2 Tham 13:1 - JAM DE NHIALIC 2011

¹ Debid ade nɔm wëndɛn cɔl Abthalom ku wën däŋ cɔl Amnon. Abthalom ade nɔm nyankënë läk kënë thiaak cɔl Tamar, ku yen anhiɛɛr Amnon.

2 Tham 13:1 ပူးပေါင်းရင်းမြစ်များ

Cäk 29:18

Go Jakop Racel nhiaar aläl. Go lɛ̈k nɛ̈ɛ̈rë an, “Yïn bä luööi në run kadhorou në këde Racel, nyanduön thiinë.”

Cäk 29:20

Go Jakop en luööi në run kadhorou në këde Racel. Ku aaye runkë tïŋ ke ke lik cït man ë nïn likakäŋ tei, në luɔi ë nhiɛɛr en Racel.

Cäk 34:3

Cekem acïï Dina nyan ë Jakop diir, go nhiaar guöp ku thut.

Cäk 6:2

Ku wɛ̈ɛ̈t ke Nhialic acï duet ke bɛ̈n diir, agokï röt lɔ̈c diäär në keyiic cït man ë kë kɔɔr ë piɔ̈nden.

2 Tham 11:2

Na ɣɔn thëën ë kööl tök ke Debid ë jɔt rɔt ë biökke yiic ku jɔ cath ke wil ɣönde nɔm nhial. Ku të wën ŋoot en në ɣöt nɔm, ke tïŋ tik ke waak paande. Ku tik aa läk aläl.

2 Tham 13:15

Ku ëtɛ̈ɛ̈n go Amnon Tamar ja guɔ maan guöp arëët awär nhiëër wään nhiɛɛr en en. Go lɛ̈k en an, “Jɔt rɔt ku jël!”

2 Tham 13:2

Ku Amnon aa nhiaar Tamar aläl arëk abï rɔt cäk an de guöp juäi, në baŋ yen e yök ke rilic në luɔi duëër en Tamar nööm, ku në baŋ yen nyan kën kɔn yök kekë moc aa ye tɔ mɛ̈ɛ̈c kekë röör.

2 Tham 14:27

Ku Abthalom ade wɛ̈ɛ̈t kadiäk ku nyan töŋ cɔl Tamar, ee tiiŋ läk arëët.

1 Mel 11:1

Na wën ke Tholomon ë nhiaar diëër juëc ke juöör kɔ̈k. Go thiëëk në duet ke Ɣit, ku duet ke Mowap, ku duet ke Ammon, ku duet ke Edom, ku duet ke Thidon, mɛtke në tiiŋdɛn nyan ë melik de Rip nyin.

1 Lëk 3:9

Ku Debid aa de nɔm wɛ̈ɛ̈t kɔ̈k në diäär määth ë yen aya. Ku ade nɔm nyan cɔl Tamar.

Kɛ̈ŋ 31:30

Läk de guöp acïï kït ke läk de piɔ̈u, ku tiiŋ ee Bɛ̈nydït riëëu arɔ̈ŋ ke piɔ̈ny.

Kɛ̈ŋ 6:25

Du rɔ bï tɔ meet ë läkden. Du rɔt tɔ diir ë läk de kenyïïn.