2 Tham 12:31 - JAM DE NHIALIC 2011

³¹ ku ye kɔc ke wut tɔ ɣɛ̈ɛ̈r tiim yiic, ku yek pur looi, ku loikï yiëp ke wëëth, ku tɔ keek loi thop. Ku lui ee kënë kɔc ke wuöt kɔ̈k ke Ammon kedhie. Na wën ke Debid ë jɔ rɔ dak Jeruthalem kekë remdɛn ë tɔŋ ëbɛ̈n.

2 Tham 12:31 ပူးပေါင်းရင်းမြစ်များ

2 Tham 8:2

Ku acï kɔc ke Mowap tiaam ayadäŋ. Ku tɔ keek tɔ̈c piny ë tiɔp nɔm, ku jɔ keek them në awiɛɛth. Ku kɔc kaarou nɔ̈k në kɔc kadiäk yiic. Go kɔc ke Mowap bɛ̈n aa lïïm ke Debid ku yek kuöt athölbö.

1 Lëk 20:2

Kɔc ke Ammon adekï yanhdɛn cɔl Molek, ku melik de kɔc ke Ammon ade nɔm göl de adhääp ye thëmde kilɔɔ kathiërdiäk ku ŋuan, ku ade yic kɔi tuc ë ɣööcden, go ë Debid nööm ku tɛ̈ɛ̈u ë gölde yic ku tɛ̈ɛ̈u ë yenɔm. Go kajuëc arëët peec ë pänydïtic.

1 Lëk 20:3

Acï kɔc ke pänydït nööm, ku tɔ keek guaŋ tiim, ku loikï pur, ku yiëëp në wëëth. Ku luui kɔc juëc tɔ̈u ë wuöt ke Ammon yiic kë cït ee kënë. Go rɔt jɔ pɔ̈k Jeruthalem kekë kɔcke.

Jeremia 43:9

“Nöm kurdït në yïciin ke kɔc kɔ̈k Juda ë ke daai, ku kuöt ë keek nïïm ë tönyic ë ɣön de melik ë Rip thok në Tapaneth.

Amoth 1:13

Aye Bɛ̈nydït lueel an, “Kɔc ke Ammon abä keek luöi këtuc, në biäk de karɛc juëc cïk looi. Arëk abïk diëër liac rɛ̈ɛ̈tiic bei në mïth në Giliyad, në baŋ bï kek piny nööm ke ye këden, ŋuɛk kek pinyden nyin.

Amoth 1:14

Në biäk de ee kënë, Yɛn bï mac tuɔɔc Raba bï lɔ nyuɔp piny, ku nyop ɣään riilke piny. Ku ëtɛ̈ɛ̈n, abï dɛ awuɔɔu de tɔŋ, ku anuɔɔn de kööl amaŋdït.

Amoth 1:3

Aye Bɛ̈nydït lueel an, “Kɔc ke Damathko abä keek luöi këtuc, në biäk de karɛc juëc cïk looi. Arëk abïk kɔc ke Giliyad kääm piny në abëël ke käm de thook wiɛth.

Ɣeberuu 11:37

Ku ye ke biɔ̈ɔ̈k në kur ku temë kakë kɔ̈ɔ̈th në rou, aake ye nɔ̈k në abätɛ̈ɛ̈u, aake rɛ̈ɛ̈r ke ke kuanynyïïn ku acïn kë ceŋkï ë kekɔ̈ɔ̈th, ee biɔŋ ke thök bɔɔth ku amɛ̈l kek aa ceŋkï, aake ye yɔŋ ku kucë ke luööi.

Jocua 10:15

Ku ëtɛ̈ɛ̈n, Jocua ë yenɔm bɛ̈n ja dak Gilgal kekë rem de tɔŋde.