ̈u ku ret lupɔɔke yiic, ku ret röördït ke Yithriɛl lupɔɔkeniic ayadäŋ, në dhiën ë piɔ̈u. Ku cuɛtkï röt piny në athänduŋ de mät nɔm. Ku tɔ̈ukï piny ëtɛ̈ɛ̈n agut cï thëën, ke ke cï kenïïm wäl abuui nyooth dhiën ë kek piɔ̈ɔ̈th.

1 Tham 4:12

Ku në ee kööl manë, raan dhiën ë Benjamin ëbɛ̈n kat tɔŋ ke lɔ Cilo, ku aacï lupɔɔke rɛtiic në dhiëëu ku yïk yenɔm abuui.